香港道路
香港道路，香港街道，講香港可以行車行人行車單等通道。而據統計，香港有名無名街道，有四千條以上[1]。總長度過二千公里，新界咁大，佔一半有多。香港同九龍各佔四分之一，較為密集[2]。香港交通實情三維，隨咗地面，重有上下層，有過千行車天橋，有千行人天橋同隧道[2]。街道有唔同衙門理，日常管理，建設主要路政署，車牌同監察就運輸署，執法就警務處，街道清潔食環署。另外，香港承襲英國制度，所用文字亦要同本地文字磨合對應。
講述之前，要搞清楚意思。
- 道同路，通常指去得遠，為咗駁通兩地而起，明顯主要。道同路可以互相交換用。習慣上英國管治香港之前通道，叫古道，如荃元古道。
- 而街，通常短，兩邊都舖頭，因而人來人往。用十字路口做標誌。香港傳統村落，村內多舖頭嗰條叫街或者大街。好似赤柱大街，如大澳吉慶街。
- 道路，道同路近義字合稱。傳統上去又長又遠，例如古詩有句，道路阻且長[3]。現代中同英文字road相似，一般名字見英文叫road，就等同道路。
- 街道，街同道合稱，唔理長短，包羅一切。好似街道圖。呢個字如同英road and street，但狹義單同英文street對應，即使英文都street有時都包含road。街道有時廣義，有時狹義。
現實無得咁斬釘截鐵，字義邊界本來就模糊。道同路，都可因都市擴張而商舖林立。而街亦可畀人拉長到無雷公咁遠。其他名稱，林林種種。當中有橋，亦有隧道，長就穿山過水，短嘅畀人過馬路，免得人車爭路。現代有所謂幹綫，統合車路並且編號，分成十條，貫通全港。香港北岸市區地帶，有電車喺貫通東西，亦算街道特色。
香港行車方向靠左駛，揸右呔車為主，承襲自英國習慣，同英聯邦，同澳門，同日本，同泰國一樣。其餘就近地方就唔同，佢哋同美國一樣。好似駕車過深圳、珠海，就要變靠右駛。
香港過往容易大塞車，因而有種種街道設計同政策。
- 首先推動人用公共交通，政策上加重駕車人負擔。建立完善公共交通網，地下鐵路、火車優先，巴士、小巴依附鐵路網絡。香港有大量巴士站，甚至有啲巴士專用綫。
- 奉行人車分隔[4]，並避人行入行車道，以增加汽車流速。馬路用長長欄河欄住，而且愈來愈多[5][6]。推行要人上行人天橋或者行落行人隧道。有啲交通燈，要過路者自己㩒先會轉燈。大舉捉人唔依交通燈過馬路等。
- 市區好多馬路唔畀停車，引入單黃綫同雙黃綫等控制街邊停車泊車。將雙程路轉化成單程路，減少路複雜流向，同樣會加快汽車流速。
- 同埋，二十世紀九十年代打後，大量高速公路落成，大塞車少咗好多。多車時好少長時間塞死晒，頂多慢車行駛。
- 政府多年來反覆想推行電子道路收費計劃，以限制車駛入市中心，不過爭義亦好大。
有時亦為旅遊同零售，設立行人專用區，有時啲人喺上面表演之類。
設計上，行車道兩邊有雨水渠，以供疏水，防止水浸。並而定期有人掃街、洗街，以免塞渠口水浸。另外許可之下，亦有種樹，有高有矮。一來睇來養眼啲，二來密集樹叢，阻止人分隔區逗留。
命名
[編輯]街道眾多，改名並唔係易事，要明確又要減少撞名。名呢樣跟主政者喜好，亦反映時代變遷同市民生活變化[7]。未開埠之前，村落街名約定俗成。英治早期街道好多用香港總督、官員命名，亦有用英國主要人物，或者船名地名。亦有啲唐人士紳命名，或者各行各業而命名。
後來有啲有系統命名，好似新蒲崗就數數夾意頭。另稱新蒲崗八街。大角嘴就用樹名命名。九龍塘就用英國郡名。觀塘工業區就用啲生意好意頭字。而英國流行成個新區用就近地名命名，亦反映喺香港衞星城市，好似荃灣以村名系統咁命名街名，而沙田火炭亦用咗一樣方法。後尾就流行用某隻字開頭，命名成區街道，好似青衣唔少街名，以青字開頭。當中至極端有天水圍所有街道，以及公共屋邨、居屋，一律以天字頭。
現今準則
[編輯]香港街道命名，權自地政總署署長，根據香港法例再權地政總署助理署長（測繪事務）去做。地政總署指引，有後面準則。
- 考慮市民慣用語名稱
- 參考地方名稱同特徵，現有街道延長，一般用返個名
- 考慮字面含義、語音效果、同附近街名係咪協調
- 同現有街道名係咪重複，或者相似
- 名要避免爭議，唔能同環境唔合
- 姓名，機構組織名，一般唔採用
唐名同英文名，一般英文用唐名譯音，而非意譯。除非英文音譯太長太累贅，或者撞名。而街名接尾字之類，就用意譯，南、北等方向，都用意譯[8][9]。任何機構、政府部門，以至市民，都可以向地政總署提議。
程序
[編輯]- 地政總署轄下測繪處接到香港特別行政區政府部門或公眾建議。首先實地視察，核對名，對照測繪處同香港郵政的數據庫，避免重複或近似，準備憲報草圖
- 測繪處會徵詢意見，問相關政府部門，好似法定語文事務部、差餉物業估價署、香港郵政和路政署等，問埋香港區議會同民政事務處諮詢地區意見
