九龍站 (香港)
 九龍站外觀 | |
| 站名 | |
| 中文名 | 九龍站 |
| 英文名 | Kowloon Station |
| 站代碼 | KOW |
| 基本資訊 | |
| 車站色 | 灰色／白色 |
| 途經路線 | 東涌綫 |
| 站服務時間 | 0543-0120 尾班車時間 |
| 接駁交通 | 巴士、小巴 |
| 車站結構 | |
| 站類 | 地底 |
| 月台類 | 東涌綫-島式月台 機場快綫-側式月台 |
| 月台數 | 4 |
| 出口數 | 6 |
| 其它設施 | 其它無障礙設施 |
| 地圖 | |
 | |
九龍站（粵拼：gau2 lung4 zaam6；英文：Kowloon Station）係港鐵東涌綫同機場快綫嘅一個站，位於油尖旺區嘅西九龍填海區雅翔道，處於屯馬綫柯士甸站以西。
九龍站有機場快綫市區預辦登機嘅服務，趕時間嘅旅客可以喺九龍站搞定登機手續先，之後就坐機場快綫到機場直接上機。
2009年九龍南綫通車之後，九龍站同東面嘅屯馬綫柯士甸站唔係正式嘅轉車站，乘客喺兩站間轉乘，無論用八達通定係單程車票，都當兩段車程處理，並要畀再入閘收費。乘客要喺南昌站轉車，先會有再入閘收費調減。至於機場快綫嘅乘客喺九龍站同柯士甸站之間轉車會有「免費港鐵接駁服務」，乘客可以喺本站出閘後經A或C1出口行去柯士甸站；如果持有承認乘搭機場快綫有效憑證，亦可以搭機場快綫穿梭巴士K1線，去柯士甸站免費轉屯馬綫。
車站結構
[編輯]車站樓層
[編輯]九龍站係機場快綫及東涌綫嘅車站，一共有9層，其中有6層屬於車站範圍公共開放部份，U5層有連接Union Square車站出口同埋空中花園，U3層有連接圓方嘅出口，而G層有機場快綫市區預辦登機大堂及東涌綫大堂，L2層有機場快綫大堂及月台，L4層有東涌綫月台。另外有1層密閉空間原本做東部走廊（東九龍綫 (舊)）嘅預留樓層。由於車站同上蓋綜合發展項目Union Square結合成同一建築物，所以車站大部份位置都同上蓋物業相連。
| U5 中庭 |
上蓋物業 | 出口、Union Square、圓方、空中花園 |
| 漾日居、擎天半島、君臨天下 | ||
| 凱旋門、天璽、環球貿易廣場 | ||
| U4 圓方 |
東涌綫大堂 | 出口（升降機）、圓方 |
| U3 圓方 |
機場快綫大堂 | 出口、圓方 |
| 東涌綫大堂 | 出口、圓方 | |
| G 地面 |
機場快綫 市區預辦登機 |
客務中心、落客區、市區預辦登機服務、警崗 |
| 車站商店、行李寄存、自動售賣機、洗手間 | ||
| 東涌綫大堂 | 出口、客務中心、車站停車場、洗手間 | |
| 機場快綫穿梭巴士站、公共運輸交匯處 | ||
| 車站商店、恒生銀行、自動照相機、自動櫃員機 | ||
| L2 月台 |
機場快綫大堂 | 客務中心、落客區、洗手間 |
|
往博覽館 | |
| 路軌 | ||
| 路軌 | ||
|
往香港[1] | |
| 機場快綫大堂 | 客務中心、的士站、車站商店、洗手間 | |
| L4 月台 |
|
往東涌 |
| 島式月台，右邊嘅車門將會打開 | ||
|
往香港 | |
| 密閉空間 | - | 東部走廊（東九龍綫）預留結構 |
車站大堂
[編輯]九龍站共設有3個大堂，包括機場快綫市區預辦登機服務大堂、機場快綫大堂同東涌綫大堂。
機場快綫市區預辦登機服務大堂－主要為乘客預先辦領登機証同付運行李，旅客只須喺登機前一日至飛機起飛前90分鐘內先喺九龍站預先辦理登機手續，然後搭機場快綫去香港國際機場直接上機，乘客唔需要再喺機場登機櫃檯等候，不過乘客必須預繳車資先至可以用呢個服務。大堂設有航班顯示屏、行李寄存服務同埋車站商店，並同圓方商場相連，乘客可以知道即時航班資訊，亦可以買嘢同食嘢。
