觀塘綫

出自維基百科,自由嘅百科全書
跳去: 定向搵嘢
觀塘綫
Kwun Tong Line
↑觀塘綫調景嶺站2號月台↓路線圖

觀塘綫調景嶺站2號月台
路線圖

Kwun Tong Line.svg
17
簡稱 KTL
類別 重型鐵路系統
長度 17.3公里
地區 九龍城油尖旺深水埗、九龍城、黃大仙觀塘西貢
通車日期 1979年10月1號
電化模式 1500伏特直流電
軌距 1432毫米
雙線區間 調景嶺站至何文田站(何文田站至黃埔站係單線區間)
閉塞方式 車內訊號閉塞式(ATP
營運最高速度 每小時80公里
用車 都城嘉慕電動列車(M-Train)
北車長客電動列車(C-Train)

觀塘綫港鐵營運嘅十條路線之一(亦係前地鐵歷史最悠久嘅路綫),由九龍城區黃埔連接西貢區調景嶺。1979年通車時嘅總站係喺觀塘,所以叫呢個名。截至2016年,觀塘綫有17個車站,當中有6個係轉車站(油麻地站旺角站太子站九龍塘站油塘站調景嶺站),而九龍灣站牛頭角站觀塘站藍田站同埋油塘站5個車站係架空/地面車站。觀塘綫列車一列8卡,喺路線圖上面以綠色做代表。

路線圖[編輯]

港鐵觀塘綫路線圖(根據真實地形嚟畫)

歷史[編輯]

港鐵觀塘綫觀塘站2號月台

喺1960年代,香港政府已經想起集體運輸系統(Mass Transit Railway)。而當時規劃上已經有Kwun Tong Line,即係觀塘綫,不過比家下長好多。佢由Western Market,大概係今日嘅上環站,到Ma Yau Tong,大約係今日油塘站。香港島Central站(今日中環站)做轉車站,同Island Line(今日港島綫)轉車,但係唔停Admiralty站(今日金鐘站)。Tsim Sha Tsui站(今日尖沙咀站)、Diamond Hill站(今日鑽石山站)同Shatin Line(接近近年講嘅沙中綫)做轉車站。Tsim Sha Tsui站、Jordan站(今日佐敦站)、Waterloo站(今日油麻地站)、Mong Kok站(今日旺角站)四個轉車站同Tsuen Wan Line(約莫今日荃灣綫)做轉車

不過呢個系統規模大得滯,結果要縮細來搞。

修正早期系統[編輯]

1975年11月,修正早期系統獲准興建。工程歷時四年,1979年10月1號正式通車。修正早期系統(首段)只係有石硤尾站觀塘站嘅一段投入服務,列車只係有四卡。之後修正早期系統繼續擴展,地鐵服務喺1979年12月31號擴展到尖沙咀站。1980年2月12號過海鐵路路段啟用,地鐵列車第一次去到港島中環站),地鐵嘅服務亦都伸延到港島區,全段修正早期系統完工。為咗應付客量增加,列車組由1980年2月16號起加到一列六卡。

荃灣綫[編輯]

1982年4月26號,為咗方便觀塘綫乘客適應喺旺角站轉搭荃灣綫嘅列車過去港島,荃灣綫首段(荃灣↔荔景)同埋太子站嘅轉車月台啟用,並且取代咗原有修正早期系統由中環站至旺角站嘅部份。嗰日開始修正早期系統「一分為二」,荃灣站至中環站命名做荃灣綫,而觀塘站油麻地站就命名做觀塘綫,所有觀塘綫嘅列車會以油麻地站下層月台做總站。

由荃灣綫中環站至佐敦站往觀塘綫嘅乘客要喺旺角站轉車;而由荃灣站至深水埗站往觀塘綫嘅乘客就要喺太子站轉車。

1982年5月,荃灣綫正式啟用,由嗰日開始油麻地站就成為咗觀塘綫嘅終點站,旺角站同埋太子站就成為接駁荃灣綫嘅轉車站。

東區海底隧道[編輯]

