自由黨 (香港)
自由黨 | |
| 主席 | 邵家輝 |
| 創立 | 1993年6月26號 |
| 總部 | 九龍灣宏泰道23號801-803室 |
| 象徵顏色 | 藍、綠、白 |
| 立法會議席 | 4 / 90
|
| 區議會議席 | 5 / 479
|
| 意識形態 | 保守主義、自由放任主義、親北京 |
| 網站 | liberal.org.hk |
自由黨（英文：Liberal Party），係香港一個商界親中陣營政黨，而家黨員人數有三百幾人，由李鵬飛同幾個人1993年創黨，係啟聯資源中心嘅前身。
初期黨員主要係生意人、企業家同專業人士，一般覺得親商界嘅資產階級政黨，時人稱為「富貴黨」，2003年搞「旗彩招募行動」招攬各階層入黨，黨員成份開始多元化。重有周邊組織「自由之友」，有近萬會員。2004年，個黨整咗個自由論壇，係香港第一個由政黨起，開放畀公眾參加嘅網上論政平臺。
立場
[編輯]佢哋嗰黨嘅政治思想同英國保守黨、美國共和黨相似，主張自由市場經濟，要求政府提高透明度，嚴格控制政府收入同開支[1]，包括稅收和福利，響勞資糾紛時比較傾向支持資方。自由黨被視為屬於建制派政黨，在政治上傾向接受政治現實。響同中國共產黨嘅關係方面，佢哋同民建聯同被視為親中派政黨。現任主席係邵家輝，黨魁係張宇人。
議席
[編輯]2004年立法會選舉之後，自由黨攞到十個香港立法會議席，成為立法會第二大黨。除咗田北俊同周梁淑怡係由地區直選取得議席外，其餘八席都係經功能組別選出。2008年立法會選舉之後，田北俊同周梁淑怡喺地區直選落選，田北俊話主席都唔做。隨後嗰幾年，自由黨先後由劉健儀、周梁淑怡、鍾國斌擔任主席，但由於喺2012年特首選舉公開挺唐（支持唐英年），雖然話就話繼續支持香港特區政府，但係並未表達支持梁振英。梁振英上任後，自由黨同梁振英嘅牙齒印極深。再加上新民黨、經民聯先後成立，自由黨亦無可避免被邊緣化，結果喺2012年嘅第5屆香港立法會選舉、2016年嘅第6屆香港立法會選舉裏面，自由黨議席一路向下跌，分別只係贏得5席、4席[2]。
2016年10月7號，張宇人接任自由黨主席，鍾國斌就擔任黨魁，兩人一坐正就願意同特首梁振英保持良好關係，意味住田北俊時代正式結束。第二年（2017年），陳浩濂、符傳富加入林特首（林鄭月娥）管治班子，自由黨同港府關係亦都從此破冰。
政績
[編輯]2001年：向中央提出可簡化手續畀大陸居民自由到香港旅遊嘅構思，2003年確立咗「自由行」[3]。
2003年：要求政府押後基本法二十三條立法，田北俊辭去行政會議職位，行政長官董建華發表聲明，無限期押後恢復二十三條二讀。
2006年：政府有意開徵商品及服務稅，該黨發動反銷售稅大遊行，有近萬人參加，配合社會上嘅強烈反對，成功令政府放棄商品及服務稅諮詢及推行[4]。
立法會議員
[編輯]| 議席 | 界別 | 姓名 | 1998-2000 | 2000-2004 | 2004-2008 | 2008-2012 | 2012-2016 | 2016-2020 | 備註 |
|---|---|---|---|---|---|---|---|---|---|
| 地方選區 | 新界東 | 田北俊 |  |
|
2022年8月退黨 | ||||
| 新界西 | 周梁淑怡 | |
2022年8月退黨 | ||||||
| 功能界別 | 鄉議局 | 劉皇發 | |
|
→ [5] |
2017年7月逝世 | |||
| 航運交通界 | 劉健儀 | |
|
|
|
2022年8月退黨 | |||
| 易志明 | |
|
|||||||
| 建築、測量及都市規劃界 | 何承天 | |
|||||||
| 地產及建築界 | 夏佳理 | |
|||||||
| 旅遊界 | 楊孝華 | |
|
|
|||||
| 商界（第一） | 田北俊 | |
|
2022年8月退黨 | |||||
| 林健鋒 | |
→[5] |
|||||||
| 工業界（第一） | 丁午壽 | |
|
||||||
| 梁君彥 | |
→[5] |
現任立法會主席 | ||||||
| 紡織及製衣界 | 梁劉柔芬 | |
|
|
→[5] |
||||
| 鍾國斌 | |
|
|||||||
| 飲食界 | 張宇人 | |
|
|
|
|
