金魚街係香港旺角一條商業街，其實即係通菜街近弼街一段，全段約三百公尺長，賣各種觀賞魚同有關養魚日用品為主。而且擺賣方式幾搶眼，好多鋪頭嚮門拆貨，分銷入透明膠袋仔，打氧氣，一包包七彩觀賞魚毛仔，嚮袋外面用箱頭筆寫價錢。客人選購明碼實價10蚊廿蚊清楚又方便。所以吸引唔少睇金魚同養金魚同志幫襯。
另外，鍾意養小動物嘅，都有去金魚街，因為金魚街都有有腳寵物賣。好似狗仔、貓仔、龍貓、鼠類同兔仔咁。例如爬蟲類蜥蜴、蛇、龜、蛙同蝎子咁時興都有。
呢篇文講香港嘅金魚街。想搵廣州消失咗嘅金魚街嘅話，請睇書坊街。
