陳凱欣

陳凱欣
出生日	1977年11月19號  （43歲）
出生地	九龍寨城
國籍	香港
母校	香港浸會大學
職業	新聞從業員、政治人
[改維基數據]

陳凱欣（英文：Rebecca Chan Hoi-yan，1977年11月19號—），人稱「城寨女孩」，係前香港立法會議員，做過無綫新聞記者、nowTV新聞副採訪主任、食物及衞生局政治助理、社會企業「好聲」行政總裁等職。

參選立法會議員

2018年10月4號，佢手持1125個提名，保安局前局長黎棟國、食物及衞生局前局長高永文、香港立法會前主席曾鈺成、民建聯李慧琼同經民聯主席盧偉國等人陪同下，報名參選2018年11月香港立會九龍西地方選區補選。佢話「香港目前需要實幹議員，不應『講多過做』，會以議會內實幹人作為榜樣」。

陳凱欣參選期間拉票同支援網絡都屬於建制派勢力，對此佢多次迴避自己代表建制參選，直到後期造勢大會上至承認自己係建制派唯一代表。

佢選舉中獲得106,457票，以百份之49.52得票比例當選成為立會議員，並幾乎全數接收同年3月補選點由鄭泳舜代表建制派出選嘅所得票數，亦多過主要對手李卓人同埋馮檢基加埋所得嘅票數。陳凱欣喺11月28號立會大會會議中宣誓就職。不過2020年5月21號，高等法院裁定劉小麗選舉呈請勝訴，陳凱欣「非妥為當選」。陳凱欣向終審法院提出上訴，但係喺2020年9月18號，終審法院拒絕批出上訴許可，佢冇咗議席同埋要畀訟費。

家庭狀況

陳凱欣同老公邱文華同樣係新聞工作者。

出面網頁

• "首頁 - Yan Chan 陳凱欣".
• "香港特別行政區立法會 - 議員履歷 ::陳凱欣議員" (中文). 香港特別行政區立法會.
• "陈凯欣_百度百科" (中文). 百度百科.
• "陳凱欣任食衞局政助" (中文). 香港政府新聞網.
• 陳凱欣嘅Facebook頁