香港聖公會

出自維基百科,自由嘅百科全書
跳去導覽 跳去搵嘢
香港聖公會
Hong Kong Sheng Kung Hui
Hong Kong Anglican Church (Episcopal)
普世聖公宗
教會

地理位置
總部 香港香港島灣仔告士打道109-111號
東惠商業大廈16樓
管轄範圍 香港
Flag of Macau.svg 澳門
各級教務首長
首牧職銜 香港大主教
主教長 陳謳明大主教
榮休大主教 鄺廣傑
鄺保羅
統計資料
教友人數 29,000[1]
相關資訊
創設時間 1843年1月(殖民地區)
1849年(維多利亞教區)
1912年4月26號(中華聖公會港粵教區)
1951年(港澳教區
1998年10月25號(香港教省
語言 粵語、普通話、英語、菲律賓語
網址 香港聖公會官方網站

  Anglican rose.PNG普世聖公宗指南

香港聖公會英文Hong Kong Sheng Kung HuiHong Kong Anglican Church (Episcopal))係普世聖公宗嘅第38個教省,管轄範圍包括香港澳門

聖公會喺香港擁有悠久嘅歷史,喺香港基督教歷史上佔有重要席位。除咗作為一個宗教團體,香港聖公會重積極參與香港社會各大小事務,亦係香港主要嘅辦學團體之一。香港聖公會亦係基督新教喺香港嘅一個主要宗派

現任主教長陳謳明大主教,教省秘書長係管浩鳴法政牧師。大主教嘅神學同歷史顧問係魏克利牧師(英文Philip L. Wickeri)。[2]

聖公宗信仰[編輯]

內文:聖公宗芝加哥蘭柏四綱領

聖公宗信仰係基於相信聖經,舊新約嘅聖典,「包含一切必要嘅救贖」。香港聖公會進一步維持已獲通過教會主教制主教牧師、同會吏爾三種聖職。[3][4]

[編輯]

根據香港聖公會官方網頁嘅發展史[5],香港嘅聖公會組織喺1843年開荒,至今已有超過150年史。

  • 1843年:香港割讓成為英國殖民地後,英格蘭國教會派遣史丹頓牧師來港,以牧養喺香港嘅英國信徒,並同時創立聖保羅書院同起聖約翰座堂,又積極對華人宣教。
  • 1849年:成立維多利亞教區,直接隸屬坎特伯里大主教轄治權下,管轄範圍包括香港中國日本等地嘅宣教事務。首任教區主教係施美夫主教。
  • 1865年:首間華人教堂聖士提反堂起成。
  • 1912年:中華聖公會成立,香港成立中華聖公會港粵(後稱華南)教區。至此香港聖公宗嘅華語聖堂行政上同時隸屬維多利亞教區中文中華聖公會#維多利亞教區(1842)港粵教區中文中華聖公會#港粵教區(SOUTH CHINA MISSION,1849),而英語聖堂就只隸屬維多利亞教區,但主教同為一人。
  • 1941年12月至1945年8月:香港日治時期,香港聖公會由日本派出神職人員進行管理。香港重光後恢復原體制。
  • 1951年:因中國大陸政局轉變,第二十屆維多利亞/華南教區議會議決香港同澳門嘅聖堂脫離中華聖公會港粵教區,成立港澳教區,無隸屬任何教省,由坎特伯里大主教作為教區嘅轄治權人。後來雖然中華聖公會已不復存在,但港澳教區依然保持中華聖公會嘅信仰同禮儀,同埋中華聖公會1948年嘅「總議會憲綱和憲法則例」,港澳教區聖品受封職的誓書內,亦一直保持願遵守中華聖公會嘅教義、教政同禮儀嘅宣誓字句。
  • 1962年:東南亞各教區組成「聖公會東亞議會中文聖公會東南亞教區議會」(後稱東亞議會),港澳教區係成員之一。
  • 1965年:因坎特伯里大主教認為東南亞教區議會將發展成一獨立嘅教省,故宣佈放棄對港澳教區嘅轄治權,原意為將爾權交畀期望日後成立嘅東亞教省。然而後來東亞議會並無成為一教省,而只作為中華聖公會憲章規條信託人。自此港澳教區成為一游離嘅個體。
  • 1981年:選出鄺廣傑牧師為港澳教區主教,並為港澳教區首位華人主教。
  • 1991年:由於港澳教區工作隨著社會發展而日益增多,加上長期以來沿用中華聖公會嘅憲章同規例,因中華聖公會嘅唔存在而無法更新,因此港澳教區喺第40屆教區會議中,決定籌備成立教省。
  • 1995年:祝聖徐贊生會吏長為東九龍分區主教,蘇以葆會吏長為西九龍分區主教。
  • 1998年:選出鄺廣傑主教為香港聖公會教省首任大主教主教長,並喺10月25號舉行教省成立崇拜同大主教陞座禮。香港島教區、東九龍教區、西九龍教區同澳門傳道地區相繼成立。
  • 2007年:擔任港澳聖公會首牧26年嘅鄺廣傑大主教喺1月1號退任主教長,次任主教長喺2月3號喺中環聖保羅堂舉行嘅大主教選舉,由教省總議會三院組成嘅大主教選舉團投票選出鄺保羅主教為新任大主教,並喺9月26號喺聖約翰座堂舉行就職禮崇拜。

