中南半島，又叫印度支那或者印支半島，係東南亞半島，喺中國南面，即係印度同中國之間。
狹義上嘅中南半島，係指舊時法屬中南半島地域，即係越南、高棉、老撾三處。廣義上嘅中南半島，重包埋緬甸、暹羅、馬來亞（馬來半島）同星加坡。
面積大約230.2萬平方公里，呢區屬熱帶季風氣候，全年平均氣溫大約攝氏20～27 °C（68～81 °F），乾季同雨季較分明。礦藏有錫、鎢、鉻、煤等，產柚木、橡膠、稻、甘蔗、棕櫚油等。
中南半島（墨綠色係狹義範圍）
