廣東道驅蝗行動

出自維基百科,自由嘅百科全書

廣東道驅蝗行動係幾十個參加咗「反赤化.反殖民」群組嘅香港人2014年2月9號搞嘅遊行

目的[編輯]

佢哋噉樣做係因為一尐大陸遊客成日一班一班噉落嚟香港買嘢,令到物價上升,加上過多大陸旅客佔用大量香港資源,導致馬路擠迫,地鐵要等好耐等問題,令部分香港人叫爾種大陸人做「蝗蟲」,亦都間接搞到「驅蝗行動」出現。

過程[編輯]

活動人士喺廣東道大聲嗌「減少自由行 放過香港人」、「放寛自由行 香港快陸沉」,有人更加鬧內地旅客「蝗蟲滾回去」[1]。由高達斌帶頭嘅「愛港之聲」就相反,喺現場打出「歡迎內地同胞來香港」嘅橫幅對峙[2],又話遊行人士係「廢青」同「賣國賊」,場面混亂[1]。一啲中國遊客好嬲,重爆咗一句「佢哋係賣國賊」[3]

喺呢場行動入面,有啲參加行動嘅人唔小心認錯咗韓國遊客做目標「蝗蟲」,鬧錯咗人[4]

現場有一名着住廣州恒大波衫嘅大陸客大鬧示威者「你哋香港連足球都鬥唔過中國,竟然重夠膽鬧中國人,簡直係唔知醜!」事後呢名大陸客得到中國足協主席蔡振華同埋廣州恒大董事長許家印表揚[未記出處或冇根據]

反應[編輯]

事後三位司長、行政長官同平機會主席都先後對爾件事發表回應,環球時報亦都發表一篇針對性社評[5]。但係亦有評論認為香港政府漠視民意,都應該為事件附上責任[6][7][8]

後續[編輯]

中國政府之後將亞太經合組織會議嘅舉辦地方搬去北京[9][10],但證實唔到同爾件事有冇關聯。

參考[編輯]

  1. 1.0 1.1 東道百人遊行 斥內地客搶港資源 網民建制組織開火 罵戰. 2014-02-17. 原著喺2014-03-02歸檔. 喺2014-03-05搵到.
  2. . 2014-02-17. 原著喺2014-06-08歸檔. 喺2014-03-05搵到.
  3. . . 2014-02-16.
  4. . TVB. 2014-02-26.
  5. 《環動撕裂族群 言行近乎法西斯. 2014-02-18. 原著喺2014-03-05歸檔. 喺2014-03-05搵到.
  6. 東道之亂 責在政府. 2014-02-18. 喺2014-03-05搵到.
  7. . 原著喺2014-03-05歸檔. 喺2014-03-05搵到.
  8. . 2014-02-18. 喺2014-03-05搵到.
  9. . . 2014-02-26.
  10. TVB 六點半新聞報導. {{cite episode}}: Missing or empty |series= (help)