陳日君

出自維基百科,自由嘅百科全書
Jump to navigation Jump to search
陳日君
Joseph Zen, 2013 (cropped).jpg
出生日 1932年1月13號 Edit this on Wikidata
出生地 上海 Edit this on Wikidata
國籍 中華人民共和國 Edit this on Wikidata
通曉 唐文 Edit this on Wikidata
信奉 天主教會 Edit this on Wikidata
職業 Catholic priest Edit this on Wikidata
牧徽

陳日君1932年1月13號—),羅馬天主教樞機天主教香港教區主教上海出世。佢喺上海時,曾經喺修會學校讀書,之後就讀意大利慈幼大學。1949年中國共產黨上台後,唔准修會辦學;1996年10月20號獲任命為教區助理主教2002年9月23號前任胡振中樞機離世後接任香港教區主教嘅職務。教廷喺2006年3月24號冊封佢為樞機。

陳日君敢言,多次公開反對香港政府政策,故香港政府唔多鍾意佢做樞機。

出任主教之前,佢唔理中國大陸政府強烈反對,公開支持教廷封被義和團所殺嘅教士做聖,之後六年唔畀去中國大陸

爭取民主[編輯]

陳日君主教接替病死嘅胡振中樞機任天主教香港教區主教後無幾耐,加入反香港基本法第23條立法嘅運動。佢認為香港政府唔用白紙草案係愚弄市民。佢多次發動教徒上街遊行2003年7月1號維多利亞公園帶領遊行前嘅祈禱會。佢嘅呼籲下,好多天主教同基督教徒參加咗呢次遊行。

2004年6月3號六四事件十五週年前夕,教區舉辦咗次「民主中國」嘅活動。陳日君話,香港現正受到「無流血嘅六四鎮壓」,無坦克車,但有頑固嘅保守派,誣陷民主派支持香港獨立,以釋法阻止香港市民討論普選。呢番言論遭到中共官員猛烈批評,薄熙來更指佢「不愛教不愛國」。2004年7月1號陳日君再次喺維多利亞公園主持遊行前嘅祈禱會,但無參與遊行。

2005年11月3號梵蒂岡返嚟之後,陳日君指出香港市民有權決定支唔支持政改方案,政府應以仿公投 嘅全民民意調查。陳日君又公開呼籲教徒參加12月4號嘅遊行。政改方案被否決後,政務司司長許仕仁批評陳日君。

教改爭議[編輯]

香港教育改革中,要求全港學校要喺2009年前成立法團校董會,陳日君不但強烈反對,更控告政府,並指如果喺同政府嘅訴訟中敗訴,教區會放棄部分學校主辦權。2006年一月初兩個教師先後自殺後,陳日君指事件一定同教改有關,促請政府立即停止教改。

神秘樞機傳聞[編輯]

教宗若望保祿二世去世後,美國梵蒂岡嘅一啲分析員曾指陳日君可能係若望保祿二世喺2003年任命嘅神秘樞機,陳日君即時否認,又指該神秘樞機係李篤安,但李篤安亦否認。隨著教宗嘅遺囑發表,神秘樞機嘅身份亦成

同中國關係[編輯]

1998年出任助理主教嘅時候公開支持教廷對被義和團所殺教士封聖後,被禁止訪問中國大陸六年,中國日報新華社、中共官員多次批評陳日君。23條立法期間,立法會議員梁富華指陳日君係「病態聖徒」。2004年5月3號,陳日君訪問上海。但陳日君同中國嘅關係仍然相當惡劣。

此外,陳日君喺中共打壓法輪功同人大釋法等問題上同北京意見相左。人大首次釋法後,時為助理主教嘅陳日君就指責政府拆散無數美好嘅家庭。陳日君又指唔可以視法輪功為邪教,並批評特區政府「遏制法輪功活動」,等於係「壓制港人嘅宗教自由」。 ﹙參閱︰2003年2月20日文匯報 全國政協委員-張華峰︰「良心」與「狗吠」--- 與陳日君主教談論緘默嘅智慧

世貿爭議[編輯]

世界貿易組織喺香港開會時,陳日君批評警方處理示威遊行嘅方式係「香港之恥」,引起各界批評。一班退休警一度原本打算去主教座堂抗議,陳日君就喺公教報讚揚前線警員,又指香港之恥指警方高層。接著,兩個警員公會去信教宗本篤十六世投訴陳日君,而陳日君就話香港存在「向上奉承」嘅不良文化。南韓農民則發表聲明感謝陳日君嘅支援,並多謝陳日君畀各被捕人士一千蚊利是 [未記出處或冇根據]。有農民家屬亦喺法院上對陳日君鞠躬致敬。

退休傳聞[編輯]

2005年9月18號,陳日君同《蘋果日報》講自己打算喺2007年1月退休。佢又話,希望可以到中國大陸或者非洲教書,因為非洲嘅教師短缺。同為天主教徒嘅李柱銘指出,陳日君仍身壯力健,教宗可能會挽留陳主教。但係,教會內嘅倒陳分子則認為陳日君退休有助改善中梵關係。

根據報道指陳日君現階段退休嘅機會相當低,原因主要有兩個:首先教宗本篤十六世已任命陳日君成為一個主教會議委員會嘅成員;此外,陳日君已經晉升為樞機。

任樞機[編輯]

2006年2月22號,教宗本篤十六世宣布,委任陳日君為樞機;3月24日舉行咗晉升冊封儀式。

而中國天主教愛國會副主席劉柏年就批評,陳日君抱反共立場,教宗晉升陳為樞機,係「敵視中國,挑戰中國政府」,又認為有鑒於梵蒂岡喺1989年推翻波蘭共產政權上,扮演著重要嘅角色,因此認為羅馬教廷晉升陳日君為樞機,亦係對中國進行類似嘅「倒共」策略。

不過,另一位中國天主教愛國會副主席房興耀就話,希望陳喺促進中梵建交上做一啲嘢。

退休[編輯]

梵蒂岡規定,陳日君需於2007年1月年屆75歲時向教宗申請退休。陳日君話希望退休之後可以去中國大陸教。

2009年4月15號,教廷宣布天主教香港教區主教陳日君樞機以退休為由辭呈,並得到教宗本篤十六世接納,即時生效。湯漢喺2009年4月16日號接任為天主教香港教區第七任正權主教。

出面網頁[編輯]