渣打銀行 (香港)
渣打銀行（英文：Standard Chartered Bank）自1859年開始晌香港發展業務，又晌1862年開始晌香港發行港元銀紙，而家亦係香港銀行公會[1]三間主席銀行之一，現任主席係洪丕正（第六屆香港政府選委會西商會界別選委）。
產品同埋服務
[編輯]晌香港，渣打銀行嘅個人銀行服務提供咗多樣嘅產品同埋服務，包括信用卡、私人貸款、按揭、存款同埋財富管理咁。
近況
[編輯]2004年7月1號，渣打銀行完成咗晌香港註冊嘅手續，將渣打銀行香港分行、Manhattan Card Company Limited、Standard Chartered Finance Limited、Standard Chartered International Trade Products Limited 同埋 Chartered Capital Corporation Limited 嘅業務注入歸納晒入嗰年3月晌香港註冊嘅渣打銀行（香港）有限公司，立法會亦已經修訂法定貨幣紙幣發行條例，將渣打銀行嘅發鈔權畀咗渣打銀行（香港）有限公司。
2005年7月，香港渣打宣佈同香港迪士尼樂園簽咗為期五年合作協議，成為樂園嘅指定銀行，晌樂園開幕之後會晌園內設置七部銀通櫃員機畀遊客用。
雖然香港銀行由2006年開始行五日結算，但係渣打銀行反而晌嗰年9月開始全線分行提供六日全日服務（包括櫃檯服務）。
渣打集團（渣打銀行(香港) 母公司）晌倫敦同埋香港嘅交易所都有上市，並且名列富時指數頭25間公司（以市值計算）之一。倫敦交易所上市代號係 STAN；香港交易所上市編號係 2888。
2009年為紀念渣打銀行喺香港成立150週年，發行全球首張一百五十元鈔票。渣打銀行今次總共出咗100萬張面值150蚊嘅紀念鈔。