香港開埠之初,由於聖公會係英格蘭國教,因此香港嘅聖公會同香港政府往往有密切關係,幾有官方教會嘅味道,例如喺香港嘅第一座教堂聖約翰座堂即由香港政府永遠撥予聖公會使用,而且唔收地稅,係今時今日香港唯一一塊永久土地權嘅非政府土地。教堂入面亦有刻有英國皇家徽號,專門供港督或過境皇家成員使用嘅座椅。

然而喺後期,尤其係二戰後,英國政府同英格蘭聖公會逐漸分離,政府只有當有重大嘅儀式要進行,如1986年港督尤德嘅喪禮,先至會喺聖公會座堂進行。其後更有唔信奉聖公宗嘅港督,例如信奉天主教彭定康。聖公會神職人員好似鄺廣傑鄺保羅等逐漸同中華人民共和國政府接觸。

香港主權移交後第二年起,香港聖公會屬普世聖公宗嘅一員,行政上係一個獨立自治嘅教省,與英國政府同聖公會亦再無關連。此後,香港聖公會同中華人民共和國政府嘅關係變得越來越密切,2007年接任大主教鄺保羅更擔任中國人民政治協商會議全國委員會委員,當時係香港基督教界唯一一個兩會委員。并喺多項引發香港基督教屆廣泛信仰爭議嘅議題上高調支持中華人民共和國政府中華人民共和國香港特別行政區政府,與天主教香港教區香港華人基督教聯會針鋒相對。

架構[編輯]

教區同傳道地區[編輯]

香港聖公會三個教區(圖中未顯示澳門傳道地區)

香港聖公會轄下分三個教區同一個傳道地區。教區分別係:

重有傳道地區係:

香港聖公會東西九龍教區的範圍同而家立法會九龍東新界東九龍西新界西選區分界並唔相同。教省喺整體上牧區、傳道區、中學、小學、幼稚園同社會服務機構,全部設置喺香港同澳門。

總議會[編輯]

教省總議會由主教院、聖品院同平信徒院組成[4]。成員來自香港島教區、東九龍教區、西九龍教區同澳門傳道地區。總議會之下,有唔同嘅委員會負責唔同聖工嘅地方。

歷任主教[編輯]

維多利亞教區[編輯]

維多利亞會督

以下係兼埋中華聖公會港粵/華南教區會督

  • 5. 倫義華會督(1907至1920年)
  • 6. 杜培義會督(1920至1932年)
  • 7. 何明華會督(1932至1967年)
    • 莫壽增會督(廣東會督)(1935至1943年)
    • 朱友漁會督(雲貴分區會督)(1940至1947年)
    • 侯利華會督(教區副會督)(1946年至1951年)[6]
    • 慕容賢會督(廣東會督)(1940年至1950年)[7]

聖公會港澳教區會督/主教

  • 7. 何明華會督(1951至1967年)
  • 8. 白約翰會督(1967至1981年)
  • 9. 鄺廣傑主教(1981至1998年)

香港聖公會[編輯]

主教長暨香港大主教[編輯]

