葛珮帆
| 葛珮帆 | |
|---|---|
 | |
| 出生地 | 香港  |
| 國籍 | 中華人民共和國 |
| 母校 | 格林威治大學 |
| 職業 | 政治人、太平紳士 |
| 政黨 | 民主建港協進聯盟 |
[改維基數據] | |
葛珮帆，BBS，JP（粵拼：got3 pui3 faan4；英文：Elizabeth Quat）係香港親中派政治人物，叫過做葛伊莉，香港立法會議員（第五、六屆：新界東選區，第七屆：選舉委員會界別），沙田區議會前民選區議員，互聯網專業協會創辦人同前會長，思博策略投資創辦人兼行政總裁，思路集團董事。
學歷同相關風波[編輯]
葛珮帆不時喺一啲公開文件上面聲稱自己擁有博士學歷，但隨著唔同人嘅查證，發現佢嘅學歷備受質疑。
學歷[編輯]
質疑[編輯]
根據互聯網專業協會網站列出嘅學歷，葛博士先後有格林威治大學三個學位：工商管理學士、工商管理碩士、哲學博士（管理）[1]。2007年傳媒報導間大學只係未經評審嘅「文憑工廠」（即係香港所謂「野雞大學」），學位未獲澳洲同美國政府承認。大學網頁指出學校2009年搬去巴基斯坦後得到當地政府認可。
2016年立法會選舉時，葛珮帆遭人民力量袁彌明批野雞大學「買學位」，葛回應話「用9年時間好辛苦讀返嚟，係捱返嚟嘅」。競選後，立法會網頁無顯示葛珮帆學歷。葛去資訊科技及廣播事務委員會開會遭當面質疑，佢重申：「如果我學歷有問題，今日一定唔可以坐喺度做議員」[2]。但被問到見證佢博士學歷嘅論文嗰陣，佢就話無留底[3]。
有關聲明造成社會回響，甚至連其他建制派「同事」都「講過」，例如遭湯家驊抽水[4]。好似近期2016至2020年第六屆立法會時，政府網都「學歷及專業資格」履歷一項重無提過，或根本無申報。[5]
選舉經歷[編輯]
2021年，佢喺李家超無提政綱嘅情況下，有份提名李家超參與2022年香港行政長官選舉[6]。
政治立場同爭議言論[編輯]
葛珮帆係香港親中派嘅一員，亦因為咁有啲言論備受爭議，佢甚至有一啲被視為激進中國民族主義嘅表現。
「佔中」令訪港旅客減少[編輯]
葛珮帆斷言佔領中環令來港旅客減少，但政府即場提供數據指出講法錯誤。
2014年10月23號立法會會議上，葛珮帆附和姚思榮對雨傘革命影響旅遊界業言論。佢要求政府公佈有關當時佔中期間訪港旅客數字。政府即日回覆，9月29號至10月16號，共18日，旅客數字按年升11.4%至約300萬人次，大陸旅客升15.6%至238.5萬人次，當中大陸團增逾三成至近30萬人次，個人遊增逾一成至152.6萬人次，探親、商務等旅客增23.6%至56.6萬人次。有民主派報章指葛氏已「捉蟲」[7][8]。
聲稱有警員超過十成皮膚燒傷[編輯]
2019年10月3號，由建制派議員、人大代表同退休紀律部隊人士籌組《禁蒙面法推動組》舉行成立記者會。作為召集人，葛珮帆話有示威者用鏹水射差佬，造成「有警員超過十成皮膚受到燒傷」。「超過十成」論一出，即遭批評無常識。[9]
附和反對「HKmap.live」[編輯]
2019年10月10號，葛珮帆話HKmap.live危害香港警察同市民，[10] Android應該都要禁止佢 智能手機應用程式。[11]不過相關程式只係顯示「即時資訊」。內容出自電視即時新聞同網上即時視頻，只係記錄而家情況，無公開警方將來部署。程序內無「先知」同水晶球。而家，同類應用重可以上網下載，同有網頁版！iPhone用家手機已「越獄」就會有「自由」。
著上『中國人不吃這一套』T恤[編輯]
葛珮帆喺2021年7月1號出席一個花車巡遊慶祝中國共產黨百年黨慶同香港回歸嘅時候，著上咗一件「中國人不吃這一套」嘅T裇，事後佢話係希望希望表達反對外國干預香港嘅信息[12]。不過，呢句口號本身被視為係中國民族主義同戰狼外交之下嘅象徵，最初出自中國外交官楊潔篪，但口號喺國際社會就充滿爭議性，甚至有啲人形容楊潔篪咁樣係潑婦罵街[13]。
部分公職[編輯]
個人榮譽[編輯]
睇埋[編輯]
攷[編輯]
- ↑ 〈質疑IT20成員學歷〉.
