鰂魚涌站
 鰂魚涌站4號月台 | |
| 站名 | |
| 中文名 | 鰂魚涌站 |
| 英文名 | Quarry Bay Station |
| 站代碼 | QUB |
| 基本資訊 | |
| 座標 | 22°17′16″N 114°12′35″E / 22.287841°N 114.209645°E |
| 車站色 | 墨綠色 |
| 途經路線 | 港島綫 |
| 站服務時間 | 0554-0124 尾班車時間 |
| 接駁交通 | 巴士、小巴 |
| 車站結構 | |
| 站類 | 地底 |
| 月台類 | 島式月台 （分離式月台） |
| 月台數 | 4 |
| 出口數 | 3 |
| 其它設施 | 其它無障礙設施 |
| 地圖 | |
 | |
鰂魚涌站（粵拼：zak1 jyu4 cung1 zaam6；英文：Quarry Bay Station）係港鐵港島綫同將軍澳綫嘅轉車站，喺香港島東區鰂魚涌同寶馬山之間嘅地底。本站設有四個月台，並以兩個島式月台排列，所有月台都裝咗月台幕門。本站係最接近東區海底隧道嘅鐵路車站，亦曾經係全港鐵系統中最深嘅車站（深42米）。
車站結構[編輯]
車站樓層[編輯]
| G 大堂 |
英皇道大堂 | A、B出口、行人天橋通往芬尼街 |
| 客務中心、車站商店 | ||
| 恒生銀行、自動售賣機、自動櫃員機 | ||
| 模範里大堂 | C出口 | |
| L1 低層大堂 |
英皇道大堂 | 「iCentre」互聯網中心 |
| 車站通道通往各月台及A、B出口 | ||
| 模範里大堂 | 車站通道通往各月台及C出口 | |
| 客務中心、車站商店、自動櫃員機 | ||
| L2 月台 |
路軌 | |
|
往柴灣 | |
| 島式月台，右邊嘅車門將會打開 | ||
|
往堅尼地城 | |
| 路軌 | ||
| L3 月台 |
路軌 | |
|
往寶琳／康城[1] | |
| 島式月台，右邊嘅車門將會打開 | ||
|
往北角 | |
| 路軌 | ||
車站大堂[編輯]
鰂魚涌站地面有2個唔相連嘅車站大堂，分別位於英皇道近太古坊地底嘅英皇道大堂以及位於模範邨旁嘅模範里大堂。鰂魚涌站啟用嗰時，淨係得一個英皇道大堂畀乘客出入車站，但因應東區海底隧道嘅鐵路延綫興建，鰂魚涌站擴建嗰時另外喺模範里一帶起咗另一個售票大堂畀乘客往返模範邨一帶。模範里大堂喺欣澳站未啟用前，曾經係全香港最細嘅地鐵車站售票大堂。
車站商店及自助服務[編輯]
現時，鰂魚涌站內提供唔同類型嘅鋪頭畀乘客買嘢或食嘢，例如有7-Eleven便利店、餅店及恒生銀行等零售業及其他服務。由於港鐵收費區唔准飲食，因此大部份食肆都唔喺收費區內。
此外，鰂魚涌站亦有唔少自助服務設施畀乘客用，包括恒生銀行及中銀香港嘅自動櫃員機、自動售賣機、自動照相機等。車站內更設有香港郵政郵箱及「iCentre」免費上網服務設施，方便乘客喺車站內投寄郵件同埋上網。
車站月台[編輯]
車站有2層島式月台。上層係港島綫月台，下層係將軍澳綫月台。由於觀塘綫延至鰂魚涌站時，喺該站底層加建下層月台，令嗰個月台層為港鐵車站距離地面最深嘅月台，深達42米，亦令鰂魚涌站成為香港鐵路中海拔最低嘅一個車站。下層月台祇有3條通道往返港島綫，並喺3號月台旁設升降機往返上層。[2]
觀塘綫掉頭隧道（已封閉）[編輯]
鰂魚涌站下層嘅3號及4號月台以西原本有一段掉頭隧道畀觀塘綫列車用，觀塘綫列車喺本站4號月台落客後，就會駛入條隧道，掉頭入3號月台上客。但當「紓緩鰂魚涌轉車站擠塞工程」完工後，觀塘綫喺2001年9月27號起改以北角站為總站，掉頭隧道喺同年11月封閉。
車站出口[編輯]
鰂魚涌站嘅車站出口設計同上環站設計一樣，由兩個獨立大堂組成，兩者冇通道連接。
英皇道大堂（地面）[編輯]
模範里大堂[編輯]
鄰接車站[編輯]
| 港島綫 | ||
| 堅尼地城 - 香港大學 - 西營盤 - 上環 - 中環 - 金鐘 - 灣仔 - 銅鑼灣 - 天后 - 炮台山 - 北角 - 鰂魚涌 - 太古 - 西灣河 - 筲箕灣 - 杏花邨 - 柴灣 | ||
| 將軍澳綫 | |||||
| |||||
接駁交通[編輯]
- 電車
- 城巴：
- 19P、77、77A、77X、85、85A、99、99X、X8、A12、N8X、N72、NA12
- 新世界第一巴士：
- 2、2A、8H、18X、33X、81、81A、82、82X、722、N8
- 過海隧道巴士：
- 102、102P、106、106A、106P、116、307P、606、606A、608、613、613A、678、682、682A、682B、682C、682P、682X、933、948E、952C、960B、960X、962C、969C、976、976A、982C、986、988、989、N122
