東方日報
提示：呢篇文講嘅唔係東方日報 (馬來西亞)。《東方日報》（英文：Oriental Daily），1969年1月22號創刊，係一份香港繁體中文報紙，由東方報業集團發行。
介紹
[編輯]白粉報同立場典故
[編輯]1978年，東方日報創辦人馬惜如、馬惜珍兩兄弟販毒而棄保潛逃台灣，之後香港政府通緝佢[1]，上一代香港人叫東方做白粉報，毒犯報/毒販報。東方立場一直係親「政府」。馬兄弟創刊初期，由於馬家同國民黨政府關係良好，報章一直用民國紀年至1990年代，更連載過蔣緯國將軍回憶錄《我的太空遊記》，可見1997年以前係親中華民國親英。為香港主權移交做市場調整，借《東快訊》事件同英國馬卓安政府鬧翻，成功轉成今日嘅親共立場。
近年政治立場
[編輯]該報報道大陸政治新聞時，同官方嘅取態相若；不過對於港澳政府，偶然會嚴厲抨擊——被鬧者包括佢聲稱姑息《蘋果日報》[2]，或者勾結幫會和勝和嘅少數香港政府官員同部門[3]，同埋澳門政府多處[4]。
《蘋果日報》俾陸港政府消滅之後，《東方日報》逐漸多咗刊載啲唔涉及上述商場或江湖紛爭，而直率批評香港政府劣行嘅內容；[5]有次似乎因此受到香港警察威嚇亦勇於還擊，獲得唔少平時唔鍾意佢嘅讀者嘅讚賞……縱使坊間不乏將其視為唱雙簧戲碼之群眾。[6]
營商策略
[編輯]呢份報紙資料多過嗮香港任何其他日報。方針大概係揾錢至上，除咗大路嘅時事、娛樂同經濟等部分，重有大量黃賭毒（法律類嗰啲都計……）消息。正路同偏門嘅商業廣告來者不拒。意識形態上好親中共同反南亞人蛇／難民[7]，然而由於內容多種多樣，有無數唔關心呢兩樣嘢嘅人幫襯買報紙同賣廣告。
間公司長期同《蘋果日報》劇烈競爭（同樣係商業掛帥，撈下里巴人市場），在公在私都對立……到後者摺埋咗，繼續大篇幅狠批，聚焦於老板黎智英[8]。由於《東方日報》大致撐執政者，陸港政府或官員唔會威嚇或者封殺佢嘅廣告商[9]，因此財源寛廣同穩定得多。
出位嘢
[編輯]- 不時獨家「搶先報道」，如趙紫陽病逝事件，報導速度比中共政府官方更快[10]。
- 成日炒作娛樂八掛傳聞，如誤以高登潮文當事實新聞，指張敬軒大鬧太古廣場時裝店[11]。
- 作為標題黨慣犯，不時玩弄文字遊戲，造出過淫新聞標題，如「父涉姦兒子女友被捕、章子怡周迅有愛滋潤巴黎風騷、黃日華病危父求見子一面」。
- 廣告版常被人政治化，有人低裝手段惡口咒罵政敵。如刊全版「黎志英」訃文、全版廣告刊登撐政改等。
- 東方報業集團成日告人誹謗：2007年10月6號告 Uwants，網友提起馬家涉販毒內幕；2008年10月30號，告高登討論區，要求 Fevaworks 公開一個會員個人資料。
- 中意上綱上綫恁人身攻擊，例如用搞事四人組傍搞事四人幫稱呼黎智英、陳方安生、李柱銘傍陳日君，又對每一個安上獨特花名，分別醜化。[12][13]
刊登淫照被重判
[編輯]1996年6月《東方》刊登裸露照片，畀淫褻物品審裁處裁定有罪。之後，集團成立狗仔隊跟蹤法官，於《東方日報》發表激烈言論，最後被律政司提出藐視法庭指控，《東方日報》總編輯黃陽午被判入獄四個月，東方報業集團亦被判罰款五百萬[14]。
色情版「男極圈」
[編輯]2020年2月6號，因武漢肺炎疫情嚴峻宣佈暫時休刊[15]。
對外爭議
[編輯]對黎智英收外國資金嘅指控
[編輯]創辦《蘋果日報》嘅黎智英係少數同香港民主派關係緊密嘅商人，亦因為咁佢經常受到包括《東方日報》以內，親中派嘅攻擊。其中一個指控，就係話黎智英收美國 CIA 或者其他外國勢力嘅錢，《東方日報》亦經常用「黑金」形容黎智英。面對呢啲指控，黎智英曾經喺2016年3月2號喺壹週刊話，佢嘅身家金錢來源，由佢後生嗰陣創辦公明織造廠，到八十年創辦佐丹奴，到後來再創辦壹傳媒同旗下各國媒體，都可以從工商處、銀行戶口同埋稅務局有稽可查。如果真係懷疑，一查就攞到證據，或者問一啲睇住佢事業發展嘅人都會清楚，但啲人就係唔會去查。佢又唔點名批評，《東方日報》咁講係明知故犯嘅誣衊[16]。
指蕭若元俾黑幫襲擊
