港島綫

出自維基百科,自由嘅百科全書
跳去導覽 跳去搵嘢
港島綫
Island Line
↑港島綫金鐘站2號月台 ↓路線圖

港島綫金鐘站2號月台
路線圖

Island Line.svg
17
簡稱 ISL
類別 重型鐵路系統
長度 13.3公里
地區 中西區灣仔東區
通車日期 1985年5月31號
電化模式 1500伏特直流電
軌距 混凝土道床段:1432毫米
杏花邨至柴灣開放式路段標準軌:1435毫米
雙線區間 全綫
閉塞方式 車內訊號閉塞式(ATP
營運最高速度 每小時80公里
用車 都城嘉慕電動列車

港島綫粵拼gong2 dou2 sin3英文Island Line)係港鐵營運嘅路線之一,服務香港島北岸,由中西區堅尼地城開始,去到東區柴灣為止。呢條綫喺1985年5月31號分段通車,到1986年5月23號全線正式通車,至於其後規劃嘅港島綫西延(堅尼地城-柴灣)亦都終於喺2015年3月29號完全通車。截至2015年3月,本線有17個車站(同觀塘綫一樣係最多車站嘅港鐵綫),當中4個係轉車站中環站(可以行去香港站東涌綫機場快綫)、金鐘站北角站鰂魚涌站),杏花邨站同埋柴灣站兩個車站分別係地面同架空車站,其餘係地底車站。港島綫列車一列8卡,喺路線圖中以藍色代表。

路線圖[編輯]

港鐵港島綫路綫圖(按真實地形繪畫),包含港島綫西延路段。

歷史[編輯]

1980年12月23號,當時香港政府正式批准用 95 億港紙,動工起地鐵港島綫,亦否決將電車延長去柴灣嘅計劃。1983年底起好基本隧道結構,工程正式進入高潮。去到1985年5月31號,金鐘站至柴灣站一段正式投入服務,而金鐘站就做咗港島綫同埋荃灣綫嘅轉車站。之後,列車加到八卡。最後喺1986年5月23號,港島綫列車服務正式伸延到中環同埋上環,以上環站做總站,加咗中環站做港島綫同荃灣綫嘅轉車站。

港島綫通車初期,由於車隊唔夠,地鐵曾經一度設金鐘站(金鐘側線)來往太古站(太古側線)嘅短程特別班次,由1985年10月1號開始,所有港島綫列車都來往柴灣。

跟著觀塘綫嘅服務喺1989年10月1號伸延到香港島,鰂魚涌站成為港島綫同觀塘綫嘅轉車站。為咗進一步紓緩鰂魚涌站轉車嘅擠迫情況,政府提出「紓緩鰂魚涌站乘客擠塞工程」,決定擴建北角站,令佢成為當時第二個接駁觀塘綫嘅港島綫車站。工程喺1998年7月正式動工。新起嘅北角轉車月台喺2001年9月27號正式啟用,証實跨月台轉乘設計非常有效,本身喺鰂魚涌站轉車需要4分鐘,而喺北角站大幅縮短到唔使1分鐘。

1998年東涌綫同埋機場快綫正式通車,香港島嘅總站係香港站。地鐵將香港站同中環站用幾條行人自動運輸系統連埋,方便兩條綫嘅乘客轉乘港島綫。隨住將軍澳綫通車,北角站同鰂魚涌站喺2002年8月4號改做同將軍澳綫嘅轉車站。

2005年6月30號,政府批准地鐵起港島綫西延,由港島綫上環站向西延伸,經西營盤香港大學兩個車站,去到堅尼地城總站。港島綫西延喺2009年開始起,2014年12月28號通車,而西營盤站就因為出口未整好延遲到2015年3月29號先啟用。

未來發展[編輯]

北港島綫
內文:北港島綫

若果北港島綫用「換綫」方案落實興建嘅話,將來嘅港島綫將會一分為二,分別撥歸將軍澳綫東涌綫。前者嘅終點站將會設喺堅尼地城站,而後者則到柴灣站為止,但由於需求仍難以興建,因此有關計劃須擱置。

但根據報章喺2008年5月報道,北港島綫將唔會瓜分港島綫路段,屆時將軍澳綫延線落成後,港島綫將會「一軌兩用」,由堅尼地城站嘅列車會開往寶琳站、康城站或柴灣站,當中天后站可以轉北港島綫(東涌綫延線)。而根據中西區區議員阮品強、何俊麒同埋甘乃威指出,港鐵將會響銅鑼灣站(時代廣場)A出口進行擴建工程連接跑馬地,以取代興建跑馬地站。

另外,北港島綫仲有一個方案(「交匯」),就係東延東涌綫、西延將軍澳綫添馬站交匯,將軍澳綫加設銅鑼灣北會展兩個站,最終喺2013年港鐵揀咗交匯方案。

用車[編輯]

全線採用英國製造嘅都城嘉慕電動列車‎‎(M-Train),總共有35列,由8個車廂組成;通車到而家一直採用,並喺1998年至到2001年之間全面翻新。由於車隊中都城嘉慕第2b代列車嘅控流系統同其他英製列車唔同,為咗方便管理同維修,呢啲列車由1985年投入服務到而家都只喺港島線行走。

下行(往堅尼地城 都城嘉慕電動列車‎‎車廂編組 (往柴灣上行
AXXX(單數號碼) - CXXX(單數號碼) - DXXX - B4XX - C4XX - DXXX - CXXX(雙數號碼) - AXXX(雙數號碼)
  • 都城嘉慕電動列車‎‎車廂編組註解:
    • AXXX - 有駕駛室負責操控的動力車廂
    • BXXX - 動力車廂
    • CXXX - 附集電弓的電力車廂
    • DXXX - 拖卡


車站一覽‧接駁路線[編輯]

車站套色同埋名稱 喺邊區 車站接駁 啟用日期
港島綫
柴灣 東區 1985年5月31號
杏花邨
筲箕灣
西灣河
太古
鰂魚涌 將軍澳綫
北角
炮台山
天后 灣仔區
銅鑼灣
灣仔
金鐘 中西區 荃灣綫南港島綫東鐵綫
中環 荃灣綫
可以經香港站東涌綫或者機場快綫
1986年5月23號
上環
西營盤 2015年3月29號
香港大學 南港島綫西段[SIL] 2014年12月28號
堅尼地城
附註
SIL 根據港鐵公司提出嘅南港島綫方案,會起南港島綫東段南港島綫西段,為港島南區提供鐵路服務。南港島綫東段已經喺2016年12月通車,而西段就未確定幾時通車。