聖雅各福群會
聖雅各福群會（St. James' Settlement）係香港一間慈善機構，總部喺灣仔石水渠街。聖雅各福群會現時係香港公益金受惠成員之一，接近五成經費來自社會福利署。
歷史[編輯]
聖雅各福群會由聖公會何明華會督同啲熱心人士喺1949年創辦，最初名叫「聖雅各兒童會」，喺石水渠街北帝廟嘅一個偏廳開始推行兒童工作。1963年喺堅尼地道建成6層高會所（稱為「舊大廈」），服務漸趨多元化，由兒童同青少年服務拓展至長者同埋復康服務。1987年位於石水渠街嘅總會落成啟用。1990年開辦現時稱為「中西區長者地區中心」嘅首個灣仔區以外服務單位，其後陸續發展其他新服務單位，主要分佈港島北岸，由西環至柴灣，共有廿幾個單位，為唔同地區人士提供服務。
