何承天

出自維基百科,自由嘅百科全書
跳去導覽 跳去搵嘢
何承天
出生日1938年12月2號 喺Wikidata改呢個 (84歲)
出生地英屬香港 喺Wikidata改呢個
國籍香港 喺Wikidata改呢個
母校香港大學 喺Wikidata改呢個
職業畫則師太平紳士政治人 喺Wikidata改呢個
政黨自由黨 喺Wikidata改呢個

何承天SBSOBEJP英文Edward Ho Sing-tin1938年12月2號—)係香港畫則師政治人

簡歷[編輯]

何承天喺1938年出世,中小學都係讀聖若瑟書院,並且喺香港大學建築系畢業。1969年加入王董建築師樓直到2015年退休。

1987年,何承天接替退休嘅陳壽霖成為立法局非官守委任議員,開始從政。

1991年,何承天由委任議員轉為參加功能組別選舉,以工商專聯嘅牌頭喺建築、測量及都市規劃界功能界別競逐連任。喺四人混戰底下,何承天以過半票數當選,之後何承天更加得港督委任做行政局議員,變身「雙料議員」。

1991年立法局選舉港同盟大勝,成為立法會第一大黨。選舉結果令到政府同親政府保守派好詫異,認為港同盟勢力太強會威脅政府施政,於是選舉之後,以李鵬飛等人為首嘅保守派議員組成咗「啟聯資源中心」,抗衡民主派,當中何承天亦係創會成員之一。

1992年,對中國態度溫和嘅港督衛奕信畀當時嘅英國首相馬卓安換咗落嚟,改由彭定康接任最後一任港督。彭定康一上任就改變衛奕信對中國容忍嘅態度,實行政治改革。其中之一就係將「行政立法分家」。由於呢個政策,何承天要離開做咗只係接近一年嘅行政局。

1993年,何承天在內嘅十幾個立法局議員將啟聯資源中心改組成為自由黨,為之後嘅舉行嘅三級選舉準備。

到2000年,何承天繼續循建築、測量及都市規劃界競逐連任,但係輸咗畀劉炳章,從此告別立法會。

屋企人[編輯]

亞爸何少庵係香港報人,佢喺《華僑日報》效力將近四十年,係華僑日報嘅秘書,同時喺香港報業公會創會之初就做司庫直到過身;亞媽係梁寶芳,佢重有兩個細佬妹[1]

老婆係郤丹華。

由佢亞爸開始,何承天一家四代人都係聖若瑟書院嘅舊生,而灣仔活道嘅聖若瑟小學校舍亦係出自何承天嘅手筆[2]

個人榮譽[編輯]

參考[編輯]

  1. 僑日報有限公司秘書何少庵逝世 定今午舉殯. . 1980-09-20. p. 11.
  2. Jo :呢間學校係爺爺起嘅. hk.news.yahoo.com (中文). 喺2022-01-18搵到.
  3. (繁體中文). 香港特別行政區政府太平紳士網頁.
  4. (新聞稿) (繁體中文). 香港政府新聞公報. 1999年7月1號.

出面網頁[編輯]

Template:香港特別行政區第一屆立法會議員