區諾軒

出自維基百科,自由嘅百科全書
區諾軒
姓名原文區諾軒
出生日1987年6月18號 喺Wikidata改呢個 (36歲)
出生地英屬香港 喺Wikidata改呢個
國籍中華人民共和國 喺Wikidata改呢個
識嘅語言廣府話 喺Wikidata改呢個
母校香港中文大學 喺Wikidata改呢個
職業政治人 喺Wikidata改呢個
政黨獨立人士 喺Wikidata改呢個
網站aunokhin.hk

區諾軒英文Au Nok Hin1987年6月18號—),人稱「區軒」,係香港泛民主派政治人,鄕下廣東增城,香港民主黨前黨員,2012年至2019年做過南區區議會利東一議員。由於佢嘅樣同南韓足球教練金判坤相似,所以有「區教練」、「翻版金判坤」嘅花名。

政途[編輯]

區諾軒選過第5屆第6屆香港立法會選舉都贏唔到議席,2018年3月喺第6屆香港立法會補選先至當選。

2019年9月,高等法院周庭選舉呈請贏咗,同埋話區諾軒當選無效,無咗立法會議席,區諾軒去上訴[1]。2019年12月17號,高院唔批區諾軒上訴,換言之佢無咗立法會議席[2]

2019年第6屆香港區議會選舉,區諾軒唔再喺利東一選區尋求冧莊,交棒畀徒弟陳欣兒,結果陳欣兒成功接棒。

邀請黃耀明站台被指舞弊[編輯]

內文:第6屆香港立法會補選 (2018年3月)#區諾軒請歌手站台唱歌被指舞弊

黃耀明喺2018年3月立法會補選期間為區諾軒站台唱歌,2021年8月2號事隔三年後兩人一齊被控選舉舞弊,話佢向選民提供娛樂[3],隨即引來公眾極大反彈,除咗批評事件係對民主派嘅政治打壓之外,亦關注好多親中派人士,例如梁美芬鄭泳舜等都有呢啲相若嘅做法,點解就只係拉民主派嘅人,咁樣執法係雙重標準[4][5][6]

最終法庭批准區諾軒同黃耀明以2,000港元簽保守行為18個月[3]

[編輯]

  1. 【DQ覆核】區諾軒哽咽 確認或喪失議席:為了民主運動需付代價
  2. 【DQ覆核】終院拒批上訴許可 范國威、區諾軒失立會議席
  3. 3.0 3.1 港廉政公署起訴歌手黃耀明 涉嫌他人提供娛樂誘使投票. BBC News 中文 (繁體中文). 喺2021-08-06搵到.
  4. 共派選舉造勢受關注 查錫我:李家仁唱歌撐梁美芬好大嫌疑. 紀元時報 香港|獨立敢言的良心媒體 (香港中文). 喺2021-08-06搵到.
  5. 林劍 (2021-08-03). 耀明被捕︱李家仁唱歌撐梁美芬 查錫我:按同一標準好大嫌疑. 港01 (香港中文). 喺2021-08-06搵到.
  6. 耀明被捕文匯報細數其反政府 港府選擇性翻舊帳 李家仁唱歌撐梁美芬係咪應該同罪?|D100新聞天地|李錦洪、梁家權 (英文), 喺2021-08-06搵到

出面網頁[編輯]