[編輯]响2021月11月8號，東網指蕭若元喺台灣俾黑幫打同㩫食狗屎，蕭同日公開否認[17][18]。响2021月11月9號，東網引述網上言論及 Youtuber 時事評論員「大肥」嘅「大肥看天下」節目，繼續指真有其事，而且牽涉台灣竹（聯）幫及錢銀轇轕[19][20]。後來「大肥」道歉，話搞錯咗，收返被提及嘅言論。上述東網發布嘅消息，均响翌日刊登於《東方日報》。
散播假新聞被波蘭駐港總領事館公開炮轟
[編輯]2022年5月正值俄羅斯入侵烏克蘭，《東方日報》喺5月27號，發佈假新聞，指波蘭想藉此吞併烏克蘭領土，結果被波蘭駐香港總領事館喺5月30號反擊，指說法係俄羅斯散布嘅不實資訊，呼籲大家唔好俾蒙騙[21]。
外來爭議
[編輯]香港官司
[編輯]案件冧巴：CACV 53/2017、CACV 54/2017同CACV 55/2017
控方：Oriental Press Group Limited、Oriental Daily Publisher Limited同The Sun News Publisher Limited
辯方：Google LLC.（之前叫作Google Inc.）
爭議嘅嘢喺：網站「www.google.com.hk」
爭議文字（按出現順序排位）：「東方報業集團」、「東方報業」、「東方日報」、「太陽報」、「白粉報」、「官僚蟻禍再毒咬 陰謀迫害何足懼」、「白粉報奇文共賞」、「民主選出了狗熊~~梁立人」、「仲以為睇緊白粉報功夫茶」、「基本上蘋果，東方，太陽等幾份報紙的評論、新聞報導大部份都是垃圾」、「抗議東方報業打壓言論自由，呼籲網民齊貼事實」、「東方報業上星期控告Uwants論壇誹謗，並要求論壇交出張貼文章者的個人資料。此等惡勢力利用其龐大資金濫用司法制度，大興文字獄禁止網民的言論自由，用卑鄙手段抹黑掩飾事實真相……把白粉報的惡行傳播開去」、「東方報業集團……1970年代香港有三大潮州幫海洛因大亨，分別是綽號『白粉馬』的馬惜如、他弟弟『金馬』馬惜珍，以及綽號『跛豪』的吳錫豪。馬惜珍在香港，負責收白粉、洗黑錢，再把賺來的錢投資在一般貿易公司，1969年，他又創辦『東方報業集團』，旗下主要報紙即是極力親台的中文東方日報，後來發展成為全港第一大報。報紙除了用作洗黑錢外，又作毒品消息通傳……馬惜珍從1978年起就定居台灣，運用洗錢過的犯罪所得開了好幾家合法公司……東方報業集團是他們事業成就最顯著的一個實例。」[22][23][24]
案件冧巴：HCA 1253/2010
控方：Oriental Press Group Limited（東方報業集團有限公司）
辯方：Inmediahk.net Limited
爭議嘅嘢喺：網站「http://www.inmediahk.net」
爭議文字（按出現順序排位）：「『東方佈孽集團』 圖毀維基百科記載事實的權利」、「抗議東方報業打壓言論自由，呼籲網民齊貼事實」、「2009年1月21日晚上20:05，中文維基百科裏『東方報業集團』條目，被編輯刪除了部份內容……然而，那部份內容，是當年確實發生了的新聞——東方佈孽集團創辦家族的販毒大案。」、「剛才我已把被刪去的、記述了事實的內容還原…希望各位blogger幫忙，齊齊抄下或廣傳這些事實，使真相不會因惡勢力耍橫手而淹沒。」、「馬惜珍在香港，負責接收白粉、洗黑錢，再把賺來的金錢投資在一般貿易公司。1969年，他又創辦東方報業集團，旗下主要報紙——即是極力親台的中文東方日報，後來發展成為全港第一大報。」、「東方報業集團並多番使用手段，企圖消滅上述的事實記述，包括對維基百科基金會作投訴，要求消滅上方的內容。」、「東方報業上星期控告Uwants論壇誹謗，並要求論壇交出張貼文章者的個人資料。此等惡勢力利用其龐大資金濫用司法制度，大興文字獄禁止網民的言論自由，用卑鄙手段抺黑掩飾事實真相。本著公義和良知，請大家站起來捍衛真相，說出事實的權利，向惡勢力說不，把白粉報的惡行傳播開去。」、「……大財團才有機會濫用司法手段，用高昂的法律訴訟費用，阻嚇小市民說出真相，達到禁若寒蟬言論審查的效果。」、「東方報業集團……馬惜珍在香港，負責收白粉、洗黑錢，再把賺來的錢投資在一般貿易公司，1969年，他又創辦『東方報業集團』，旗下主要報紙即是極力親台的中文東方日報，後來發展成為全港第一大報。報紙除了用作洗黑錢外，又作毒品消息通傳。……」[25]