鄺保羅大主教2007年12月響香港伯大尼修院
  • 1. 鄺廣傑大主教(1998至2006年)
  • 2. 鄺保羅大主教(2007年至2020年)
  • 3. 陳謳明大主教(2021年起)

香港島主教[編輯]

  • 1. 鄺廣傑大主教(1998至2006年)
  • 2. 鄺保羅大主教(2007年至2020年)
  • 3. 謝子和主教(2021年起)

東九龍主教[編輯]

  • 1. 徐贊生主教(1998至2013年)
  • 2. 郭志丕主教(2014年起)

西九龍主教[編輯]

  • 1. 蘇以葆主教(1998至2012年)
  • 2. 陳謳明大主教(2012年起)

辦學[編輯]

內文:香港聖公會院校

香港聖公會係香港嘅主要辦學團體之一。現任聖公宗(香港)小學監理委員會有限公司主席係陳謳明大主教、總幹事謝振強;聖公宗(香港)中學委員會有限公司主席則為梁貫成教授。

教育改革爭議[編輯]

內文:校本條例

雖然香港聖公會自英國殖民地時代開始,一直喺教育方面不斷作出貢獻,但喺主權移交後第五年嘅2002年起,即被捲入教育統籌局校本條例爭議當中[8][9][10][11][12][13][14][15][16][17]

神學院[編輯]

香港聖公會明華神學院同聖保羅堂

香港聖公會家陣擁有一間神學院:明華神學院,以何明華會督起名。 香港聖公會明華神學院(英文Hong Kong Sheng Kung Hui Ming Hua Theological College)由聖公會港澳教區嘅前任主教何明華會督於1947年設立,前身為聖公會明華學院,為當時港澳教區嘅平信徒提供培育課程。1996年,香港聖公會教省準備成立,明華學院為配合訓練教省嘅聖品人,變成今日嘅明華神學院,主要協助栽培牧者同平信徒。學院提供神學學士課程,修讀科目包括聖經研究、教會歷史、基督教教義、基督教倫理、牧養神學、同哲學等。學院亦提供其他學習機會好似各類唔同嘅課程。

大學舍堂[編輯]

香港大學首間舍堂聖約翰學院英文St. John’s College)喺1912年後期由西差會起成,最初個名叫聖約翰院舍英文St. John’s Hall)。自1916年院舍嘅引入以嚟,每個禮拜搞高桌晚宴係舍堂嘅傳統。呢個習俗隨後被其他院舍採用。聖約翰院舍一直收容男宿生到日治時期。原址而家被聖保羅書院用。1945年8月31呢戰後檢查發現院舍完全被毀,只剩低四埲牆。結合埋聖士提反院舍,新嘅聖約翰學院喺1955年響薄扶林道82號起成,取代以前院舍。

學院嘅一至六樓係男層,七至十樓係女層,啲房全部係單人房。

社會服務機構[編輯]

內文:香港聖公會福利協會

香港聖公會福利協會主要負責香港聖公會嘅社會福利工作,服務範圍包括幼兒服務、青少年服務、家庭同輔導服務、智障同殘疾人士復康服務、社區發展服務、安老服務、培訓、顧問服務、成人教育等。另外,佢亦有以下會員機構。

上環荷李活道聖公會聖馬太堂

聖基道兒童院[編輯]

內文:聖公會聖基道兒童院

早於1935年由何明華會督創辦,最初主要係收容當時社會上戰亂嘅孤兒,現時已發展為多元化兒童服務機構,係香港擁有最多兒童之家服務名額嘅非政府機構。現今亦為來自破碎家庭嘅青少年提供住宿照顧服務。

聖雅各福群會[編輯]

內文:聖雅各福群會

由聖公會何明華會督同熱心人士喺1949年創辦,最初名為「聖雅各兒童會」,喺石水渠街北帝廟嘅一個偏廳開始推行兒童工作。1987年喺石水渠街嘅總會落成啟用。現時共有40幾個單位,為唔同地區人士提供服務。佢係香港一個慈善機構,總部建築物喺灣仔石水渠街,亦係香港公益金受惠成員之一,接近五成經費來自社會福利署

香港聖公會麥理浩夫人中心[編輯]

