邱德根
| 邱德根 | |
|---|---|
| 出生地 | 上海  |
| 死亡地 | 香港 |
| 國籍 | 中華人民共和國 |
| 職業 | 太平紳士、銀行家 |
[改維基數據] | |
邱德根（Deacon Chiu，1924年5月1號—2015年3月17號）係香港生意人，上海出世，祖籍浙江寧波，一九五〇年來港。佢出身打雜，喺上海經已搞開戲院，香港亦由戲院搞起，新界開咗戲院十幾間，人稱新界戲院大王[1]。之後經手好多香港出名項目。荃灣開遠東錢莊變東遠東銀行，進而地產，起咗當時新界至高，叫遠東銀行大廈。買咗荔園來搞，又起咗宋城。搞咗遠東酒店，又開埋遠東發展。後來又買咗麗的電視，改名亞洲電視。
做過亞洲電視董事局主席，遠東集團主席。一九八二到八九年，做亞視大股東[2]，在任期間，個臺年年有錢賺，成為歷代大股東之中，唯一賺錢離場嘅老闆。
有上大新聞，一九八八年審造假賬一案，審咗好多年，一九九三年請外國專家，證明佢患咗當時叫老人癡呆症而永久閣置聆訊[3]，而佢個仔邱達昌，控方唔提證供起訴佢，於是放咗[4]，去咗南洋發迹。邱德根第二日就如常返工傾生意，成為經典。一直做遠東發展董事會執行董事兼主席，做到二〇一一年九月，先轉榮譽主席。
慈善要講到仁濟醫院，佢同荃灣商會一齊搞，重開埋四間學校[5]。亡妻裘錦秋空難而死，紀念佢就開咗裘錦秋英文書院。佢娶咗姨仔裘錦蘭，即裘錦秋個妹續弦，但兩房並唔和洽，原配仔女不滿[6]。佢有七仔一女，裘錦秋生邱達生、邱達昌、邱美琪、邱達成、邱達強，裘錦蘭生邱達偉、邱達文、邱達根[7]。仔女各有各成就。
遠東視為邱達成繼任人。但一九九三年，因醉酒駕駛撞死差人鄭孟輝，誤殺囚四年[8]，無法接任。而五仔創辨富地石油，有自己生意[9]。
二〇一五年三月十七號，發現佢喺汀九悠麗路寓所錦柏豪苑[10]昏迷，送仁濟醫院救唔返，享年九十[2][11]。
到尾佢啲生意分成兩房，各有各做。大房大哥邱達生，長年喺美國、負責遠東集團海外生意。大房二哥邱達昌搞遠東發展，市值至大。二房三仔，打理遠東酒店、遠東控股[12]。
公園
[編輯]
屯門有邱德根公園，以佢個名命名，杯渡路、啟發徑、屯門鄉事會路之間，有碑為證，話一九七六年立。
而三陂坊公園，由佢同董之英一齊捐錢起。
軼事
[編輯]邱德根出名慳儉，喺管理亞視期間，傳聞每個員工去廁所只可以用兩格廁紙，連新年封利是都係遠東銀行代用劵。遠東銀行自己生意。然而徐小明話，當時有限用廁紙，但出於有臨時演員拎走廁紙，而且話佢開源節流，但從無拖欠人工[12]。鄺美雲認為佢好老闆來，馮寶寶認為佢勤力有人性[13]。
馬主生涯
[編輯]邱德根、邱裘錦蘭兩公婆喺2000年代中期開始喺香港賽馬會做馬主，名下賽駒包括「人來風」、「再來風」、「風調雨順」。另外，佢嘅兩個仔邱達昌、邱達根，孫仔邱華瑋、孫女邱詠麒（又名邱詠禧）、孫新抱趙式明亦都係馬主。
屋企
[編輯]攷
[編輯]- ↑ 〈亚视之父邱德根辞世 曾被喻为"新界戏院大王"_大公财经_大公网〉。finance.takungpao.com (中國中文)。原著喺2015-04-21歸檔。喺2026-01-16搵到。
- 1 2 Lo, Clifford; Nip, Amy; Chan, Samuel (2015年3月17號). "Former ATV boss Deacon Chiu dies, aged 90". 《南華早報》.
- ↑ 〈邱德根曾被控串謀做假帳 - 東方日報〉。orientaldaily.on.cc。喺2026-01-16搵到。
- ↑ 〈邱德根病逝：捲假帳官司 奇招甩難〉。《on.cc東網》 (香港中文)。2015-03-17。喺2026-01-16搵到。
- ↑ Pao, Ming。〈邱達昌為父平反：他只慳自己 邱德根舉殯 政商演藝界送別〉 (香港中文)。原著喺2026-01-26歸檔。喺2026-01-16搵到。
- ↑ 〈年三十入稟告繼母 邱德根女要求提早分家產〉。Yahoo News (中文)。2019-02-08。喺2026-01-16搵到。
- ↑ 〈今日信報 - 財經新聞 - 兩房八子女 邱達昌接大位 - 傳奇落幕〉。《信報網站 hkej.com》 (香港中文)。喺2026-01-16搵到。
- ↑ 〈83年邱達成撞死警誤殺囚四年 - 東方日報〉。orientaldaily.on.cc。喺2026-01-16搵到。
- ↑ 〈財經新聞, 股市分析, 投資理財 | HKET經濟日報 | 投資頻道〉。invest.hket.com。喺2026-01-16搵到。
- ↑ 〈邱德根家族大宅遇竊 「天眼」揭兩賊破欄潛入〉。《香港文匯網》 (中國中文)。喺2026-01-16搵到。
- ↑ 〈邱德根病逝：家中暈倒不治 系股表現不一〉。《on.cc東網》 (香港中文)。2015-03-17。喺2026-01-16搵到。
- 1 2 〈一代電視大亨邱德根逝世〉。Yahoo News (中文)。2015-03-17。喺2026-01-16搵到。
- ↑ Pao, Ming。〈邱達昌為父平反：他只慳自己 邱德根舉殯 政商演藝界送別〉 (香港中文)。原著喺2026-01-26歸檔。喺2026-01-16搵到。
 |