林大輝

出自維基百科,自由嘅百科全書
Jump to navigation Jump to search
林大輝
Lam Tai-fai.jpg
出生日1959年11月22號 喺Wikidata改呢個 (60歲)
出生地香港 喺Wikidata改呢個
國籍中華人民共和國 喺Wikidata改呢個
母校香港理工大學 喺Wikidata改呢個
職業政治人生意人太平紳士 喺Wikidata改呢個
林大輝

林大輝SBSBBSJPLam Tai Fai1959年11月22號—)係香港商界、運動界、教育界同政界人物,香港出世,祖籍廣東潮州紡織業出身。佢做過香港立法會議員,兼且係全國政協委員同埋河南省政協常委。

簡歷[編輯]

出身[編輯]

林大輝喺元朗屏山村大,喺上水鳳溪第一中學畢業,1981年完成香港理工學院紡織工藝學,就加入半島針織集團做練習生,十年之間升做集團董事總經理。2007年離開咗半島針織集團,全職投身政界。

從政[編輯]

2007年,林大輝獲委任做沙田區議會議員。2008年競逐第4屆香港立法會選舉工業界(第二)功能界別議員並當選。2012年再自動當選連任,並出任為教育事務委員會主席。

公職[編輯]

林大輝出任過唔少紡織業同時裝業公職,有時裝業發展統籌委員會督導委員、工業貿易署紡織業諮詢委員、職業訓練局轄下紡織及製衣業訓練委員會副主席、香港知專設計學院顧問委員會委員等。另曾任創新科技署創新及科技基金評審委員會委員。

亦有做唔少政府公職,好似製衣業訓練局主席、獨立監察警方處理投訴委員會副主席等等,幫政府手制定政策同推行措施。

本地商會同社團職務亦有,有香港中華廠商聯合會副會長、香港紡織業聯會副會長、香港紡織商會常務副會長、香港羊毛化纖針織業廠商會會長、香港紡織及服裝學會會長、香港青年工業家協會副會長、新界潮人總會副主席、「香港潮屬社團總會副主席、香港童軍總會副會長等等。

教育[編輯]

2004年,林大輝以林大輝慈善基金,喺沙田創辦一間直資英文中學林大輝中學,出任校監兼校董會主席。

佢亦時時幫助中國教育,資助過中國大專學院嘅時裝設計系嘅先生來港深造。2002年,幫鄭州中原工學院創辦亞太國際學院,培養時裝設計人才,以達致世界水平。2006年喺捐建飛揚小學教育工程,現時喺河南、青海雲南湖北等地方興建咗近三十間小學

大學同專上教育方面,有同香港各院校聯繫,尤其係母校香港理工大學。2000年,幫手開科時裝及紡織品設計,係全日制碩士課程。之後佢出任香港理工大學校董會,由成員、副主席做到主席。又係顧問委員會成員同理大校友會聯會副主席等。2015年,香港理工大學以校內地方,命名林大輝廣場。

而佢亦係香港浸會大學諮議會榮譽成員同埋香港教育大學校長諮詢小組成員。2016年,幫手香港教育學院改名為香港教育大學。2016年,恒生管理學院(即家下香港恒生大學)將個鐘樓命名為林大輝鐘樓。

運動[編輯]

足球方面,林大輝喺1990年代做過香港甲組足球聯賽球隊流浪同埋愉園嘅班主,攞過好多冠軍。2007年8月至到2011年,又做過沙田足球隊班主,帶球隊由丙組一直升上去甲組,參加2009/10年度香港甲組足球聯賽

佢係香港手球總會會長同董事會主席,係2008年夏季奧林匹克運動會香港120名火炬手之一,亦係2009年東亞運動會嘅大力支持者之一。另外,佢喺2009年至2015年出任香港體育學院董事,2017年4月1號開始出任香港體育學院主席,主力香港精英體育培訓。家下係香港特別行政區體育委員會成員、體育委員會委員、大型體育活動事務委員會委員。

個人榮譽[編輯]

名下賽馬[編輯]

林大輝名下馬匹都係用「繼續」、「奇妙」嚟命名,包括繼續加速、繼續勝利、極奇妙、確奇妙、好奇妙、更奇妙、真奇妙、太奇妙、超奇妙、小奇妙。

2010年,極奇妙贏咗香港賽馬史上第一場由華人練馬師訓練、華人騎師策騎、華人馬主所勝出嘅海外一級賽。

[編輯]

  1. "2000年度得獎人" (中文). 香港工業總會.
  2. "University Fellowships" (中文). 香港理工大學.
  3. 3.0 3.1 "榮譽學位及大學院士名錄 - 香港理工大學" (中文). 香港理工大學.
  4. "歷屆傑出理大校友名單" (中文). 香港理工大學.
  5. "二○○六年授勳名單" (新聞稿) (中文). 香港政府新聞公報. 2006年7月1號.
  6. "二○一二年授勳名單" (新聞稿) (中文). 香港政府新聞公報. 2012年6月30號.
  7. "教大頒發榮譽院士銜予四位傑出人士" (PDF) (新聞稿) (中文). 香港教育大學. 2017年3月31號.
  8. "四位榮譽院士簡介" (PDF) (中文). 香港教育大學. 2017年. p. 1.
  9. "榮譽院士林大輝博士讚辭" (PDF) (中文). 香港教育大學. 2017年. pp. 5–6.

出面網頁[編輯]