- ↑ 黎梓緯 (2016年10月2號). 〈【立法會學歷】鄭松泰未有提北大讀博士 葛珮帆學歷一欄空白〉. 《香港01》 (繁體中文).
- ↑ 〈民建聯「山卡罅」博士〉. hk.nextmgz.com. 喺2021-10-29搵到.
{{cite web}}: CS1 maint: url-status (link) - ↑ 「何君堯攬炒」論成真？湯家驊：好多人都有失實聲明，例如葛珮帆 HK01 2017-09-25
- ↑ 葛珮帆議員, BBS, JP 互聯網檔案館嘅歸檔，歸檔日期2019年10月30號，. 立法會行政管理委員會
- ↑ 〈一文看清李家超786張提名〉. 《信報網站 hkej.com》. 喺2022-09-02搵到.
- ↑ 〈隔牆有耳：葛珮帆反佔中捉蟲〉. 《蘋果日報 (香港)》. 2014年10月22號. 原著喺2014年10月26號歸檔. 喺2019年10月14號搵到.
- ↑ 〈佔中期間 訪港客增逾一成〉. 《蘋果日報 (香港)》. 2014年10月22號.
- ↑ 葛珮帆：有警員超過十成皮膚受到燒傷
- ↑ WLeung, CK Li. 實時顯示警方位置程式遭蘋果公司下架 葛珮帆：做法正確 互聯網檔案館嘅歸檔，歸檔日期2019年10月15號，.. 2019-10-10
- ↑ 「避警地圖」證違法 Google拒下架 互聯網檔案館嘅歸檔，歸檔日期2019年10月10號，.. 文匯報. 2019-10-11
- ↑ 〈【政情網上行】葛珮帆「盛裝」賀黨慶〉. 《Now 新聞》 (香港中文). 喺2021-07-02搵到.
- ↑ 〈楊潔篪是否嚴重失態〉. 《RFI - 法國國際廣播電台》 (繁體中文). 2021-03-19. 原著喺2021-05-07歸檔. 喺2021-07-02搵到.
- ↑ 〈【亞洲知識峰會】圓滿成功_世貿聯合基金總會〉. wtuf.org. 喺2024-03-15搵到.
- ↑ 〈2010年第23號號外公告〉 (PDF) (新聞稿) (繁體中文). 香港政府憲報. 2010年7月1號.
- ↑ 〈二〇一七年授勳名單 附件：二〇一七年獲授勳銜及嘉獎人士的嘉許語〉 (PDF) (新聞稿) (繁體中文). 香港政府新聞公報. 2017年6月30號. p. 18.
出面網頁[編輯]
- 葛珮帆嘅官方網站
- 〈香港特別行政區立法會 -葛珮帆議員, BBS, JP〉 (繁體中文). 香港特別行政區立法會.
- 〈香港特別行政區立法會 - 議員資料庫〉 (繁體中文). 香港特別行政區立法會.
- LegComembers—立法會議員，民建聯
- 政策發言人 | Policy spokespersons—資訊科技及廣播事務，民建聯
- 事務委員會主席 | Committee chairpersons—婦女事務委員會，民建聯
- 〈葛珮帆博士, JP - 互聯網經濟峰會 2017〉 (繁體中文). 互聯網經濟峰會 2017.
- 香港網絡大典：葛珮帆
- 葛珮帆嘅facebook頁
- 葛珮帆嘅新浪微博
| 主席 |  | ||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|
| 選舉委員會界別 | |||||||||||||||||||||
| 功能界別 | |||||||||||||||||||||
| 地方選區 | |||||||||||||||||||||
X辭職入政府做官 | |||||||||||||||||||||
| 主席 | | ||||||||||
|---|---|---|---|---|---|---|---|---|---|---|---|
| 地方選區 | |||||||||||
| 功能界別 |
| ||||||||||
| 主席 | | ||||||||||
|---|---|---|---|---|---|---|---|---|---|---|---|
| 地方選區 | |||||||||||
| 功能界別 |
| ||||||||||