1984年,香港政府決定起第二條過海隧道——東區海底隧道。地鐵獲授權興建一條汽車同埋鐵路兩用嘅海底隧道。當隧道喺1989年建成啟用之後,觀塘綫嘅終點站喺同年嘅8月6號伸延到香港島嘅鰂魚涌站;新加嘅藍田站就喺同年嘅10月1號啟用。1986年5月22號,因應客量需求,特別係九龍塘轉車站嘅客量,列車加到去一列八卡,直至而家都係。

將軍澳綫[編輯]

2001年9月27號觀塘綫又被延伸去到香港島嘅北角站。隨住將軍澳綫嘅啟用,2002年8月4號觀塘綫嘅終點站又由香港島改番返去九龍,並且向東延伸以將軍澳綫油塘站作為終點站。同年8月18號,將軍澳綫正式通車,觀塘綫列車最終以調景嶺站做終點站,將軍澳綫正式取代觀塘綫原有由海底隧道至北角站嘅一段。

1984年至今觀塘綫總站變遷示意圖

觀塘綫延伸[編輯]

內文: 觀塘綫延綫

2016年10月23號,觀塘綫由油麻地站延伸至何文田站黃埔站。因為黃埔站得一個月台,繁忙時間兩個站會輪流做終站。港鐵亦都建議往荃灣列車轉乘往何文田/黃埔列車,反之亦然。沙中綫第一期通車之後,乘客將可以喺何文田站轉東西綫

用車[編輯]

觀塘綫有22列英國都城嘉慕所製造嘅列車(M-Train),一列列車8卡(通車初期4卡,喺1980年加到去一列6卡,1986年到而家就加到去一列8卡),喺1998至2001年間全面翻新),間中要抽3列畀將軍澳綫。觀塘綫嘅英國製都城嘉慕列車嘅車卡主要係最早期買落嘅第1代闊門膠車卡,同埋用窄門膠嘅2A、2C同3代車卡。

另外有北車長客電動列車(C-Train)22列,同樣係一列8卡。

下行(往油麻地 都城嘉慕電動列車‎‎車廂編組 (往調景嶺上行
AXXX(單數號碼) - CXXX(單數號碼) - DXXX - B4XX - C4XX - DXXX - CXXX(雙數號碼) - AXXX(雙數號碼)
  • 都城嘉慕電動列車車廂編組註解:
    • AXXX - 有駕駛室負責操控嘅動力車廂
    • B4XX - 操控嘅動力車廂動力推動卡
    • CXXX/C4XX - 附集電弓嘅電力車廂
    • DXXX - 拖卡

車站一覽‧接駁路線[編輯]

車站套色同埋名 喺邊區 車站接駁 啟用日期
觀塘綫
調景嶺 西貢區 將軍澳綫 2002年8月18號
油塘 觀塘區 2002年8月4號
藍田 1989年8月9號
觀塘 1979年10月1號
牛頭角
九龍灣
彩虹 觀塘區同埋
黃大仙區
鑽石山 黃大仙區 沙田至中環綫 (東西走廊)[DIH]
黃大仙
樂富
九龍塘 九龍城區 東鐵綫
石硤尾 深水埗區
太子 油尖旺區 荃灣綫 1982年5月10號
旺角 荃灣綫[MKE] 1982年5月10號[TWL]
油麻地 荃灣綫
何文田 九龍城區 沙田至中環綫 (東西走廊)[HMT] 2016年10月23號
黃埔
附註

TWL 由於觀塘綫而家行經呢一段係屬於荃灣綫嘅新建路段,所以以荃灣綫嘅啟用日期作準。

MKE 旺角站唔係接駁東鐵綫旺角東站嘅車站,但係可以經行人天橋行10至15分鐘到車站。

HMT DIH 根據運輸及房屋局提交嘅沙田至中環綫合併方案,九廣西鐵將連接計劃緊嘅沙田至中環綫嘅東九龍路段同埋馬鞍山綫,成為東西走廊。而家暫時未能落實有關計劃嘅發展日期。