羅冠聰

羅冠聰

羅冠聰（Nathan Law，1993年7月13號—），花名「羅三七」，係香港政治組織香港眾志創黨主席、前香港立法會議員，做過第五十八屆香港專上學生聯會（學聯）秘書長。

簡歷

羅冠聰中國大陸出世，6歲跟阿媽到香港。佢中學讀香港教育工作者聯會黃楚標中學，大學讀嶺南大學文化研究系。

2015年，羅冠聰以37票當選專上學聯秘書長，但由於佢同香港特別行政區行政長官嘅選舉嘅小圈子程度相提並論，而有「羅三七」嘅謔稱。其後，多間大專院校宣布退出學聯，史稱退聯風波。

2016年，羅冠聰參選第6屆香港立法會選舉嘅港島區直選，結果以50818票順利當選，成為香港史上，最後生嘅立法會議員。

2017年7月14號，羅冠聰同劉小麗、姚松炎、梁國雄因為被指褻瀆立法會誓言，被法庭裁定喪失立法會議員嘅議席。