邱達根

2023年嘅邱達根

邱達根（Chiu Duncan，1974年—），香港建制陣營（工商界親中派）政治人（第7屆香港立法會議員）、創科界人士（香港資訊科技聯會會長、創科未來召集人、慧科資本聯合創辦人），係邱德根嘅孻仔，上海人。

選舉經歷

喺2021年9月，佢成為香港特别行政區選舉委員會科技創新界當然委員，同年參選第7屆香港立法會選舉嘅科技創新界功能界別（喺阿哥邱達昌、侄女邱詠筠有份提名之下），以59票當選。

2022年，佢喺李家超無提政綱嘅情況下，有份提名李家超參與2022年香港行政長官選舉。

馬主生涯

邱達根喺2000年代中期開始响香港賽馬會做馬主，曾經同老婆蘇健恩一齊擁有名下馬「藍老虎」，亦係「翩翩君子」嘅馬主團體成員。