足球

出自維基百科,自由嘅百科全書
跳去: 定向搵嘢
足球

足球Football,或者叫association footballsoccer),係一種由兩隊人互攻嘅運動。以英式十一人足球比賽為例,每隊波最多會有十位球員同一個守門員比賽,目標就係要將個波踢入對方龍門,每入一球就得一分,最後邊隊入得多啲就為之贏。踢波特點係只可以用踢,唔可以用掂個波,不過亦有例外,例如守門員就可以喺禁區入面用手,又或者掟界外球都可以用手,其他情況一律唔畀用手。

足球運動係而家世界上最受歡迎嘅運動之一。

[編輯]

(1235–1305)《宋太祖蹴鞠圖》
1872年英格蘭同蘇格蘭隊之間嘅比賽嘅新聞插圖

古代足球[編輯]

古代足球出現於中國戰國時代蹴鞠[1],同埋同時代嘅古希臘人同古羅馬玩嘅古希臘足球[2]2004年初,經專家、學者嘅考證同國際足協嘅確認[3],古代中國嘅蹴鞠係足球運動最早嘅雛形,亞洲足協秘書長維拉潘頒發咗起源紀念杯同證書。

早喺2300多年前,蹴鞠就已經誕生,而且流行於中國臨淄(今日山東省淄博市臨淄區)。最早確得可信嘅文字記載呢項運動嘅人,應該係《戰國策》同《史記》,當時佢以具有軍事性同娛樂性雙重性質嘅活動而被記錄起來。之後經過改良令蹴鞠慢慢普及,到咗時代,蹴鞠同佛教一齊傳到日本,今日日語韓語度重見到叫足球做「蹴球」嘅用法,呢個就係受到中國嘅影響。

古代足球無論喺規則、運動方式等都同現代足球存在好大嘅分別。

現代足球[編輯]

現代足球運動公認係起源於19世紀中期嘅英國。最早嘅職業聯賽亦喺嗰度開始。1863年10月26號,世界上同西歐第一個正式嘅足球組織英格蘭足球協會喺英國首都倫敦成立。之後,足球運動喺全球廣泛傳播。而現代足球運動嘅比賽章則,都係基於當時嘅英格蘭足球協會比賽章則演化而成。1863年10月26號呢一日亦被作為現代足球運動嘅誕生日。

目前,歐洲南美洲被公認為足球水平最高嘅兩大,主要嘅足球強國都集中喺呢兩個洲,足球喺呢兩大洲都有住舉足輕重嘅地位。歐洲足球流派技術簡練實用,注重配合,個人素質實力強、速度快、作風硬朗,以德國意大利法國荷蘭英格蘭等係代表,歐洲擁有世界上最高水平嘅職業聯賽。南美洲足球流派就講究個人技術,注重短傳配合同個人突破,以巴西阿根廷烏拉圭等屬於代表。

喺其他洲方面,除咗亞洲之外,其他洲嘅足球流行程度亦都算平均。長期以來,足球喺北美洲發展緩慢,喺美國同加拿大都唔係第一運動,但近呢幾年美國嘅足球水平有咗好大提升,足球喺社會青年一代中嘅地位喺咁大幅度嘅提高,大聯盟亦吸引咗越來越多嘅觀眾,令美國成為一個潛在嘅足球大國;而中美洲嘅大多數國家都以足球係第一運動,而且實力唔錯,最強嘅球隊係墨西哥

而大洋洲就以新西蘭獨強,其他國家足球水平都好低。澳洲嘅實力強過新西蘭,不過喺幾年前轉咗入亞洲足協

足球喺非洲係第一運動,而且非洲特別係西部非洲係近年足球水平進步最快嘅地區,尼日利亞塞內加爾科特迪瓦喀麥隆加納近幾年湧現出唔少優秀球員。

足球喺亞洲地區亦非常盛行,不過大多數國家足球水平都唔高。近年隨住澳洲嘅加入,亞洲足球有咗一定嘅進步,喺2010年非洲舉行嘅世界盃比賽,有2支亞洲球隊打入淘汰賽。目前亞洲實力比較突出嘅球隊有澳洲、日本韓國

足球賽事嘅內容[編輯]

足球嘅比賽一路發展落嚟已經有佢自己一套嘅遊戲模式,而為咗維護足球比賽嘅基本意義同埋人民精神,足球運動嘅最高決策機構國際足球協會訂落一系列嘅球賽細則,確保所有正式球賽都會喺同樣嘅準則下進行,亦會不時改進球例嚟配合唔同嘅需要。

足球比賽要有嘅嘢[編輯]

一場正式嘅足球比賽,首先要有一個足球場用嚟比賽,而規格係要根據國際足球協會所訂嚟設計。

參與嘅人[編輯]

足球比賽唔一定要有觀眾,但就一定會有落場比賽嘅球員,而正式嘅比賽重會有球證根據國際足球協會所訂嘅規則嚟執法,確保比賽公平公正。

裝備[編輯]

球員一定要有嘅基本裝備包括以下個別項目(國際足協球例,第四章):

  1. 波衫
  2. 短褲:如果球員要着單車褲嘅話,單車褲顏色一定要同短褲嘅主色一樣
  3. 長襪
  4. 護脛

球證[編輯]

