荔枝角站

出自維基百科,自由嘅百科全書
跳去導覽 跳去搵嘢
茘枝角
Lai Chi Kok
Lai Chi Kok Station 2014 04.JPG
荔枝角站1號月台
站名
中文名茘枝角站
英文名Lai Chi Kok Station
站代碼LCK
基本資訊
途經路線荃灣綫
站服務時間0601-0121
接駁交通巴士、小巴
車站結構
站類地底
月台類1島式月台
月台數2
出口數4
其它設施其它無障礙設施
地圖
荔枝角站大堂
荔枝角站2號月台
荔枝角站A出口

茘枝角站粵拼lai6 zi1 gok3 zaam6英文Lai Chi Kok Station)係港鐵荃灣綫嘅一個鐵路車站,位於九龍深水埗區長沙灣長沙灣道工商貿區地底,喺1982年5月17號啟用。車站設有2個月台。

荔枝角站雖然叫做「茘枝角」,但唔喺荔枝角,係喺長沙灣。車站用咗橙紅色做主要色調,喺車站出入口就用粉紅色做主調。

車站結構[編輯]

車站樓層[編輯]

地面 - 出口、公共運輸交匯處
L1
大堂
大堂 客務中心、車站商店
恒生銀行、自動售賣機、自動櫃員機
L2
月台
往中環
島式月台,右邊嘅車門將會打開
往荃灣

車站月台[編輯]

荔枝角站設有2個月台,各月台都裝有月台幕門。1號和2號月台係一個島式月台,起喺長沙灣道地底,處理荃灣綫往荃灣方向列車,和荃灣綫往中環方向。

車站大堂[編輯]

荔枝角站屬於中型車站,荔枝角站位於工商貿區,平日有一定人流,所以前地鐵公司(家下港鐵公司)喺2007年開始進行車站翻新工程,更換車站內燈光系統同埋為車站商店、客務中心進行翻新,以及增建升降機等。

現時,荔枝角站內提供唔同類型嘅商店畀乘客買嘢,例如有7-Eleven便利店麵包糕餅店時裝店外賣店旅行社恒生銀行零售業服務業,增加港鐵公司非車務收入同埋方便乘客買嘢。而車站現正進行翻新工程,包括更換大堂同月台嘅地板,係港鐵市區綫中唯一一個全車站更換地板嘅工程,而喺車站月台增加配電站工程亦即將完工。

此外,站內有唔少自助服務設施畀乘客享用,包括恒生銀行中銀香港自動櫃員機、及自動售賣機等。車站內更設有香港郵政郵箱,方便乘客寄信。

車站出口[編輯]

荔枝角站設有4個車站出口,出口主要連接長沙灣工貿區同埋鄰近嘅住宅區,部份出口近住主要街道公共運輸交匯處,方便乘客轉乘唔同交通工具

  • A - 長沙灣廣場
  • B - 大南西街
  • C - 通洲西街
    • 青山道、安泰大廈、香港工業中心、荔枝角懲教所、荔枝角收押所、潮流工貿中心、通洲西街、通源工業大廈
      • 設有輪椅輔助車服務往返地面設有輪椅輔助車服務往返地面
  • D - 長荔街
    • D1 - 長荔街
    • D2 - 長善街
    • D3 - 昇悅居(呢個出入口喺昇悅居商場室內,比較特別嘅係個站牌只有『荔枝角站 Lai Chi Kok Station』字樣,但係就冇顯示港鐵標誌,全港得呢個出入口係噉)
    • D4 - 宇晴軒、碧海藍天、泓景臺、海麗邨

鄰接車站[編輯]

編輯 荃灣綫
中環 - 金鐘 - 尖沙咀 - 佐敦 - 油麻地 - 旺角 - 太子 - 深水埗 - 長沙灣 - 茘枝角 - 美孚 - 茘景 - 葵芳 - 葵興 - 大窩口 - 荃灣


