關於香港沙士疫情北京救港嘅觀點
閱讀設定
沙士喺2003年初蔓延到香港,去到同年夏天開始平息。事隔多年,有啲親中派媒體不時宣揚當年係中央政府介入幫助香港捱過疫情[1]。不過呢個觀點就有唔少人反駁,其中有人認為,係北京隱瞞疫情在先,又任由當時已經確診嘅廣州中山大學退休教授劉劍倫來港散播病毒,先至令沙士疫情喺中國大陸以外蔓延[2]。就算北京有安排物資送港,香港人亦唔係唔願意畀錢[3],而且所謂幫助香港人而引入嘅自由行政策,反而令香港人生活受到影響。
反駁或批評呢種觀點嘅說法
[編輯]- 長期監察無綫電視嘅Facebook專頁大台監察2.0先後批評無綫劇集《回歸》[4]同埋音樂節目《聲生不息》宣揚香港沙士疫情期間北京救港嘅觀點,又再次提到超級傳播者劉劍倫喺香港疫情爆發嘅角色。
- 香港中文大學人類學家麥高登(Gordon Mathews)評論自由行政策嘅時候話,中國官媒聲稱咁做旨在幫助香港復蘇經濟,但大量大陸民眾嚟香港嘅時候,亦因「搶購」、「生育旅遊」等現象而加深咗民間矛盾[5]。
- 香港獨立政治學者黃偉國批評,中共高調宣傳支援香港,係為咗沙士係由廣東省傳入香港嘅事實[6]。
關於中共政府隱瞞疫情導致失控嘅觀點
[編輯]- 台灣中央警察大學助理教授汪子錫曾經撰文指,中共政府一開始「隱匿 SARS」、「新聞封鎖 SARS」,去到最後先承認疫情失控,結果擴大包括香港在內各地嘅枉死人數[7]。
- 生物免疫學學者邱乾順指,欺瞞嘅中國文化,正係造成台灣、香港、加拿大、新加坡、越南等30個國家受沙士大流行波及嘅原因。邱乾順又提到,中國政府明知2002年11月,疫情已經喺廣東省爆發,但中國政府刻意封鎖疫情,2003年2月初出嚟回應疫情嘅時候仲話受控,一路都喺度隱瞞。而可憐嘅香港被中國收回後,喺呢次事件要幫中國食死貓,承擔散佈SARS嘅罪名。佢又質疑,點解當時醫療水準高出中國好多嘅台灣、加拿大、新加坡、香港等地,死亡率都超過12%,反而中國嘅死亡率只有先進國家嘅一半,除咗欺騙造假外,完全無法解釋[8]。
參考
[編輯]- ↑ 〈回歸25年大事記|2003:SARS在港爆發 「自由行」救經濟〉. 《點新聞-dotdotnews》 (英文). 喺2022-07-11搵到.
- ↑ 〈香港沙士源頭——劉劍倫諸事考〉. 《眾新聞》. 2020-01-06. 原著喺2021-12-16歸檔. 喺2022-07-11搵到.
- ↑ 〈中央抗炎物資 有助穩定民心 醫護喝采 21萬防護衣抵港〉. 《蘋果日報》. 2003-05-09.
{{cite news}}
: CS1 maint: url-status (link) - ↑ 〈大台又扭曲香港歷史?〉. www.facebook.com (英文). 喺2022-07-12搵到.
{{cite web}}
: CS1 maint: url-status (link) - ↑ 中文, BBC News (2022-06-29). 〈香港移交25年:令人難忘的十件大事〉. 《The News Lens 關鍵評論網》 (中文). 喺2022-07-12搵到.
- ↑ 〈習近平:全力援港抗疫 醫學界緘默 政治恐凌駕專業〉. 《美國之音》. 喺2022-07-12搵到.
- ↑ 汪子錫. 〈從 SARS 看中共傳播管制 與國家發展失〉 (PDF). 原著 (PDF)喺2022年7月11號歸檔. 喺2022年7月11號搵到.
- ↑ 〈欺瞞的中國文化是造成台灣與全球SARS大流行的主因〉. 《台灣獨立建國聯盟》 (美國英文). 原著喺2017-02-24歸檔. 喺2022-07-12搵到.