|||
| 批發及零售界 | 周梁淑怡 | |
|
2022年8月退黨 | |||||
| 方剛 | |
|
|
||||||
| 邵家輝 | |
||||||||
| 區議會 | 劉皇發 | |
2017年7月逝世 | ||||||
| 選舉委員會 | 何世柱 | |
|||||||
| 所得議席 | 10 | 8 | 10 | 7→3 | 5 | 4 | |||
區議會議員
[編輯]現時，自由黨喺5個區議會有5個議席，議員包括：
| 區議會 | 選區號碼 | 選區 | 議員 | 備註 |
|---|---|---|---|---|
| 中西區 | A04 | 山頂 | 楊哲安 | |
| 灣仔區 | B08 | 渣甸山 | 林偉文 | |
| 東區 | C16 | 寶馬山 | 阮建中 | |
| 南區 | D16 | 海灣 | 梁進 | |
| 九龍城區 | G09 | 九龍塘 | 何顯明 |
自由黨青年團
[編輯]同香港政府關係
[編輯]自由黨喺1994年成立，創立之初已經係親中政黨，不過入面啲人就係以前服務開殖民地政府嘅親英保守派，畀人嘅印象係集體轉軚。佢哋亦都同最後一任港督彭定康過唔去。臨立會成立，佢哋都有份參加。
主權移交之後，佢哋依然同香港政府有傾有講，當時嘅自由黨群眾基礎唔係好夠，但係一個代表普遍商人階層嘅政黨，所以佢喺社會上都算有啲影響力。
同政府關係嘅轉變係喺2003年嘅七一大遊行，當時政府推動緊23條立法，加上香港受到沙士疫情影響，拖累經濟，令到民憤升溫。當時遊行有成50-60萬人參加，人物之多嚇到政府要開特別會議諗對策，當中田北俊因為反對如期二讀23條而辭咗行政會議唔做，令到政府煞停23條立法。兩者關係因而惡化。
後來到曾蔭權上台做特首，政府同自由黨關係又開始變好。
之後到咗2012年嘅特首選舉，自由黨係到最後仍然撐唐英年嘅少數建制派。選舉後，自由黨一反佢建制派嘅形象，改做監察當時特首梁振英，之後又話佢令到社會分裂。
到2017年嘅特首選舉，梁振英唔連任。而自由黨就冇上屆噉撐硬某一個候選人，但係田北俊就支持曾俊華。後來曾俊華輸咗俾林鄭月娥。
2019年，林鄭月娥想強行通過逃犯條例修訂草案，自由黨即刻出聲明表態支持，但係黨魁鍾國斌就有保留，榮譽主席田北俊批評身為行會成員嘅張宇人罔顧民意，認為佢應該好似當年自己噉辭咗行會成員嘅位，田大少後來喺7月更加聯同周梁淑怡、劉健儀、方剛「逼宮」，要求佢辭去行會一職，但係不得要領，面對政府嘅態度更加成為自由黨分裂嘅導火線，田北俊後來接受訪問嗰陣話，佢同幾個反對張宇人路線嘅人有另組新黨嘅打算，派人去選2020年嘅立法會選舉，結果田大少喺2020年3月創立希望聯盟。
就因為自由黨同政府關係時好時壞，佢喺建制派嘅地位慢慢被邊緣化，原本佢代表嘅中產、專業、鄉事同商人階層除咗俾泛民主派挑戰之外，比佢更親中，而且由中國政府扶植嘅新民黨同經民聯亦都進一步蠶食自由黨嘅政治版圖，導致自由黨越嚟越冇埞企。
2021年第7屆香港立法會選舉，自由黨只係派出5人參選功能界別、選委會界別，除咗鍾國斌冧唔到莊之外，易志明、邵家輝、張宇人順利冧莊，喺第6屆香港區議會選舉輸畀泛民主派素人蔡志強嘅李鎮強亦喺選委會界別一擊即中，順利當選。
退出自由黨
[編輯]2022年8月，田北俊、周梁淑怡同劉健儀等人，並正式一同退出自由黨榮譽主席嘅身份職務。[6][7]
睇埋
[編輯]參考資料
[編輯]- ↑ 〈自由黨黨綱〉。原著喺2007年9月28號歸檔。喺2007年10月16號搵到。
- ↑ 自由黨地區直選全落敗 互聯網檔案館嘅歸檔，歸檔日期2017年10月7號，.，蘋果日報，2016-09-06
- ↑ 〈自由黨-2000-2004工作匯報-自由行的提倡者〉。原著喺2007年9月28號歸檔。喺2007年10月16號搵到。
- ↑ 〈香港獨立媒體 - 報摘：銷售稅〉。原著喺2007年10月17號歸檔。喺2007年10月16號搵到。
- ↑ 5.0 5.1 5.2 5.3 喺2008年香港立法會選舉結束後退黨，另組經濟動力
- ↑ 自由黨擬取消榮譽主席 田北俊、周梁淑怡及劉健儀退黨 互聯網檔案館嘅歸檔，歸檔日期2022年10月11號，. ，AM730，2022年8月10日
- ↑ 撤「榮譽主席」元老退黨 田北辰：自由黨冇田北俊只是普通生意人
