陳浩濂
陳浩濂（Chan Ho Lim, Joseph，1977年2月9號—），係現任財經事務及庫務局副局長（2017年8月16號上任），爸爸陳兆安曾經做過路政署助理署長。
陳浩濂曾經做過渣打銀行 (香港)金融市場部董事總經理，2009年加入自由黨。
嚮2011年香港區議會選舉，陳浩濂出選山頂選區，打敗有意競逐連任嘅公民黨雙料議員陳淑莊，2012年上任區議員。
簡歷
[編輯]陳浩濂喺番禺會所華仁小學（1989年小六）和香港華仁書院（1995年中六）畢業，之後去咗美國密歇根大學讀經濟學（榮譽）及心理學雙學士學位。佢係特許財務分析師，畢業之後佢投身金融界，發展順利。佢首先加入咗投資銀行美林集團，並喺短短五年間升到副總裁。之後佢喺2005年，即係28歲嘅時候就做咗投資銀行貝爾斯登常務董事(Managing Director)，成為業內最後生嘅董事總經理(Managing Director)級銀行家，市場消息話佢未到30歲已每年賺到過千萬人工。2008年佢加入渣打銀行做金融市場部董事總經理，之後喺2016年加盟東方匯理銀行做環球市場部董事總經理。
2009年，陳浩濂加入咗自由黨。2011年香港區議會選舉嘅時候，陳浩濂第一次參加選舉，並出選山頂選區。佢以1505票擊敗有意競逐連任嘅公民黨議員陳淑莊，成為一時佳話。2015年，陳浩濂競逐連任山頂區議員，憑住任內勤力服務居民嘅口碑，以1837票對317票成功連任，是自1994年山頂選區創立以來第一個成功連任嘅區議員，亦都成為呢屆區議會選舉中港島區得票率最高嘅「票王」。喺做緊中西區區議會議員嘅時候，佢做過交通及運輸委員會、中西區環境改善及綠化美化工作小組、中西區撲滅罪行委員會等組織嘅成員。2016年9月，陳浩濂參加立法會選舉，喺商界（第一）功能界別挑戰競逐連任、時任行會立會雙料議員林健鋒，最終以46%得票率(388對455票)輸咗。2016年12月，陳浩濂參加選舉委員會界別分組選舉，喺商界（第一）中取得441票當選，係呢次選委會選舉中商界（第一）嘅「票王」，亦都係歷屆選委會選舉入面喺商界（第一）得票最多嘅當選人。
陳浩濂咁多年嚟都活躍服務金融業同埋商界，包括做香港財經分析師學會副會長、香港證券及投資學會董事、金銀業貿易場顧問、香港大學經濟及工商管理學院計量金融課程顧問團成員、香港特區政府中小企委員會委員、香港特區政府工業貿易諮詢委員會委員及香港總商會理事等。
因為陳浩濂好熟金融業嘅運作，佢獲推薦做財經事務及庫務局副局長呢個職位，協助該局嘅運作。2017年8月，陳浩濂獲委任為財經事務及庫務局副局長，喺同月16日履新。
參選經歷
[編輯]陳浩濂分別喺2012年同2016年當選中西區區議員。
其中喺2015年香港區議會選舉，佢攞到1,837票，成功當選[1]。
2017年，陳浩濂因為出任財經事務及庫務局副局長，而辭任區議員，而佢嘅區議員席位就由黨友楊哲安繼承。
成員
[編輯]馬主生涯
[編輯]陳浩濂同爸爸陳兆安係香港賽馬會馬主，名下馬包括朗天、日東昇、日輝煌。
出面網頁
[編輯]參考來源
[編輯]- ↑ 〈2015年區議會選舉 - 選舉結果〉。www.elections.gov.hk。原著喺2018-11-22歸檔。喺2025-01-10搵到。