中心總部喺葵涌和宜合道,係香港公益金受惠成員之一。服務範圍包括照顧同教育綜合服務、家庭同社區綜合服務、就業發展綜合服務、社區健康綜合服務同長者綜合服務。

其他教省機構[編輯]

教聲[編輯]

教聲(Echo)係香港聖公會擁有同出版嘅中文同英文報紙,逢主日出版,報道香港聖公會、普世聖公宗同大公教會新聞,亦有副刊同專欄等,喺教省各教堂、學校、社服單位免費派發,歡迎教友奉獻。

現時可喺教省網站閱覽,並下載全份PDF檔案,另外自2016年4月24號第2094期起,亦可喺「issuu」瀏覽。 教省秘書長管浩鳴法政牧師兼任督印人、總編輯係賀曾慶。

宗教教育中心[編輯]

聖公會宗教教育中心

佢地喺1978年1月29號成立。早喺60年代加強發展教育事工,同時準備全面開拓宗教教育工作。

中心成立初期,主要以培育信徒為目標,出版《傳遞》季刊、製作影音教材、定期舉辦研討會同培訓活動。80年代初,出版《完美的人生》小學宗教課程,廣受學校重視同採用。其他出版包括《裝備-團契領袖手冊》、《聖公會中學詩集》、《聖公會中學禱文集》等。

90年代,中心漸具規模,培訓同出版工作亦日趨多元化,喺會督府嘅原址已喺1988至90年不敷應用。中心遂於1991至93年遷往深水埗,同時增設書刊資源服務處,擴闊服務層面。其後每年平均出版書籍30至40本,《同創新天地》中學宗教教育課程、《天父世界》幼稚園宗教教育課程亦相繼面世。除出版課程同信徒培育書刊外,本中心更致力開展兒童事工,出版一系列兒童圖書同喻道故事。

邁進廿一世紀,努力回應社會、學校、教會等唔同嘅需要,正策劃編寫生命教育課程、製作多媒體教材、更新信徒培育資源同提供適切嘅培訓課程。同時,他們正全力推廣生命教育同親子工作。並設門市、展銷、會員等服務,部分文章亦可喺網站閱讀。

靜修院[編輯]

內文:香港聖公會靜修院

靜修院響香港長洲明暉路16號。佢喺2012年2月1號開。為香港聖公會聖品、同工、教友提供一個喺大自然環境中作靜修退省、與主契合嘅寧謐空間;亦為唔同宗派嘅同工同神學生開設臨床牧關教育(CPE)課程。

保育[編輯]

2009年,聖公會宣佈斥資8億元保育中環建築群,當中下列四幢歷史建築將予以保留及復修[18]

  • 會督府:1848年起,而家係一級歷史建築。建築以花崗岩築成屋基,兩層樓高,單邊後方有三層樓高碉堡式八角塔樓,屬刁陀復興式風格。原本係主教居所同聖保羅書院最早期嘅校舍。打算保留作香港聖公會大主教寫字樓,內設博物館,拆除近年新設嘅窗口式冷氣機同樓梯,並為傷殘人士加設設施。自寫字樓搬走後,做教會嘅檔案館。
  • 聖保羅堂:1911年起,而家係一級歷史建築,屬哥德式風格。頂部建有尖長嘅塔樓,係中環早期為華人而設嘅基督教會。當時上層係禮拜堂,下層用作聖保羅書院課室。二戰時,教堂被徵用作日軍憲兵訓練學校。翻新後將全面對外開放。
  • 廣傑樓:1851年起,而家係二級歷史建築。原為本係聖保羅書院南翼,係書院最早期嘅校舍。其後曾用作基恩小學校舍同聖公會刊物辦事處。2007年復修,畀明華神學院學生上堂同住宿,並改名為「廣傑樓」以表揚鄺廣傑大主教。打算保留作聖公會寫字樓同綜合活動中心。
  • 教堂禮賓樓:1919年起,擬議為一級歷史建築。樓高三層,又名馬丁樓,原本係聖保羅書院宿舍,後來係多個傳教士居所。著名歐亞混血女作家韓素音經過喺度。日佔時期,係好多來自中立國嘅基督徒避難所。近年新設嘅窗口式冷氣機同鋁窗將會拆除。

