支那

支那，係對中國其中一個稱呼，或係一個種族差別語。引身「支那人」就係中國人代名詞。

本意

個詞係嚟自梵文चीन（cīna），又譯成至那、脂那、摩訶支那、摩訶至那國等等，同震旦同源。佢原本係古代印度對中國嘅稱呼，經佛教經典傳入中國，唔單只無貶義性重係褒義，因為幾百年前原意有包含「智慧之國」意思。近代中國都有好多漢族英雄、成功人士都用佢嚟自稱，好多西方語言都將中國叫做類似 China 嘅名（Shina, ChinK...），亦係嚟自同一個梵文字詞。

中國共產黨機關報人民日報指「支那」詞性屬中性，存攻擊性係因為表達方式。人民網文史頻道上有文章為「支那」平反：「近代史上，部分日本人的確歧視中國人...歷史背景之下，「支那」原本係中性詞語，亦無可避免沾染上「侮辱」色彩。」作者認為，當稱中國為支那同時帶有歧視意圖，「支那」就係辱華。

變化

中華民國時期經歷大日本帝國侵略，期間日本人較常用「支那」作為代替「中國」或「中華民國」對中國嘅稱呼，自戰後，「支那」一詞開始有被中國定性為貶稱嘅記載。

各地情況

• 香港，由於文化同政治上差異，推高港中矛盾問題，中國大陸自由行同水貨客問題（遊客不文明行為記錄）等因素導致反中反共情緒升溫，「支那」一詞取代「強國」等其他貶稱，成為批判中國大陸同中國共產黨代名詞。
• 中國大陸，其實中國大陸人有好多都對中國政府同國企，資本企業存有異聲同反對。好多中國青年人，甚至有中國共產黨員都用到同類稱號，自稱或批評社會問題，例子有「脫支、你國」。

其他用法

• China，用西歐語言稱呼中國。
• 絲國，音譯自拉丁語Sinae，為古希臘時代海航者托勒密地圖上「絲國」。
• 印度支那，即中南半島，亞洲東南半島。
• 武吉支那（馬來話：Bukit Cina），又名「三寶山」，位於馬來西亞馬六甲，傳說為鄭和駐紮馬六甲所在地。
• 支那鄉，雲南省德宏傣族景頗族自治州盈江縣下轄，一個鄉鎮級行政單位。

睇埋

• 東亞病夫