案件冧巴：HCA 2140/2008同HCA 597/2009
控方：Oriental Press Group Limited、Oriental Daily Publisher Limited、The Sun News Publisher Limited同Ma Ching Kwan
辯方：Fevaworks Solutions Limited、以Alive! Media Communications呢個名做生意嘅Fevaworks Solutions Limited同Alive! Media & Communications Limited
爭議嘅嘢喺：網站「http://www.hkgolden.com」（香港高登）所載嘅網上討論區網站「http://forum4.hkgolden.com」同「http://forum7.hkgolden.com」」入面嘅頻道——「吹水台」
爭議文字（按出現順序排位）：「點解今日客觀公正既東方同太陽報無霞姐果段新聞既?」、「身有屎」、「一睇就知係一單好普通既謀殺案啦」、「[白粉報真係好仆街] 報販霞姐被殺案 報紙用作洗黑錢」、「報紙用作洗白粉錢」、「馬惜珍在香港，負責收白粉、洗黑錢，再把賺來的錢投資在一般貿易公司，1969年，他又創辦「東方報業集團」，旗下主要報紙即是極力親台的中文東方日報，後來發展成為全港第一大報，報紙除了用作洗黑錢外，又作毒品消息通傳。」、「白粉報」、「東方日報創辦人是通緝中大毒梟」、「馬廷強乃香港東方日報創辦人之一馬惜如之子，馬廷強之父及叔叔馬惜如、馬惜珍，是仍在通該中的大毒梟」、「馬惜珍在香港，負責收白粉、洗黑錢，再把賺來的錢投資在一般貿易公司，1969年，他又創辦東方報業集團，旗下主要報紙即是極力親台的中文東方日報，後來發展成為全港第一大報，報紙除了用作洗黑錢外，又作毒品消息通傳。由於東方報業集團的創辦人馬氏家族被證實涉及販賣毒品及有三合會犯罪組織十四k背景，創辦人馬惜珍更旋即匿居臺灣，在數十年來一直被香港政府通緝中，通緝令至今有效。所以有部份港人將東方日報和太陽報稱為『白粉報』，而馬氏後人亦被統稱為『白粉馬』。」[26][27][28][29]
睇埋
[編輯]參考
[編輯]- ↑ 自由時報電子報 (2015-06-17)。〈港東方日報創辦人 賭攤起家 販白粉成霸主 - 社會〉。《自由時報電子報》 (中文)。喺2020-10-07搵到。
- ↑ 〈東方日報A1：律政司不作為 白𢭃人工法治沉淪〉。《on.cc東網》 (香港中文)。喺2021-06-28搵到。
- ↑ 〈探射燈：上海仔疑獲警方司法兩把保護傘包庇〉。《on.cc東網》 (香港中文)。喺2021-06-28搵到。
- ↑ 〈澳門管治水平低 衰過清朝〉。hk.on.cc。喺2021-06-28搵到。
- ↑ 〈《東網視頻》照實評論 收警方施壓信〉。《on.cc東網》 (香港中文)。2023-02-01。喺2023-02-14搵到。
- ↑ 〈《東方》轟警隊忠言逆耳 背後有陰謀？(圖) - 時事追蹤 -〉。《看中國》 (繁體中文)。2023-02-05。喺2023-02-07搵到。
- ↑ 〈東方日報A1：假難民治安毒瘤 港府害市民承受〉。《on.cc東網》 (香港中文)。喺2021-06-29搵到。
- ↑ 〈功夫茶：毒果餘孽逐隻捉 出得嚟行梗要還〉。《on.cc東網》 (香港中文)。2021-06-29。喺2021-06-29搵到。
- ↑ 〈梁振英連日狙擊《蘋果》廣告商 東方昇倡眾籌落廣告 | 立場報道 | 立場新聞〉。《立場新聞 Stand News》。原著喺2021-06-29歸檔。喺2021-06-29搵到。
- ↑ 〈趙紫陽病逝〉。www.orientaldaily.on.cc。原著喺2020-03-27歸檔。喺2020-10-07搵到。
- ↑ 〈張敬軒否認擺款累sales炒魷 - 東方日報〉。orientaldaily.on.cc。喺2020-10-07搵到。
