楊岳橋

出自維基百科,自由嘅百科全書
跳去: 定向搵嘢
楊岳橋

楊岳橋Alvin Yeung1981年6月5號—),花名「小肥楊」,係香港一位執業大律師,攞咗法律學碩士學位,亦係公民黨執委會成員兼新界東支部主席。

楊岳橋喺香港出世,佢阿爸喺1996年過身。後尾去咗加拿大讀書,響加拿大西安大略大學政治科學系畢業。2012年,因為要參加立法會選舉,楊岳橋放棄咗加拿大國籍。

參選立法會[編輯]

2012年,楊岳橋參選立法會新界東地方選區選舉,參選名單排湯家驊後面,最後只有湯家驊當選。

2016年2月,佢參選立法會新界東地方選區補選,最後佢以166,880張選票贏出,成功喺前黨友湯家驊手上接棒。

2016年9月,楊岳橋參選第6屆香港立法會選舉新界東選區直選,以52,416票順利當選,成功冧莊。