東涌綫大堂－大堂位於九龍站建築群地面，連接九龍站建築群同東涌綫月台，車站大堂內設有扶手電梯同升降機直接往返東涌綫月台。
車站商店及自助服務
[編輯]九龍站有唔同類型嘅商店，例如有7-Eleven便利店、麪包鋪、快餐店、咖啡店、書店等零售業及恒生銀行同埋行李寄存等服務。港鐵收費區唔准飲食，因此大部份食肆都唔喺收費區內。
此外，九龍站有唔少自助服務設施，包括恒生銀行及中國銀行（香港）嘅自動櫃員機、自動販賣機、自動照相機等。
九龍站市區預辦登機服務大堂及東涌綫大堂（G）、機場快綫大堂及月台（L2）、東涌綫月台（L1）設有由電訊盈科免費提供嘅Wi-Fi熱點，乘客可以喺等車時用手提電腦或個人數碼助理（PDA）上網。另一方面，由於機場快綫大堂為旅客而設，因此市區預辦登機服務大堂及機場快綫大堂嘅非收費區設有公眾洗手間畀乘客使用。
車站商店[編輯] |
自助服務[編輯] |
車站出口
[編輯]九龍站設有6個出口，其中C及D出口位於圓方同Union Square嘅建築群內，而圓方商場更連接行人通道及佐敦道行人天橋，方便乘客前往公共運輸交匯處或渡船角一帶。而A及B出口就位於車站東涌綫大堂嘅地面，分別去車站停車場或機場快綫穿梭巴士站，同層嘅市區預辦登機大堂上落客區亦可通去西區海底隧道巴士站或西九龍海濱長廊。
東涌綫大堂（G）
[編輯]- A - 車站停車場
- 車站停車場
- B - 機場快綫穿梭巴士
- 機場快綫穿梭巴士站
- C - 圓方／環球貿易廣場
- D - 圓方／環球貿易廣場
- D1 - 圓方
- D2 - 環球貿易廣場、公眾休憩空間、擎天半島、凱旋門、君臨天下、港景匯、漾日居
市區預辦登機大堂（G）
[編輯]車站周邊
[編輯]主要大廈及購物中心
[編輯]
交通
[編輯]
鄰接車站
[編輯]| 東涌綫 | ||
| 香港 - 九龍 - 奧運 - 南昌 - 荔景 - 青衣 - 欣澳 - 東涌 | ||
| 機場快綫 | ||
| 香港 - 九龍 - 青衣 - 機場 - 博覽館 | ||
| 屯馬綫 | ||
| 屯門南 - 第16區 - 屯門 - 兆康 - 洪水橋 - 天水圍 - 朗屏 - 元朗 - 錦上路 - 荃灣西 - 美孚 - 南昌 - 柯士甸 - 尖東 - 紅磡 - 何文田 - 土瓜灣 - 宋皇臺 - 啟德 - 鑽石山 - 顯徑 - 大圍 - 車公廟 - 沙田圍 - 第一城 - 石門 - 大水坑 - 恆安 - 馬鞍山 - 烏溪沙 | ||
接駁交通
[編輯]九龍站喺起嗰陣已經規劃做一個綜合嘅車站建築群，喺Union Square地面設有公共運輸交匯處，當中設有多條巴士及小巴路線往返港九各區。喺圓方商場旁邊，更設有跨境巴士路線去深圳嘅管制站同深圳寶安國際機場。而車站地面亦設有上落客區及穿梭巴士站，喺機場快綫月台旁設有的士站，方便往返香港國際機場嘅旅客使用。當中持有承認乘搭機場快綫有效憑證下可免費享用機場快綫穿梭巴士往返九龍各間酒店，或者用八達通卡免費轉港鐵去其他車站。車站同時設有停車場，乘客可以揸車去九龍站停車場泊車，然後再轉機場快綫往返香港國際機場。
喺九龍站側邊設有西區海底隧道巴士站，有各條過海巴士線前往香港島。而九龍站北面就設有西九龍站巴士總站，有一系列巴士路線往返九龍新界各區，方便乘客喺九龍站轉其他交通工具。
- 九巴
- 過海隧道巴士