- 任何人反對建議，用書面向地政總署署長提出，畀署方衡量接納與否。接納街道名，由地政總署根據香港法例，即第一百卅二章公眾衛生及市政條例，第XA部街道名稱，第一百一十一條C，宣布街道名喺香港政府憲報刊登公告。公告同有關街道圖則，亦貼喺香港中央圖書館、地政總署測繪處總部，同埋有關分區測量處
- 路政署、民政事務總署或私家街道的業權人等，會在名稱刊憲後安排竪立路牌[10]
尾字
[編輯]唐名字對英文
- 街。Street。正路，有大有小
- 路。Avenue，Road，Drive。正路，有大有小
- 巷。Lane，Pathway。窄路
- 徑。Path，Drive，Avenue，Close，Lane，Way，Walk。有大有小
- 里。Lane，Path。相對窄小路
- 圍。Court，Circuit。路圍地方
- 坊。Square，Crescent，Circle，Place。路圍地方
- 廣場。Square，Place
- 公路。Highway，Road
- 臺。Terrace
- 大道。Boulevard，Avenue，Road。相對大正路
- 大街。Main Street
- 橋，大橋。Bridge
- 隧道。Tunnel
- 走廊。Corridor
- 繞道。Bypass
- 交匯處。Interchange
- 海旁。Praya
行車
[編輯]公路
[編輯]公路本意，不過公眾可以用嘅馬路，通常指長途，唔少依地勢彎彎曲曲，好多時來回各一綫。後尾公路，就指高速公路，會多過一綫，必要時拉直一啲，所以行得快一啲。後期有一啲拉得更直，大量用橋用隧道等，減低地勢影響，而綫道更多，現時公路好多時指快速公路。駕駛者行公路，避開區繁忙街道，更快更直接駛到其他地方。快速公路容得落好多車，多線而有分隔車道。一眾快速公路同連接路，編成九條幹線，駁通港九新界。
香港首條高速公路，叫屯門公路。後尾亦改成快速公路，亦都可以話首條。一九七八年局部通車，一九八三年全面通車。真正快速公路，至早有吐露港公路，一九八五年通車。香港定快速公路行車線闊度，三米六五[11]。屯門公路二〇〇八年重建前，行車線闊度得三米三到三米五，當時未稱得上快速公路。
快速公路要刊憲先計數。按道路交通條例，登喺香港憲報。佢有乜規則，就寫咗喺道路交通(快速公路)規例。限制咗乜車可以行，例如單車就唔得，爬頭、停車、最右線行車，都有限制。入口。出口有交通標誌講明。有啲祇叫得高速公路，好如龍翔道、東九龍走廊同西九龍走廊，唔算快速公路。
原本定義公路，好早年就有，方便英國統治，後尾鄉郊居民出入就靠晒佢。雙線作雙程行車，行車速度同一般道路無乜分別，少數會上到每小時七十公里。例如舊時大埔公路同青山公路等，同埋西貢公路、荃錦公路、錦田公路、林錦公路、沙頭角公路、粉錦公路等。
車速
[編輯]常見車速限制級別，高到低數。至高每小時一百一十公里，之後一百、八十、七十、五十。屋邨內，五到三十都有。另外，第卅百七十四章，道路交通條例，第四十條，五同五號A[12]，中型貨車、重型貨車、巴士，同埋暫准駕駛執照司機，車速一律唔高得七十。小巴就八十。
幹線
[編輯]原有本編號跟建成次序編配，駕駛者難以分辨，有編等如無編。二〇〇四年，運輸署重新編過，九條幹線分開三個類別，南北向、東西向同埋環迴。
- 南北向
- 東西向
- 四、五、七、八號幹線，按南至北編號。第日重有條六號幹線。
- 環迴
- 原本一、二號幹線新界部份，加上原五號幹線，重組成為環迴新界幹線，九號號幹線。
除此之外，有十號幹線，後加。
幹線號碼
[編輯]
橋、隧道
[編輯]橋同隧道，除咗過山過海，亦因為要喺原本街道上下，起橋起隧道，可以跳過地面交通。
行車天橋
[編輯]以下為部分主要行車天橋
- 港島區
- 九龍區
- 新界區
行車隧道
[編輯]- 獅子山隧道 管道一、二，分別於一九六七年及一九七八年通車，沙田大圍至九龍塘，
組成部份 - 海底隧道 一九七二年通車，紅磡至銅鑼灣，組成部份
- 香港仔隧道 一九八二年通車，跑馬地至香港仔，組成部份
- 啟德隧道 一九八二年通車，土瓜灣至九龍灣，
組成部份 - 東區海底隧道 一九八九年通車，觀塘至鰂魚涌，
組成部份 - 城門隧道 一九九〇年通車，荃灣至沙田大圍，
組成部份 - 將軍澳隧道 一九九〇年通車，觀塘至將軍澳，
組成部份 - 大老山隧道 一九九一年通車，沙田至新蒲崗，組成部份
- 西區海底隧道 一九九7年通車，西九龍至西環，
組成部份 - 長青隧道 一九九7年通車，青衣東部至西部，組成部份
- 大欖隧道 一九九八年通車，錦田至汀九，組成部份
- 尖山隧道 二〇〇八年通車，長沙灣至沙田嶺，
組成部份 - 沙田嶺隧道 二〇〇八年通車，沙田嶺至沙田大圍，組成部份