- ↑ 〈太 陽 報 網 頁〉。the-sun.on.cc。喺2022-09-13搵到。
- ↑ 〈分裂泛民罪魁搞事四人幫龜縮 - 太陽報〉。the-sun.on.cc。喺2022-09-13搵到。
- ↑ 傳媒藐視最嚴重案例《東方日報》總編輯黃陽午罪成入獄 互聯網檔案館嘅歸檔，歸檔日期2007-09-28.資料來源:印藝243期/2004年3月
- ↑ 〈啟事〉。《東方日報》 (香港中文)。喺2021-11-13搵到。
- ↑ 黎智英。〈請用事實說服我（黎智英） - 黎智英｜壹週刊〉。原著喺2021年8月26號歸檔。喺2021年6月23號搵到。
- ↑ hk.on.cc https://hk.on.cc/hk/bkn/cnt/news/20211108/bkn-20211108182240297-1108_00822_001.html. 喺2021-11-24搵到.
{{cite web}}: Missing or empty|title=(help) - ↑ 〈政情：遭台灣黑幫毒打 股壇「明燈」蕭若元 被質食狗屎〉。《東方日報》 (香港中文)。喺2021-11-24搵到。
- ↑ 〈政Whats噏：蕭若元台灣街頭被打 被質食狗屎 疑與追數有關〉。《on.cc東網》 (香港中文)。2021-11-09。喺2021-11-24搵到。
- ↑ 〈政情：蕭若元疑被追數 毆打質食狗屎〉。《東方日報》 (香港中文)。喺2021-11-24搵到。
- ↑ Storm.mg (2022-05-31)。〈波蘭企圖併吞烏克蘭領土？港媒散布俄羅斯假新聞 波蘭總領事館：不要被蒙騙-風傳媒〉。www.storm.mg (臺灣中文)。喺2022-05-31搵到。
- ↑ Oriental Press Group Ltd and Others v. Google Llc. (Formerly Known As Google Inc.) (06/02/2018, CACV53/2017) [2018] 1 HKLRD 1042, [2018] HKCA 69
- ↑ Oriental Daily Publisher Ltd and Another v. Google Llc. (Formerly Known As Google Inc.) (06/02/2018, CACV54/2017) [2018] 1 HKLRD 1042, [2018] HKCA 69
- ↑ Oriental Press Group Ltd and Others v. Google Llc. (Formerly Known As Google Inc.) (06/02/2018, CACV55/2017) [2018] 1 HKLRD 1042, [2018] HKCA 69
- ↑ Oriental Press Group Ltd v. Inmediahk.Net Ltd (30/03/2012, HCA1253/2010) [2012] 2 HKLRD 1004
- ↑ Oriental Press Group Ltd and Another v. Fevaworks Solutions Ltd (16/10/2009, HCA2140/2008) [2009] 5 HKLRD 641
- ↑ Oriental Press Group Ltd and Others v. Fevaworks Solutions and Another (16/10/2009, HCA597/2009) [2009] 5 HKLRD 641
- ↑ Oriental Press Group Ltd and Another v. Fevaworks Solutions Ltd (25/02/2011, HCA2140/2008)
- ↑ Oriental Press Group Ltd and Others v. Fevaworks Solutions Ltd t/a Alive! Media and Communications and Another (25/02/2011, HCA597/2009)