- 港島專線小巴：
- 33、65A、68、69
利用狀況[編輯]
鰂魚涌站啟用初期，車站只有英皇道出口及行人天橋通往鰂魚涌工業區，得返工放工才有人流。由於鰂魚涌站啟用時，香港經濟同時轉型，唔少工業北移中國大陸，一度令鰂魚涌工業大廈紛紛改建，人流曾經不斷下降，加上鰂魚涌站鄰近一帶只有工業大廈，冇乜大型屋宇支持，一天黑車站變得更加冷清。
後來，東區海底隧道落成，觀塘綫延至呢個站為終點站，地鐵為紓緩荃灣綫人流，推出「彈性上下班」計劃，吸引乘客使用鰂魚涌站轉車通道，乘客喺呢啲時段用呢個站轉車往中區更提供特別優惠，令人流大增。由於當時重未有八達通，而係用通用儲值車飛，地鐵公司喺三條轉綫隧道旁邊安裝特別嘅「驗票機」，等繁忙時間用鰂魚涌站嘅乘客可以利用呢個機來扣減車費。加上當時大部份工業大廈經已改建為太古坊商業區，同時亦加設模範里出口，因此用鰂魚涌站嘅乘客不斷增加。喺「紓緩鰂魚涌轉車站擠塞工程」落成前，轉車通道甚至出現飽和現象。
現時每日有好多乘客用呢個站，尤其係轉車乘客，往返九龍東或將軍澳及港島綫往太古至柴灣沿途各站，令呢個站成為一個繁忙嘅轉車站，但有部份乘客會用北角轉車，以避免途徑冗長嘅行人通道。
車站歷史[編輯]
早期系統及港島綫（1967-1985）[編輯]
原本喺1970年代港島綫定線嘅初稿中，並冇鰂魚涌站。只有一個名為「芬尼站」嘅地下車站設喺現時鰂魚涌街附近。1980年，由於政府修改地下鐵路發展藍圖，喺康山地底加設「康山站」（即現時太古站）。因此芬尼站附近進行填海工程，用嚟發展工業區，故此芬尼站列入後期興建車站。
1983年，由於政府再次修改鰂魚涌發展藍圖為商業區，以配合太古地產喺太古船塢發展太古城大型住宅項目，所以芬尼站同七姊妹站合併，並改叫「鰂魚涌站」，港島綫第一期同時興建。1985年5月31號港島綫通車，車站啟用。
東區海底隧道（1984-1989）[編輯]
1984年初，政府有意發展東區海底隧道，作為行車同埋鐵路兩用隧道，其中鐵路部份以地鐵觀塘綫延伸至香港島。原計劃觀塘綫喺太古站和港島綫交匯，但因為要遷就行車隧道嘅走線，地鐵當局只能大幅度改建鰂魚涌車站成為一個「十」字形轉車站，乘客要行幾數分鐘至轉到車。有關工程喺1986年6月開始搞，而由1989年8月6號起，觀塘綫延至鰂魚涌，鰂魚涌站成為觀塘綫嘅終點站。
紓緩鰂魚涌轉車站擠塞工程（1998-2001）[編輯]
由於先天技術所限，鰂魚涌站轉綫通道嘅擠塞情況非常嚴重。1998年，地鐵起將軍澳綫時，同時推行「紓緩鰂魚涌轉車站擠塞工程」，決定將觀塘綫由鰂魚涌站延伸到北角站。為統一地鐵系統嘅上下行月台冧巴，由2001年9月27號起，將3號月台（上行月台）及4號月台（下行月台）冧巴掉轉，以符合第時將軍澳綫嘅上下行編排。2001年9月27號，觀塘綫延至北角站，鰂魚涌站成為觀塘綫嘅中途站。同日起，觀塘綫越位隧道停用。
將軍澳綫（2002）[編輯]
2002年8月4號，將軍澳綫局部通車，取代觀塘綫過海地位，原屬觀塘綫嘅北角站及鰂魚涌站改屬新嘅將軍澳綫。
將軍澳綫新行車模式[編輯]
為配合康城站喺2009年7月26號啟用，將軍澳綫喺7月19號開始實施新行車模式。繁忙時間（平日上下晝、星期六上晝）列車以四班做一組，每隔2分30秒一班，頭三班列車將來往寶琳站，第四班就來往康城站。四班列車聯合服務將軍澳站至北角站一段路線，實際上係加密咗班次，但係去寶琳站同坑口站嘅列車就減少，等車時間亦會長咗。
而喺非繁忙時間、星期日及公眾假期，若果乘客要去康城站，要喺調景嶺站或者將軍澳站轉康城穿梭列車。
上一站‧下一站[編輯]
| 上一站 | 港鐵 | 下一站 | ||
|---|---|---|---|---|
往堅尼地城
|
港島綫 | 往柴灣
|
||
總站
|
將軍澳綫 | 往寶琳
|
||
| 將軍澳綫 繁忙時間康城站班次 |
往康城
|
列車班次[編輯]
| 月台 | 方向 | 列車班次（分鐘） | 頭班車 | 尾班車 | |||||
|---|---|---|---|---|---|---|---|---|---|
| 平日上晝 繁忙時段 |
平日下晝 繁忙時段 |
星期六上晝 繁忙時段 |
星期六下晝 繁忙時段 |
星期六 非繁忙時段 |
平日非繁忙時段/ 星期日及公眾假期 | ||||
|
|
|||||||||
|
|
|||||||||
|
|
|||||||||
|
|
|||||||||
註釋[編輯]
- ↑ 非繁忙時間要喺調景嶺或者將軍澳轉穿梭列車去康城站
- ↑ MTR之今昔 鰂魚涌站車站結構圖