此外,以下建築將會重建:

  • 中庭:清拆莫慶堯樓、約翰馬利樓及聖公會福利協會等戰後建築,搬走明華神學院同聖公會幼稚園,改建為多層圓形中庭,設玻璃同綠化天幕。畀基督教表演同聚會使用、藝術品展示同設餐飲區。
  • 宿舍同社區中心:拆卸重建為新大樓,前排高11層,後排高13層,將設社區服務中心、神職人員宿舍、教會檔案室、文物館。
  • 港中醫院:將改建為11層高嘅綜合醫療服務中心,提供醫療、長者院舍等服務。

相關文章索引[編輯]

教省組織 香港聖公會總議會 | 香港島教區 | 東九龍教區 | 西九龍教區 | 澳門傳道地區
普世聖公宗共融支柱 坎特伯雷大主教 | 聖公宗咨議會 | 蘭柏會議 | 普世聖公宗主教長會議
宗派 天主教香港教區) | 東方正統教派(科普特正教會悉尼教區及附屬區域) | 正教普世宗主教聖統香港及東南亞都主教教區香港聖彼得聖保羅教堂) | 聖公宗香港聖公會
聖約翰座堂 | 維多利亞教區 | 中華聖公會 | 聖公會港澳教區 | 聖公會東亞議會
崇拜同禮儀 公禱書》(黑皮公禱書) | 聖餐崇拜禮文 (第二式) | 香港聖公會年曆
其他 玫瑰羅盤會香港區會 | 臺灣聖公會 | 香港聖公會院校

參考[編輯]

  1. "Church Society - Issues - Anglican Communion - How Big?". churchsociety.org. 原著喺2019年1月7號歸檔. 喺2016年5月2號搵到.
  2. "魏克利牧師". www.minghua.org.hk. 原著喺2019-01-05歸檔. 喺2019-01-04搵到.
  3. 香港聖公會指導
  4. 4.0 4.1 香港聖公會憲章及規例
  5. "存档副本". 原著喺2007-06-02歸檔. 喺2005-06-22搵到.
  6. Philip L. Wickeri and Ruiwen Chen 魏克利、陳睿文 (2019年). Thy Kingdom Come 爾國臨格 (繁體中文). 香港: 香港大學出版出版. pp. 第104頁.CS1 maint: unrecognized language (link)
  7. Philip L. Wickeri and Ruiwen Chen 魏克利、陳睿文 (2019年). Thy Kingdom Come 爾國臨格 (繁體中文). 香港: 香港大學出版出版. pp. 第108頁.CS1 maint: unrecognized language (link)
  8. "陰謀論". 英文虎報 (英文). 2003-12-15. 喺2008-05-31搵到.
  9. "教會尋求裁泱". 英文虎報 (英文). 2005-12-08. 喺2008-06-05搵到.
  10. "教會為主權而戰". 英文虎報 (英文). 2006-10-14. 喺2008-05-31搵到.
  11. "聖公會買重三千萬保險". 星島日報 (中文). 2006-10-19. 喺2007-12-09搵到.
  12. "香港聖公會教育幹事夏永豪校長表示教統局的聲明完全不正確一直忽視辦學團體的意見". 香港聖公會教省「教聲」. 2004-06-06. 原著喺2011-07-24歸檔.
  13. "校本條例的憤怒". 英文虎報 (英文). 2005-06-23. 喺2008-06-05搵到.
  14. 夏永豪 (2004-10-10). "聖三一堂教育主日講道 以愛為本的教育 (上)". 香港聖公會教省. 原著喺2011-07-24歸檔.
  15. "謝振強總校長專訪(二)". 香港聖公會教省. 2005-10-16. 原著喺2011-07-24歸檔.
  16. "香港家書——為了孩子們的明天". 香港電台. 2006-06-12. 原著喺2011-07-24歸檔.
  17. "聖公會支持上訴「正義會在我們這邊」". 明報. 新浪網. 2006-11-23. 喺2008-06-03搵到.
  18. 經濟日報 2009年10月23日 A16 新聞特寫 - 「聖公會中環建築群 8億活化 保留4古蹟 洗滌上班族心靈」

出面網頁[編輯]