亞洲金融風暴

亞洲金融風暴部份影響範圍

亞洲金融風暴係1997年7月開始爆發嘅金融危機，主要影響到印尼、南韓同泰國，亦影響到香港、老撾、馬來西亞同菲律賓，至於中國大陸、臺灣同新加坡亦有少少影響。

北京救港謠言

喺危機過去之後，中國內地一直有廣泛流傳嘅假信息，指亞洲金融風暴期間，香港股市受到國際知名投資者索羅斯嘅衝擊，香港要北京政府幫助先至可以擊退索羅斯。不過，當時香港其實只係用咗自己嘅外匯儲備入市去擊退索羅斯，並無向北京尋求協助。