旺角

出自維基百科,自由嘅百科全書
旺角街市

旺角粵拼wong6 gok3英文Mongkok,又稱望角,舊名芒角,近年亦叫做MK)係喺香港,亦係一海角,喺九龍半島中部,入油尖旺區。今角已沒入填地。地內新舊樓混雜;舊樓嘅地鋪,有唔少餐廳。以彌敦道為界,購物中心集中喺東面,住宅區喺晒西面。旺角嘅交通非常發達,有巴士鐵路,又有公共小巴。而假日嘅彌敦道以東一帶重成日會有好多人行。

旺角嘅人口密度極高。根據《健力士世界紀錄大全》,旺角係全球人口密度最高嘅地區,平均密度每平方公里有十三萬人。

歷史[編輯]

旺角古時叫做芒角,因為嗰度芒草叢生,地形好似一隻牛角伸咗入海嗰度咁,所以啲人叫嗰度做芒角嘴,附近嘅村落就得咗芒角村呢個名。2004年5月喺通菜街豉油街鬧市交界嘅一個深度只有兩米嘅渠務地盤裏面,發掘咗好多東漢晉朝唐朝嘅陶器以及製陶工具出嚟,即係話喺千幾年前,已經有人住喺旺角。

芒角村喺而家嘅洗衣街附近,以前多數都係種菜、種花、養豬同養雞。不過自從1860年,芒角跟住九龍半島割讓畀英國之後,芒角村嘅村民就開始將自己種嘅花、蔬菜同自己養嘅禽畜拎去港島賣。當時嘅人多數坐蜑民嘅船過海,但係啲蜑民成日將個「芒」讀咗做「望」。到咗一九零九年,香港政府開始呢度填海,起咗個避風塘,而附近亦開始有碼頭馬路。二十世紀二三十年左右,望角又見芒角、旺角混用,旺就係興旺咁解。嗰時嘅旺角重係一個工業區,四周圍都係製煙廠、棉織廠同五金廠。不過旺角嘅英文譯名「Mong Kok」冇改過,而家重有啲水上人鍾意叫旺角做望角

旺角彌敦道以西嘅地方都係填海得來。而家嘅新填地街喺1950年代嗰陣重係海邊嚟。不過今時今日,旺角呢個地方,正如佢個名一樣,已經成為咗一個好旺嘅購物區同住宅區嘞。

特色[編輯]

旺角有好多特式街道:

  • 女人街——即係通菜街,喺登打士街亞皆老街之間嘅一段。因為有好多賣服裝、化妝品、擺設之類嘅女人嘢而咁叫。
  • 雀仔街——即係康樂街,因為有好多賣雀鳥嘅鋪頭而咁叫。康樂街喺1998年因市區重建而清拆,好多鋪頭安排搬到旺角火車站附近嘅園圃街雀鳥花園,而原本嘅地方就起咗一座「朗豪坊」。「朗豪坊」包括一間五星級嘅「朗豪酒店」、一幢寫字樓同埋一座樓高十幾層,附設電影院、百貨公司同埋食肆嘅大型購物商場。
  • 波鞋街——即花園街其中一段,因為有好多賣運動鞋嘅鋪頭而咁叫。
  • 金魚街——通菜街一段,因為有好多賣飼養魚嘅鋪頭而咁叫。
  • 花墟道——因為有好多批發及零售花卉嘅鋪頭而咁叫。
  • 西洋菜南街——同女人街並排而立,有好多專賣潮流服飾、電子產品同埋小食嘅鋪頭,係其中一個深受香港後生仔女歡迎嘅消費熱點。
  • 登打士街——女人街尾同西洋菜街南尾嗰度,周街都係賣小食嘅鋪頭,同埋有好多樓上咖啡店,亦係深受香港後生仔女歡迎嘅地方之一。
  • 槍街——即廣華街,因賣氣槍同埋軍用品店舖林立而得名,同接連嘅仁安大廈商場並名為槍街,係本港WARGAME愛好者必到熱點。
  • 花墟道——因賣花(批發零售)嘅舖頭林立而得名。

旺角亦有好多商場: 朗豪坊新世紀廣場旺角電腦中心信和中心好景商場星際城市先達廣場旺角中心Chic之堡、潮流特區、旺角新之城、兆萬中心、皆旺商場、瓊華中心

旺角多數賣潮流物品、格仔舗,同埋有潮人潮物v月光寶盒,成日去旺角玩嘅人會被稱為「MK人」,即Mong Kok 嘅簡稱。

交通[編輯]

主要交通幹道[編輯]

公共交通[編輯]

九巴新巴城巴、過海隧道巴士、跨境巴士
  • 小巴
    • 綠色專線小巴
    • 綠色通宵專線小巴
    • 紅色公共小巴

睇埋[編輯]