正式比賽嘅足球場內通常會有四位球證,一位主球證會喺場入面近距離跟住個波或者控球嘅球員而走動,睇實佢哋有冇犯規,佢身上會配有一支哨子,用嚟吹響示意比賽開始或結束,吹罰犯規、個波出界或示意換人等等;另外佢身上會袋住一張黃牌同埋一張紅牌,黃牌係用嚟警告球員犯規,表示如果再犯領黃就要趕出場,而紅牌就係畀啲嚴重犯規,或者已經得到一張黃牌而又再犯黃牌嘅球員,每次當球員初犯時見到主球證隻手插入袋要攞牌嘅時候都祈禱希望只係黃牌,因為如果抽出嚟嘅係紅牌,即係話要趕佢出球場。

除咗主球證之外重有兩位旁證,佢哋唔會企入球場入面而只會分別企喺兩方區域嘅邊線上下游走;佢哋嘅手上會各拎一支旗(多數係黃紅色格仔旗),用嚟傳遞重要訊息畀場內主球證,例如個波係由邊方球員踢出界、進攻球員有冇越位、邊個球員動作過激要吹罰…等,有時主球證睇唔到一啲球員嘅犯規動作,就會同最接近嘅旁證了解事件,跟住先決定判唔判罰。

重有一個第四旁證,一般嚟講係負責場邊換人,檢查吓出場嘅球員身上嘅配備有冇問題,舉牌示意換人嘅號碼,而當球賽到咗中場前或者完場前,亦會根據主球證畀嘅訊號而用燈牌示意嗰場波會補幾多分鐘比賽時間。

部份比賽會有另外兩個底線球證,主要職責係協助主球證決定喺禁區裏面發生嘅事,同埋個波係唔係已經過咗龍門白界。

球員[編輯]

每場比賽通常都係由兩隊球隊進行競技,而大場比賽嘅每支球隊都會派出十一名選手落場比賽,另外重會有幾名(五至八名)後備球員負責替補,至於一場正式比賽嘅替補名額係可以換三個人。

落場嘅十一個人,分別會負責唔同嘅崗位,包括企最前負責進攻爭取入波得分嘅前鋒,喺前鋒後面少少嘅係中場,中場又分為進攻中場同埋防守中場兩種,前者主要協助前鋒進攻,而後者就主要協助防守,而喺中場後啲就係主要負責防守嘅後衞;有人話後衞係龍門前嘅最後一道防線,係因為闊7.3米嘅龍門前面只有一個守門員,雖然話守門員係可以用手掂波,但其實如果後衞有咩閃失而令對方形成單刀,守門員一個人好難守得晒成個龍門,咁對方入波得分嘅機會就好大。

黃牌警告嘅犯規[編輯]

一位球員如果觸犯下列嘅任何一項,就要罰黃牌警告:

  1. 缺乏體育精神行為。
  2. 用言語或行動表示唔滿意。
  3. 多次觸犯比賽規則。
  4. 阻延重新開始比賽。
  5. 喺開角球、自由球或掟界外球時未有遵照球例規定嘅距離。
  6. 未經球證批准擅自進入或再次進入球場範圍。
  7. 未經球證批准故意離開球場範圍。

一位後備球員或已被換出嘅球員觸犯下列任何一項,就要罰黃牌警告:

  1. 缺乏體育精神行為。
  2. 言語或行動表示唔滿意。
  3. 阻延重新開始比賽。

紅牌離場嘅犯規[編輯]

一位罰紅牌驅逐離場嘅球員、後備球員、已被換出嘅球員、領隊、教練或助教,一定要離開比賽場地亦都唔可以留喺後備席。領隊、教練或助教違規時,球證都可以向佢哋出示紅牌。 一位球員、後備球員或被換出嘅球員觸犯咗下列任何一項時,就要罰紅牌驅逐離場:

  1. 同一場比賽第二次被黃牌告(兩黃一紅)。
  2. 嚴重犯規。
  3. 凶暴行為。
  4. 向對方球員或其他人吐口水。
  5. 唔係守門員嘅球員,手球引致破壞對方一個入球或一次明顯入球機會,無論手球係故意定冇意。
  6. 當對方一位單刀球員正向龍門推進,侵犯進攻緊嘅球員而破壞一次明顯入球機會,因而需要判罰直接自由球或十二碼。
  7. 守門員喺大禁區之外用手掂波或其他犯規。
  8. 用攻擊性、侮辱性或鬧人嘅言語或動作。
  9. 向球證做出粗口手勢。
  10. 使用興奮劑等藥物。

慢鏡重播[編輯]

足球係目前地球上唯一一種裁判完全唔准睇慢鏡重播嘅運動。國際足協主席白禮達宣稱「誤判都係比賽嘅一部分」,並且喺2006年同埋2010年世界盃之前,都先後要求主辦國唔好畀球證睇慢鏡重播。就算2010年世界盃幾乎每場關鍵比賽都出現誤判,白禮達依然堅持唔會引入慢鏡重播。 [未記出處或冇根據]

[編輯]

  1. 足球歷史,《國際足協》
  2. ἐπίσκυρος
  3. Dr. Wilfried Gerhardt, More than 2000 Years of Football, FIFA

出面網頁[編輯]