守門員

出自維基百科,自由嘅百科全書
跳去導覽 跳去搵嘢

守門員(或者叫做門將,俗稱龍門)係足球隊、手球隊或者曲棍球隊嘅特別球員,每隊只可以有一個上陣,主要職責係喺比賽入面用身體各部分(例如)或者輔助工具(例如曲棍球嘅球棍)阻止對方球員攻入自己嘅龍門

守門員係喺足球比賽唯一可以用手掂波嘅球員,但係只限喺自己嗰方嘅禁區裏面,如果喺禁區以外掂波就會犯規。守門員嘅波衫要同自己嗰隊嘅其他球員有明顯分別。守門員喺場上承受好大壓力、亦係最關鍵嘅位置,因為守門員嘅失誤係好容易令到自己嗰方喺比賽失利。對守門員嘅信任係建立喺防止出現失誤同埋撲救能力嘅基礎上。優秀嘅守門員需要唔好因為失誤而受到影響,並可以從中吸取經驗同教訓。一次嘅失誤或者一次驚險嘅撲救,絕對唔係判斷守門員能力嘅唯一標準。守門員最基本嘅要素,係身手敏捷、反應夠快,有判斷力同有良好嘅撲救能力。除此之外,彈跳力好或者身材高大亦係對守門員有利嘅條件。

足球守門員嘅能力[編輯]

遺傳因素非常重要,但係佢必須同艱苦嘅訓練、恰當嘅指導同豐富嘅比賽經驗互相結合。雖然好難界定遺傳因素嘅定義,但係觀察一名年青守門員嘅時候,首先要注意佢的接球動作同步伐移動。而對於其他位置嘅隊員,就則重觀察球感,控制能力同埋速度。接球技術亦係守門員嘅基本功,如果冇正確判斷球速同接球嘅基本能力,要有發展嘅話係十分困難。同樣,守門員具備正確嘅揀位能力亦好重要。

出名嘅守門員[編輯]

足球[編輯]