抗爭派（英文：Resistance camp），2016年時被香港傳媒稱做本土自決派（英文：Localist and self-determination groups），係香港政治派系嘅稱呼，用嚟統稱非建制派議員入面唔屬於泛民主派陣營嘅派系，本身可以再分做本土派（英文：Localist groups）同自決派（英文：Self-determination groups）兩派。
2020年立法會選舉泛民初選之後，本土自決派又被香港傳媒叫做「抗爭派」。
- 梁頌恆：原立法會議員，因為宣誓風波而畀政府撤銷議員資格
- 游蕙禎：原立法會議員，因為宣誓風波而畀政府撤銷議員資格
- 朱凱廸：前立法會議員。喺宣誓風波之後，朱凱迪同支持者重新被視為泛民主派
- 劉小麗：原立法會議員，因為宣誓風波而畀政府撤銷議員資格
- 羅冠聰：原立法會議員，因為宣誓風波而畀政府撤銷議員資格
