柴灣

出自維基百科,自由嘅百科全書
 呢篇文講嘅唔係柴灣角
柴灣

柴灣粵拼caai4 waan1英文Chai Wan)係香港東區一笪地方,位於香港都會區範圍之內。香港政府法定圖則,定柴灣位於港島東,北面係杏花邨,西面係大潭郊野公園,南面係石澳郊野公園,東面係海傍。政府嘅規劃,柴灣分區包括杏花邨同埋小西灣

地名來源[編輯]

柴灣係喺鯉魚門外灣,係香港島至東嘅谷地。由於三面環山,加上水源夠,所以盛產木材。木材可作柴薪之用,所以海灣名為柴灣。十八世紀開始喺道聚居嘅客家人,就喺呢道獲取柴薪。

柴灣之名,大清已有。但舊時柴灣亦誤稱「西灣」,皆因「柴」嘅客家話,同「西」嘅廣東話,個音幾似,加上當時嘅英文名,亦譯成「Sai Wan」,不明所以嘅譯師,錯譯爲西灣。家下亦有留有西灣墳場之名。後尾柴灣嘅地名改返正,但柴灣以東嘅小灣,「小柴灣」就,就一直稱為「小西灣」。

1950年代,港英政府開發柴灣。部分人誤會「柴」字唔吉利,建議改為「翠灣」,但後來除咗翠灣邨用「翠灣」之外,成個社區也都柴灣作地名。

人口資料[編輯]

根據政府二〇〇一年人口普查,柴灣人口約十八萬七千人。同香港島其他區域一樣,柴灣區住戶,每月收入中位數,多過全港中位數,而教育水平,亦高過全港平均,睇得出柴灣居民嘅生活水平,比全港平均好。此外,香港十八區之中,柴灣歸入東區。呢區家庭住戶每月收入中位數,排全港第三,喺中西區同埋灣仔區之後。

歷史[編輯]

從歌連臣角道嘅香港佛教聯合會柴灣佛教墳場遠眺柴灣一帶

柴灣一帶相信早喺大宋年間,就有人住。當時來往浙江福建同埋廣州之間嘅船隻,有時會喺柴灣上岸攞水。

大英初得香港島之時,柴灣原居民,係客家人。佢哋係大清海禁之後,解禁後鼓勵搬入。自十八世紀初,有客家人由新安搬過來,建村定居。客家人習慣以自己姓氏叫村,例如姓羅就叫羅屋。柴灣原有六村,羅屋、成屋、藍屋、陸屋、西村同埋大坪村,都係客家村。羅屋哋係喺乾隆年間起。按一八四一年嘅人口普查,柴灣人口只有卅人,到咗一八九一年增至二百零八人。當地居民以捉魚及務農為生,亦有部分村民以燒灰為業。

各村落因城市發展而相繼消逝,羅屋民俗館就係柴灣僅存嘅古村屋。

一八四三年,英軍喺柴灣立軍營,但軍人紛紛染熱病,軍營就搬去高地,卽係家下鯉魚門渡假村。附近起炮台,手握鯉魚門,以防敵船入港,家下係香港海防博物館

時至一九二五年香港童軍喺現時柴灣公園附近,起咗香港首個童軍營地。

一九五一年香港政府柴灣平房區,為和平之後,大量來港嘅唐人留安身之所,呢個卽係興華邨嘅前身。一九五九年,柴灣拆鄉村,起徙置大廈廿七座。一九六八年,柴灣人口大增至八萬人。到咗二十世紀七十年代,柴灣起咗好多工廠大廈,令柴灣變成新興工業區。

柴灣最初嘅公共屋邨柴灣邨同埋興華邨一期,但呢兩條邨已重建或重新發展。

港鐵柴灣站現址,係舊時柴灣徙置區所在,因為起柴灣站而拆卸。

一九八八年起,多個園林同埋樓宇相繼落成。

發展[編輯]

