梁頌恆

出自維基百科,自由嘅百科全書
跳去: 定向搵嘢
梁頌恆

梁頌恆Baggio Leung1986年8月7號—),花名「巴治奧」,係香港政治組織青年新政創會成員,曾經做過香港城市大學學生會幹事會會長,香港第六屆前立法會議員。

簡歷[編輯]

梁頌恆大學讀香港城市大學。佢喺2015年有份創辦青年新政。

2016年,梁頌恆代表青年新政參選立法會選舉,本嚟喺新界西排黃俊傑名單嘅第三位,但因為參選新界東嘅友好組織本土民主前線梁天琦有機會被選管會取消參選資格,決定轉戰新界東,排名單頭位,第二位係本土民主前線前成員李東昇,最終梁天琦真係被取消資格,梁天琦全力幫梁頌恆助選。結果,梁頌恆喺新界東地區直選順利當選。

2016年10月12號,梁頌恆用英文宣誓就任第六屆立法會議員嗰陣,將China一詞讀做諧音「支那」,佢同黨友游蕙禎喺宣誓後畀立法會秘書長陳維安裁定宣誓無效。佢話爾個係佢自己嘅「鴨脷洲口音」,結果惹嚟爭議,要求佢同游蕙禎辭職。

2016年11月15號,高等法院法官區慶祥裁定,梁頌恆同游蕙禎兩個嘅宣誓無效,議員資格經已响2016年10月12號起喪失。