梁熙
| 梁熙 | |
|---|---|
.jpg) | |
| 國籍 | 中華人民共和國  |
| 職業 | 政治人 |
[改維基數據] | |
梁熙（英文：Edward Leung Hei，1985年3月8號—）係香港親中陣營民建聯黨員，現任民建聯常務執行委員會委員，港中發展集團有限公司行政總裁[1]，自稱喺香港出世（但講非香港口音粵語），之前喺美國南加州大學畢業[1]，第七屆香港立法會議員，老豆係梁英偉，以前同劉鑾雄合作搞過愛美高，不過後嚟因為發展分歧而拆夥，之後就開始炒股同喺大陸搞地產生意發達。
選舉經歷
[編輯]2021年，梁熙喺未有選舉經驗嘅情況下，出選2021年香港立法會選舉，空降出戰港島東選區（東區及灣仔）[2][3]，結果順利當選。
之後佢喺李家超無提政綱嘅情況下，有份提名李家超參與2022年香港行政長官選舉[4]。
政治立場同部分言論
[編輯]佢係親中派一員之一，又曾經和應全國港澳研究會副會長劉兆佳提出「忠誠反對派」嘅槪念。早喺香港政府未經香港人同埋泛民主派同意，單方面喺選舉制度設立政治國安審查之前，佢已經喺2020年11月喺AM730撰文，主張要得到北京同意先可以參選，限制選民以往擁有自由參選嘅權利[5]。
另外，佢亦連同李梓敬、陳穎欣等親中仇外嘅落選前區議員組成組織「中國故事」，佢哋亦不時攻擊流亡外國嘅兩個前立法會議員許智峯同羅冠聰，指責佢哋對外宣傳中共對港惡行係「勾結外國勢力」同「一面倒盲反中共」 [6]。
建議港府請求中共畀香港人以中國代表身份喺國際舞台發聲
[編輯]喺2021年10月21日，民建聯出版「認識國家發展 講好中國故事」倡議書嘅記者會裡面，作為民建聯執委會常委嘅梁熙話，香港政府應該要請求中共政府爭取，希望中共政府介紹多啲香港嘅人才加入國際機構（例如：聯合國），以中共代表嘅身份發聲，令香港人可以多啲機會參與國際事務 [7]。
其他政治參與
[編輯]佢曾經同新民黨容海恩一齊喺大公文匯旗下網媒主持節目《EyE on U 容來煕往》[1]。
爭議
[編輯]- 2021年香港立法會選舉期間，作為民建聯香港島東選區候選人嘅佢，喺選舉論壇入面表示爭取喺西灣河起地鐵站，但係唔知佢係指爭取重建現有嘅西灣河港鐵站，抑或係喺區內起新嘅地鐵站，被質疑搞錯西灣河同小西灣[8][9][10]。
- 同時喺選舉期間，36歲嘅梁熙喺選舉政綱入面話「服務港島東29年，選情嚴峻」，被人質疑佢係咪7歲就開始從政。梁熙後來解釋「服務港島東29年」嘅係指「民建聯團隊」，而唔係佢自己。選舉對手潘焯鴻就話梁熙嘅政綱有誤導成份，令人誤以為梁熙服務咗港島東29年咁耐。[11]
參考
[編輯]- ↑ 1.0 1.1 1.2 〈空降港島東 民建聯新人梁熙 父為地產商 9 參選新人 5 為落選區議員 | 立場報道 | 立場新聞〉。《立場新聞 Stand News》。原先內容歸檔喺2021-11-07。喺2021-11-07搵到。
- ↑ 〈【立會選戰】民建聯梁熙空降港島東 首落區曾鈺成助陣 | 獨媒報導〉。《獨立媒體》。2021-11-06。原先內容歸檔喺2021-11-06。喺2021-11-07搵到。
- ↑ 林嘉成周皓宜 (2021-11-06)。〈立法會選舉︱梁熙港島東撼吳秋北 獲曾鈺成助選：優秀政治人才〉。《香港01》 (香港中文)。原先內容歸檔喺2021-11-07。喺2021-11-07搵到。
- ↑ 〈一文看清李家超786張提名〉。《信報網站 hkej.com》。喺2022-09-02搵到。
- ↑ 〈誰是忠誠反對派？ - 80後縱橫：梁熙〉。am730 (香港中文)。原著喺2021-11-07歸檔。喺2021-11-07搵到。
- ↑ 〈李梓敬孖年輕KOL打國際線 英語全方位說好中國故事〉。The Headline (香港中文)。原先內容歸檔喺2021-11-07。喺2021-09-28搵到。
- ↑ 〈【愛國教育】民建聯倡設10億專項資金 由「愛國者」帶領說好香港故事〉。ToPick (香港中文)。原先內容歸檔喺2021-11-07。喺2021-10-21搵到。
- ↑ 〈【立會選戰】梁熙：為西灣河爭取地鐵 吳秋北：太古去觀塘最近北角轉車〉。原先內容歸檔喺2021年12月10號。喺2021年12月13號搵到。
- ↑ 〈【睇片】民建聯港島東參選人：為西灣河「爭取地鐵」 事實是西灣河港鐵站 1985 已啟用 立場報道 立場新聞〉。《立場新聞 Stand News》。原先內容歸檔喺2021-12-10。喺2021-12-10搵到。
- ↑ 羅家晴 (2021-12-05)。〈民建聯誓師大會 李慧琼：不要輕信我們夠票 港東梁熙稱選情嚴峻〉。《香港01》 (香港中文)。
- ↑ 文維廣 (2021-12-13)。〈梁熙「服務29年」文宣惹議 民建聯：已向廉署及選管會投訴潘焯鴻〉。《香港01》 (香港中文)。喺2023-02-04搵到。
出面網頁
[編輯]
- 〈香港特別行政區立法會 -梁熙議員〉 (繁體中文)。香港特別行政區立法會。
- 〈香港特別行政區立法會 - 議員資料庫〉 (繁體中文)。香港特別行政區立法會。
- LegComembers，立法會議員，民建聯
- 政策發言人 | Policy spokespersons—發展事務副發言人，衛生事務發言人，民建聯
- 香港島東候選人_梁熙
- 梁熙嘅facebook頁
| 主席 |  | ||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|
| 選舉委員會界別 | |||||||||||||||||||||
| 功能界別 | |||||||||||||||||||||
| 地方選區 | |||||||||||||||||||||
X辭職入政府做官 | |||||||||||||||||||||