十九世紀,軍事以海軍主導,所以當時嘅英國人,揀咗中西區作為維多利亞城,而柴灣喺香港島東部,近海邊而離城又遠,有海盜之虞,鯉魚門外,無險可守,所以到二十世紀上半葉,柴灣仍爲落後。直至第二次世界大戰打完,香港重光,香港政府,為咗處理好當時居民嘅居住及就業問題,於是仿效英國工業革命帶動經濟嘅做法,喺柴灣設立工業區,起埋公共屋邨,令人民安居樂業,官員將公共房屋命名為興華邨,個名語帶相關,一係興盛繁華,一係興盛中華,但家下已無得稽考。

二十世紀九十年代,香港政府着力改善住屋及公共設施,包括公共屋邨、居者有其屋,以及同埋批地起私人樓,應付市民嘅唔同需要。

土地用途[編輯]

柴灣區面積六百一十一公頃,當中綠化、自然同休憩地達三百零七公頃六,佔全區面積一半。按用規劃分,綜合發展區有一公頃六二,商住混合三公頃〇四、甲類往宅地七十二公頃三一、工業地十四公頃五四、政府、機構及社區用地則有七一公頃〇七、休憩用地十九公頃九四、其他指定用途九十公頃〇八、綠化地帶一百六十六公頃三五、海岸保護區五公頃八八、郊野公園一百一十五公頃四三。

柴灣公共空間休憩用地,有十九公頃九四,大型嘅有柴灣公園永泰道公園小西灣海濱公園等,園內有唔少外地植物,畀人觀賞。

未來發展方向[編輯]

根據香港政府規劃,柴灣會越來越少工業污染,由商貿所取代。

主要物業[編輯]

私人屋苑[編輯]

居屋屋苑[編輯]

公共屋邨[編輯]

大型商場[編輯]

工業大廈[編輯]

翠灣邨

治安[編輯]

東區尤德夫人那打素醫院附近有柴灣警署

醫院[編輯]

設有東區尤德夫人那打素醫院,方便香港島市民。

巴士車廠[編輯]

柴灣擁有香港島最大規模嘅巴士車廠。以前柴灣係中華巴士最重要嘅地盤,成間公司嘅重心基本上都喺柴灣,即使1993年中巴冇咗26條路線,柴灣呢個中巴基地依然未受動搖。到中巴專營權結束後,大部分柴灣巴士線都改由新巴接手,而新巴亦同中巴一樣喺柴灣建立大本營。而城巴俾新巴嘅母公司周大福收購後亦隨即喺柴灣設廠。

區內文化遺產[編輯]

著名地點[編輯]

交通網絡[編輯]

柴灣擁有完善道路網同埋鐵路網,港鐵喺柴灣至杏花邨一段係香港島唯一一段地面鐵路。

主要交通幹道[編輯]

公共交通[編輯]

  • 港鐵
  • 巴士
    • 新巴:8、8P、81、81A、81S、82、82M、82S、82X、388(只喺清明節日子行駛)、389(只喺清明節日子行駛)
    • 城巴:8S、8X、19、85、85P、314、780、780P、788、789
    • 城巴過海隧道巴士:118、118P、606、606A、606P、698R、A12
    • 新巴過海隧道巴士:106、106P、682、682P、694、802(只喺賽馬日行駛)
  • 小巴
    • 綠色專線小巴
      • 16A、16M、16X、18M、20、20M、43M、47M(同小西灣連接)、48M、62、62A、65、65A、66、66A
    • 紅色公共小巴
以上只列出全日行走嘅巴士及小巴線。

交通發展史[編輯]

1950年代,柴灣居民除咗搭白牌車出外,唯一對外交通就係搭當時第一條柴灣區嘅巴士線8號去灣仔碼頭

到咗1960年代,隨住柴灣區開發,巴士公司開辦一啲來往柴灣與同埋香港島北岸各地嘅巴士線。

1980年代,東區走廊同埋地鐵(家下港鐵)港島綫相繼落成,柴灣區唔使齋靠柴灣道前往香港島北岸各地,此外,為舒緩現行柴灣同埋小西灣往來太古城中心同埋東區海底隧道交通噪音問題,當局已經計劃喺2009年4月展開嘅東廊第三期防音路面工程,預計2012年6月完成。

學校[編輯]

柴灣有多間中學、小學、特殊學校同埋專業學院。

睇埋[編輯]