- 大圍隧道 二〇〇八年通車，組成部份
- 南灣隧道 於二〇〇八年昂船洲大橋落成後一併通車，組成部份
- 機場隧道 於二〇一八年通車，香港國際機場最短隧道單程路，港珠澳大橋香港連接路一部分
- 觀景山隧道 於二〇一八年通車，港珠澳大橋香港連接路一部分
- 中環及灣仔繞道隧道 於二〇一九年通車，中環至北角，
組成部份 - 龍山隧道 於二〇一九年通車，九龍坑至沙頭角公路，香園圍公路一部分
- 長山隧道 於二〇一九年通車，沙頭角公路至坪輋，香園圍公路一部分
- 屯門—赤鱲角隧道 於二〇二〇年通車，屯門望后石至港珠澳大橋香港口岸
- 將軍澳—藍田隧道 於二〇二二年通車，將軍澳至茶果嶺，
組成部份
- 其他行車隧道
- 愉景灣隧道 二〇〇〇年通車，小蠔灣至愉景灣，香港唯一私家行車隧道。
監察
[編輯]運輸署道路交通監控閉路電視系統
[編輯]街道之最
[編輯]攷
[編輯]- ↑ 〈專題故事：12米也可以是一條街？〉。原著喺2010-12-06歸檔。喺2010-10-18搵到。
{{cite web}}: Unknown parameter|dead-url=ignored (|url-status=suggested) (help) Wayback Machine嘅版面存檔備份 - 1 2 〈路政署 - 香港道路網絡〉。原著喺2021-03-10歸檔。喺2018-05-13搵到。
{{cite web}}: Unknown parameter|dead-url=ignored (|url-status=suggested) (help) Wayback Machine嘅版面存檔備份 - ↑ 〈行行重行行語譯|行行重行行譯文〉。www.chinesewords.org。喺2025-07-13搵到。
- ↑ 〈立法會三題：倒車裝置及加強道路安全措施〉。www.info.gov.hk。喺2025-07-13搵到。
- ↑ 〈香港無所不在的欄杆，究竟有幾多？｜A closer look: Hong Kong's endless pedestrian railings〉。onebite (美國英文)。喺2025-07-13搵到。
- ↑ 〈立法會二十一題：路邊欄杆〉。www.info.gov.hk。喺2025-07-13搵到。
- ↑ 〈專題故事：舊街命名 各有故事〉。原著喺2010-12-06歸檔。喺2010-10-18搵到。
{{cite web}}: Unknown parameter|dead-url=ignored (|url-status=suggested) (help) Wayback Machine嘅版面存檔備份 - ↑ 〈街道命名準則〉。原著喺2010-12-06歸檔。喺2010-10-18搵到。
{{cite web}}: Unknown parameter|dead-url=ignored (|url-status=suggested) (help) Wayback Machine嘅版面存檔備份 - ↑ 〈約定俗成的街道命名做法〉 (香港中文)。2021-10-29。原著喺2024-12-10歸檔。喺2024-11-28搵到。
{{cite web}}: Unknown parameter|dead-url=ignored (|url-status=suggested) (help) - ↑ 〈街道命名步驟〉。原著喺2010-12-06歸檔。喺2010-10-18搵到。
{{cite web}}: Unknown parameter|dead-url=ignored (|url-status=suggested) (help) Wayback Machine嘅版面存檔備份 - ↑ 〈存档副本〉 (PDF)。原著 (PDF)喺2021-03-10歸檔。喺2005-04-26搵到。
{{cite web}}: Unknown parameter|dead-url=ignored (|url-status=suggested) (help) Wayback Machine嘅版面存檔備份 - ↑ 〈《香港法例》第374章《道路交通條例》—第40條〉。原著喺2021-03-10歸檔。喺2018年12月30日搵到。
{{cite web}}: Unknown parameter|dead-url=ignored (|url-status=suggested) (help) Wayback Machine嘅版面存檔備份 - ↑ 2025年政府公告：第1271號
- ↑ 香港街道之最 互聯網檔案館嘅歸檔，歸檔日期2010-10-22.
- ↑ 香港倒後鏡[失咗效嘅鏈]