跳去內容

王國興

出自維基百科，自由嘅百科全書
王國興
出生日1949年3月29號 喺Wikidata改呢個 （75歲）
出生地海防 喺Wikidata改呢個
國籍越南 喺Wikidata改呢個
識嘅語言越南文 喺Wikidata改呢個
母校暨南大學、香港大學 喺Wikidata改呢個
職業trade unionist、政治人 喺Wikidata改呢個
政黨香港工會聯合會 喺Wikidata改呢個

王國興，BBS，MH（WONG Kwok-hing，1949年3月29號—），人稱「MC興」、「亡國興」[1]、「興哥」，係香港政治人物，香港立法會前議員、東區區議會（小西灣選區）前議員、民建聯創黨黨員。

由於佢成日以嘩眾取寵同誇張嘅發言為公眾認識，因此有「元祖建制戰狼」嘅外號。

簡歷

[編輯]

王國興喺越南海防出世，生於1950年代一個貧苦家庭，所以佢標榜自己對基層勞苦大眾困境深有感受。小學時，佢入讀旺角勞工子弟學校。中學畢業後，佢投身左派工會工作，先後響洋務工會同牛奶飲品食品工會任職，參與工運三十年來。同時王國興喜愛投稿詩作及散文，佢響2003年香港區議會選舉時，以職業詩人同專欄作家自居。

政途

[編輯]

佢響1991年香港區議會選舉當選北角北區議員，重響1994年，響和富選區成功連任直到家下。1995年，佢當選市政局議員，並任市政局公眾衛生委員會副主席。佢響1995年參選立法局批發及零售界功能組別同1996年參選臨時立法會但都輸咗。

2000年至2005年，佢做過酒牌局成員。

本來，香港親建制陣營有意響2000年香港立法會選舉中，響新界西選區推出一支由民建聯成員為主力譚耀宗排頭嘅名單（譚同時身為工聯會副理事長），另一張名單就由工聯會成員作為主力並以王國興為首（王國興當時跨區出任工聯會新界南服務中心主任），想喺民主派票倉葵青同荃灣區開拓票源，但畀盤據元朗，以鄧兆棠為首嘅鄉事勢力反對。最後，譚耀宗同鄉事勢力合作，同鄧兆棠合組名單，雙雙進入立法會。

2004年，王被工聯會提名出選立法會勞工界別，終於當選立法會議員。為強調勞工界別立法會議員身份，佢漸漸淡出民建聯政黨活動，並且冇連任民建聯中央委員。

佢曾經係工聯會新界辦事處主任、工聯會社會政策委員會副主任，著力於新界西嘅地方經營。坊間估計，佢有意於2008年香港立法會選舉出選新界西。

2007年香港區議會選舉入面，佢唔再響東區區議會和富選區競逐連任，同時接棒畀郭偉强。

隨後兩屆立法會選舉，王國興轉戰地區直選，亦能成功冧莊立法會議員。

2015年，王國興參選第5屆香港區議會選舉，角逐小西灣選區，結果順利擊敗無黨派嘅朱日安、人民力量嘅快必，重返區議會。

2016年，王國興夥拍莫健榮、黃宏滔、劉桂容出戰第6屆香港立法會選舉嘅超級區議會功能界別選舉，但係落選。

2019年第6屆香港區議會選舉，王國興唔再喺小西灣選區尋求連任[2]，交棒畀徒弟李樂昕，但係李樂昕選情受制於反修例運動，最後都係落選[3]。

勳銜

[編輯]

公職

[編輯]

攷

[編輯]
  1. ↑ 〈點解梁美芬叫「鼠王芬」？〉。《香港經濟日報》。2015-11-24。喺2020-12-05搵到。
  2. ↑ 〈王國興宣布不再參選區議會 承諾繼續為市民發聲〉。《明報》。2019-09-18。喺2020-12-05搵到。
  3. ↑ 〈區議員任期未結束　王國興辦事處停止辦公　街坊批「唔做嘢、白逗糧」〉。《立場新聞》。2019-12-07。原著喺2020-11-25歸檔。喺2020-12-05搵到。
  4. ↑ 〈一九九八年授勳名單〉 (新聞稿) (繁體中文)。香港政府新聞公報。1998年7月1號。
  5. ↑ 〈二〇一三年授勳名單〉 (新聞稿) (繁體中文)。香港政府新聞公報。2013年7月1號。
  6. ↑ 〈組織架構 - 香港再出發大聯盟 - 官方網站〉。www.hkcoalition.com。喺2023-11-09搵到。
  7. ↑ 〈香港再出發大聯盟團結各界〉。www.takungpao.com.hk。喺2023-11-09搵到。

出面網頁

[編輯]
維基同享有多媒體嘅嘢：
王國興
由「https://zh-yue.wikipedia.org/w/index.php?title=王國興&oldid=2047827」收