中港矛盾

香港特區成立紀念日時舉行七一大遊行，2014年有51萬人參加。

中港矛盾／港中矛盾／陸港矛盾／港陸矛盾係指自1997年香港主權移交畀中華人民共和國之後，香港同中國大陸之間嘅一系列矛盾同衝突。新移民、雙非、自由行遊客、言語、文化赤化入侵等多方面問題積蓄。而家，重有大陸暴發戶炒賣活動，炒貴香港生活必需品，最後成為香港社會一個嚴重問題，甚至造成香港獨立運動精神其中一個重要依據。

問題分類

2015年2月光復屯門行動中，香港示威者向城巴B3X線巴士上中國大陸乘客舉中指

2015年2月捍衛沙田行動中，香港示威者向六福珠寶店內大陸遊客展示「缺德、自大」橫額。

雙非問題

雙非，即係父母都唔係香港永久性居民但係阿媽喺香港嘅醫院生佢出嚟然後獲得香港嘅公民資格，進而可以攞到香港嘅福利。莊豐源案判決同埋2003年港澳個人遊開始實施，令一班大陸大肚婆就嚟生先衝落嚟生仔。

炒賣問題

想知多啲：香港境內水貨客問題 同埋 廣東道驅蝗行動

• 2000年代開始，中國自由行人士已大多加入違反走私行業。由於中共政策問題，同中國黑心工業問題，即使炒賣價格高至2倍或以上，都有大把中國買家放棄「中國製造」，深圳關口有好多水貨店，同大陸網購都有好多進口貨都貴過香港，但好多人落單。另外，中國都有走私毒品到香港同俄羅斯等地，亦因為政策改變造成「罕見物品」走私。中國法律禁止檢查胎兒性別，開放二胎政策後，需求更加旺盛，導致有人將血液帶到香港檢查。當然部份化驗所同意交易，甚至提高價格。《蘋果日報》揭發，不法集團每日將過百支人血試管偷運到港。

政治概念

想知多啲：五毛黨、 激進親共派、 同埋 山頭主義

中港兩地市民對唔同議題睇法嘅差異

除咗北京對港政策、或者兩地人士喺香港民生問題上引起嘅不協調之外，喺一啲國際議題上，中港兩地人嘅睇法亦有唔少出入。例如，喺俄羅斯入侵烏克蘭戰爭入面，香港人傾向烏克蘭一方，但中國就有唔少人支持俄羅斯。而香港亦有部分批評中國小粉紅聲援俄羅斯嘅聲音。

假新聞對於中港矛盾嘅影響

有啲假新聞謠言喺中國唔同嘅媒體入面被廣泛提及，令一啲內地網民會覺得，講到中國點樣幫香港，但係香港就反骨唔聽話，一定程度上加強中港矛盾問題上，例如：

• 亞洲金融風暴北京救港謠言：中國媒體時不時會流傳喺亞洲金融風暴期間，香港要北京政府幫助先至可以擊退索羅斯。但事實係，當時香港只係動用自己嘅外匯儲備，唔涉及內地政府嘅資源或者官員。
• 英國阻礙香港民主自治制度謠言：北京政府或者部分親中派喺回應香港人爭取政制改革、民主訴求嘅時候，會提到喺英屬香港時期，香港並無民主制度，甚至反過來質疑點解民主派當時無爭取民主，呢個說法亦得到一啲內地網民相信。不過，香港人喺好早期已經有爭取民主，而英國政府喺第二次世界大戰後亦有喺香港推動民主同人權工作，但呢啲都受到中國政府干預同埋其他唔同因素，令1997年之前嘅香港最終未達到全面民主化。

睇埋

• 匪語
• 關於香港沙士疫情北京救港嘅觀點