- 900、904、905、905A、905P、907B、907C、914、914P、914X、930、930A、930B、930X、933、934、934A、935、936、936A、948、948A、948B、948E、948P、948X、952、952C、952P、960、960A、960B、960C、960P、960S、960X、961、961P、961S、962、962A、962C、962G、962P、962X、967、967X、968、968A、968X、969、969A、969B、969C、969P、969X、970、970X、971、973、976、976A、978、978A、978B、980A、980X、981P、982C、982X、985、985A、985B、988、989、A10、A11、A12、A17、E11、E11A、E11B、E11S、P960、P968、X962、X970、969N、N930、N952、N962、N969、NA11、NA12
- 中港通跨境巴士
- 九龍站 ↔ 深圳灣口岸 ↔ 深圳寶安國際機場（西部通道快線）
利用狀況
[編輯]雖然九龍站係機場快綫同東涌綫嘅轉線站，但由於佢嘅位置遠離市中心同周圍冇乜大型設施，所以客量一直偏低。直至上蓋物業、圓方、文化休閒設施同高鐵西九龍站開幕之後，人流開始上升；而家喺星期六日同公眾假期，有唔少乘客用本站出入。喺除夕日，有大批市民會由佐敦附近前往九龍站前面或匯翔道（維多利亞港旁）附近倒數迎接新一年，之後大批民眾都會經九龍站前往港島、青衣、東涌及新界西北（喺南昌站轉屯馬綫），該站都會超出負荷。
車站歷史
[編輯]車站命名
[編輯]九龍站喺起嗰陣叫做西九龍站，以反映服務西九龍區，後來先縮短叫九龍站。
東九龍綫
[編輯]喺1991年進行嘅「機場鐵路可行性研究報告」中，有關方面打算將東九龍綫 (舊)嘅總站由上環改喺九龍，方便乘客轉坐東涌綫。喺設計九龍站時，就響該站最底嗰層嘅東涌綫月台下預留咗一個大約 1.3 米高嘅空置樓層，以便喺興建東九龍綫月台嗰陣時，能夠利用呢個空間進行同東涌綫月台嘅連接工程，避免影響列車運作同埋車站結構。後來隨住鐵路興建優先次序同埋定線改變，加上九龍站東南嘅九龍角填海計劃擱置，而且柯士甸站亦取代咗預留月台嘅地位，令呢個預留樓層可以用返嘅可能性極低。
九龍南綫
[編輯]屬於九龍南綫工程項目同埋近住九龍站嘅柯士甸站響2009年8月16號通車。由於兩站之間暫時冇直接嘅行人通道連接，兩站乘客轉綫必須途徑圓方、匯翔道或佐敦道行人天橋往返兩站，情況同而家旺角站同埋旺角東站嘅連繫相似，由柯士甸站經無障礙通道同埋佐敦道天橋行去機場快綫或東涌綫月台需時約10分鐘。
廣深港高速鐵路
[編輯]廣深港高速鐵路嘅香港西九龍站喺2018年9月23號啟用之後，乘客可以由九龍站去西九龍總站轉高速鐵路，前往中國大陸，亦將設有行人隧道連接九龍站同柯士甸站，但仍唔會提供東涌綫同西鐵綫之間嘅八達通一程車程轉乘。
上一站‧下一站
[編輯]| 上一站 | 港鐵 | 下一站 | ||
|---|---|---|---|---|
總站
|
東涌綫 | 往東涌
|
||
總站
|
機場快綫 | 往博覽館
|
||
| 總站 | 廣深港高速鐵路 喺香港西九龍站度轉 |
往廣州南
|
||
往屯門
|
屯馬綫 喺柯士甸站度轉 |
往烏溪沙
|
列車班次
[編輯]| 月台 | 方向 | 列車班次（分鐘） | 頭班車 | 尾班車 | |||||
|---|---|---|---|---|---|---|---|---|---|
| 平日上晝 繁忙時段 |
平日下晝 繁忙時段 |
星期六上晝 繁忙時段 |
星期六下晝 繁忙時段 |
星期六 非繁忙時段 |
平日非繁忙時段/ 星期日及公眾假期 | ||||
|
|
|||||||||
|
|
|||||||||
|
|
|||||||||
|
|
|||||||||
