主教

出自維基百科,自由嘅百科全書
天主敎會樞機主敎湯漢
Dom Licínio Rangel 主敎
鄺保羅大主教2007年12月於香港伯大尼修院

主敎(Bishop)係高級嘅神職人員。主敎英文 Bishop 呢個詞源自希臘文「episkopos」,即「epi 由上往下」及「skopos 觀察者」,意為「監督」(overseer)。依據早期敎會嘅傳統,祝聖主敎即係代表授予聖職聖事嘅圓滿性。主敎即係藉著聖神受祝聖為敎會裏面嘅牧人同管理者,亦係敎義嘅導師同聖職敬禮嘅司祭。喺一般基督宗敎主流教會,就係指耶穌基督派遣宗徒繼續實行佢嘅使命,到咗第一世紀末、第二世紀初就形成咗主敎嘅制度。

天主敎會[編輯]

主敎係天主敎會嘅高級聖職人員,由敎宗任命。教宗技術上亦係一個主教。

總主敎(英文:archbishop),指總教區嘅主敎。

輔理主敎(英文:auxiliary bishop),指冇繼承權而輔佐敎區主教嘅主敎。

助理主敎(英文:coadjutor bishop),指有繼承權而輔佐敎區主敎嘅主敎。

聖公會[編輯]

聖公會主敎以前譯做會督。係聖公會三品聖職最高級嘅聖品人。通常分為以下等級:

主教長(英文:primate),係主教級裏最高級,但響三品聖職到,屬於主教一級;

大主敎(英文:archbishop)比主教長低一級,但喺三品聖職到,都屬於主敎一級,擔任敎省嘅首長;

教區主敎(英文:diocese bishop)比大主教低一級,喺敎區裏面選出,擔任敎區嘅首長;

副主敎(英文:vice bishop)比主教低一級,係教區主教嘅全職助理,響三品聖職到,副主教係主教一級,有一啲副主教喺教區內其中嘅分區主教,或者受教區主敎按立嘅教區副主教;

榮休大主教,係一名已退休嘅教省大主教;如鄺廣傑而家係香港聖公會榮休大主教。

參考[編輯]

  • 台灣光啟出版社出版‧輔仁神大學神學院‧神學著作編譯會主編之《外語漢語神學詞語彙編》。