聖保羅堂

出自維基百科,自由嘅百科全書
Jump to navigation Jump to search
聖保羅堂

聖保羅堂St. Paul's Church)係香港聖公會香港島教區嘅教堂,喺中環己連拿利鐵崗),喺1911年創立,亦都係香港聖公會建築群嘅一部份。喺2009年12月18號被評為香港一級歷史建築

[編輯]

1909年林護黃茂林、李維楨同史超域牧師商議組織堂會,並喺中環起禮拜堂。首先借用會督府嘅小禮拜堂作為主日崇拜,再同聖保羅書院合作起一楝樓宇,上層係禮拜堂,下層係書院課室,1911年10月28號新堂落成開幕。

1919年港府應承撥地擴充教堂。1928年聖保羅堂成為咗一牧區直轄會督。1934年得到何明華會督嘅幫助,港府再度撥地,教堂加長40尺,並加建閣樓同牧師住宅,1935年新堂落成,莫壽增到堂施行按手禮同聖餐。

日治時期教堂俾日軍佔用咗做憲兵講習所。大戰結束,日軍將教堂交返畀聖保羅堂,1945年9月2號舉行獻堂禮。1950年撥款補償聖保羅書院,作為購買「伍廷芳堂」嘅建築費,改建做聖保羅堂副堂。1971年聖保羅堂創立六十週年紀念,將「牧師樓」改名叫「雪卿樓」,作為聖品辦公同會議交際之所。

1990年聘請建築師統籌修葺工程,重新繪製圖則,辦公室設備全面電腦化。1991年聖保羅堂八十週年堂慶,主題係:「強化培育,克盡使命」。教堂將聖壇搬前,加彩色玻璃,二樓部份改建做嬰兒室。1993年1月奉獻重修聖堂聖餐崇拜。

2001年1月聖保羅堂九十周年堂慶出發典禮,10月「聖保羅堂牧民中心」開幕。

出面網頁[編輯]