接駁交通[編輯]

  • 九巴:
    • 2B - 竹園邨 ↔ 長沙灣
    • 2F - 慈雲山(北) ↔ 長沙灣
    • 30 - 荃威花園 ↔ 長沙灣
    • 72 - 太和 ↔ 長沙灣
  • 其他路線:2A、6、6C、30X、31B、32、33A、35A、36A、36B、37、40、41、42、42A、43C、44、45、46、52X、58X、59A、59X、60X、66X、67X、68X、69X、86、98C、234X、238X、265B、286X
  • 城巴:
    • A20、E21、E21A
  • 過海隧道巴士:
    • 102、171、904、905
  • 專線小巴:
    • 44A - 海麗邨 ↔ 荔枝角站(循環線)(八達通轉乘優惠)
    • 97A - 長沙灣 ↔ 華景山莊

利用狀況[編輯]

荔枝角站啟用初期,由於車站設於長沙灣工貿區,因此平日時間(即星期一至星期五全日,星期六上午及下午)都有唔少乘客返放工同交收貨物,非常繁忙,而且茘枝角站係最近深水埗運動場嘅港鐵站,所以亦有唔少參加陸運會嘅學生使用。西九龍新填海區屋苑或屋邨(泓景臺昇悅居宇晴軒海麗邨等)入伙,使部份居民利用車站搭港鐵前往市區。而且附近設有成衣批發嘅購物中心,加上新落成同起緊嘅新式商業大廈酒店,都令荔枝角站人流不斷上升。

不過唔少路經此站嘅速遞員都鋌而走險,搬緊重物嗰陣用普通閘機,甚至推住手推車用扶手電梯,情況令人關注。

車站歷史[編輯]

地底集體運輸系統路綫圖1967年建議方案。圖中「長沙灣」即而家「荔枝角站」

荔枝角站位於九龍西深水埗以北至美孚新邨以南一帶嘅一片嘅19世紀末填海土地上嘅北面。原本係一個長長嘅沙灘及海邊,故此地名叫長沙灣。

荔枝角站A出口原本喺長沙灣道行人道旁邊,當「長沙灣廣場」落成之後,該出口搬到建築物內,即係而家嘅位置。

車站名[編輯]

荔枝角站計劃嗰時原名長沙灣站,但因當時長沙灣站用咗個名,最後先依該區西部嘅荔枝角改名荔枝角站。然而,嚴格嚟講,車站位置唔喺荔枝角,而係喺成個長沙灣西北面,而長沙灣廣場同深水埗運動場都係接近荔枝角站,唔近長沙灣站。因此,唔少市民誤以為荔枝角站喺荔枝角中心地帶而落錯車。另一方面,美孚新邨以東嘅山頭先係真正嘅荔枝角。因為咁,部份人誤以為呢個站一帶係荔枝角一部份。

「荔」與「茘」[編輯]

另一方面,荔枝角站個「荔」字(下面係三個「力」字),喺站內範圍被寫成「茘」字(下面三個「刀」字)。有傳聞指係因為當時承辦興建地鐵工程嘅日本財團,製作車站名嘅字型時,未有留意到「荔」嘅中文漢字日文漢字寫法唔同,所以用咗「茘」呢個日文漢字寫法。而另一種說法係指「茘」呢種寫法喺舊時先係正寫,例如喺《康熙字典》中查到,所以當時先用咗「茘」而唔係而家正寫「荔」。


上一站‧下一站[編輯]

上一站   港鐵   下一站
荃灣綫

列車班次[編輯]

月台 方向 列車班次(分鐘) 頭班車 尾班車
平日上晝
繁忙時段
平日下晝
繁忙時段
星期六上晝
繁忙時段
星期六下晝
繁忙時段
星期六
非繁忙時段
平日非繁忙時段/
星期日及公眾假期
荃灣
2.0
2.5
4-5.5
3.1-5.5
0624
0111
中環
0611
0041