香港核心價值

出自維基百科,自由嘅百科全書
1945年嗰時嘅觀塘道皇家空軍基地;遠睇見到獅子山(右上)。

香港核心價值粵拼:Hoeng1 gong2 hat6 sam1 gaa3 zik6),又叫做獅子山精神,通常係指啲香港貫徹而且靠佢哋成功嘅價值觀,雖然到咗家吓呢個詞都重係未有乜嘢明確嘅定義。

喺 2004 年 6 月,香港有成三百位嚟自唔同專業嘅人士喺報紙嗰度聯署《香港核心價值宣言》,列舉咗香港嘅一柞核心價值觀,好似係自由民主人權同埋法治呀咁,引起香港社會開始討論乜嘢先係「香港核心價值」。

背景[編輯]

有唔少香港人都覺得自從喺 1997 年主權移交打後,香港政府一連串嘅施政措施都同香港核心價值背道而馳,搞到香港人開始驚香港會更快咁「大陸化」。為咗維護香港同大陸之間嘅分別同埋優勢,唔少市民發起咗捍衛香港核心價值嘅運動,諗住想保存香港嘅獨有文化競爭上嘅優勢。

另一方面都有人認為,香港人對「香港核心價值」嘅睇法因為主權移交前香港人大多數對政治唔多在意,所以實際上主權移交前後有分別。好似係以香港核心價值做香港喺回歸前嘅成功因素嚟講,努力勤奮自強不息呢啲獅子山下嘅精神先至係香港人廿世紀嗰一代不可或缺嘅要素,而唔係主權移交之後泛民等各界人士宣揚嘅自由或者民主人權。所以如果夾硬要將想追求嘅政治理想,同一個由小漁港發展成國際大都會靠嘅要素劃上等號,實在係太過牽強。但係無論如何,多數市民都贊同呢個宣言,並且支持保護呢啲核心價值。

核心價值元素[編輯]

香港主流傳媒認為香港核心價值包括咗以下嘅元素:

香港行政長官梁振英2012年香港行政長官選舉嘅勝利宣言度講出咗上面嘅核心價值[1][2]

政務司司長唐英年喺 2012 年初嗰陣曾經咁話:「『捍衛核心價值』係最核心嘅核心價值。」[3]

香港中文大學香港亞太研究所喺 2014 年 10 月 30 號(雨傘運動第卅三日)發表咗一份民調報告,用電話調查訪問咗 804 個成年嘅市民,指出佢哋對 11 項唔同核心價值嘅同意程度:

核心價值 同意程度 最重要
法治 92.7% 22.9%
公正廉潔 92.3% 15.3%
追求社會穩定 88.2% 8.3%
自由 88.1% 20.8%
和平仁愛 87.4% 5.5%
保障私人財產 86.5% 1.9%
重視家庭責任 84.5% 0.6%
民主 83.2% 11.1%
多元包容 79.8% 2.5%
市場經濟 76.5% 3.5%

上述嘅數據差距唔係咁大,冇一項重要核心價值嘅比例過到半數,反映咗喺受訪者嘅心目中,香港嘅核心價值其實好多元,而唔係淨係得單一嘅壓倒性核心價值。有人話呢個情況同香港融匯粵英文化、強調多元包容嘅歷史同文化好一致[1]

香港核心價值宣言[編輯]

2004 年 6 月 7 日,近 300 個嚟自香港 42 個唔同專業、學術界人士喺報紙嗰度聯署《香港核心價值宣言》,列舉香港嘅核心價值係自由民主人權法治公平公義和平仁愛、誠信透明多元包容、尊重個人同恪守專業。」宣言直指廿一世紀開始香港嘅核心價值受到衝擊,同香港人追求嘅目標愈嚟愈遠,呼籲市民一齊以言論同行動去維護香港嘅核心價值,以免搞到香港變成「失去靈魂的軀殼」。但係親共媒體《文匯報》拒絕登嗰份宣言[4][5]

發起活動嘅香港城市大學公共及社會行政系教授、新力量網絡主席、曾經做個民主黨副主席嘅張炳良指出,廿一世紀頭嘅香港政治爭拗、人大釋法否決0708年雙普選維港巨星匯平機會嘅解僱事件等都衝擊緊香港嘅核心價值,令到市民覺得冇力同有挫敗感,削弱咗香港嘅管治質素同營商環境,亦都破壞咗社會嘅制度理性同凝聚力,呼籲唔同階層同黨派嘅人士以言論同行動一齊去維護呢啲核心價值。佢強調呢個針對成個香港社會嘅。佢認為每個社會都有自己嘅一套價值觀,係社會團結嘅重要基礎。佢指出香港人「唔可以失去香港」,而呢個「香港」係有括號嘅,唔單只係喺地理上,重有文化面貌、生活方式,同埋制度獨特層面嘅香港。基本法四十五條關注組成員梁家傑表示,中國政府近排以好高姿態、霸道咁介入香港嘅事務,令到香港出現空前嚴重嘅分化,市民無論對中國政府同香港政府都唔信任[6][7][8][9]。連署者包括導演徐克等人。[9]

同年牛棚書展以《香港生活價值》做書展嘅主題,反思香港嘅基本價值觀同特質。

其他觀點[編輯]

親共媒體《大公報》認為:一國兩制係香港最緊要、最切實、最可貴嘅核心價值,認為「其他普遍嘅價值只有喺一定嘅歷史條件或者特定嘅環境入面先至可以顯示出佢冇得取代嘅價值」[10][11]

睇埋[編輯]

[編輯]

  1. 梁振英當選行政長官 互聯網檔案館歸檔,歸檔日期2017年12月12號,.. 2012年3月25日. 香港政府新聞處
  2. 梁振英 : 珍惜香港核心價值. 2012年4月1日. 香港政府新聞處
  3. . 香港有線電視. 2012-01-18.{{cite news}}: CS1 maint: url-status (link)
  4.  . 蘋果日報 (香港). 2004年6月7日. 原著喺2020年3月28日歸檔. 喺2010-08-19搵到.
  5. 294專業人士聯署籲保香港核心價值. . 明報. 2004-06-07. p. A14. {{cite news}}: |access-date= requires |url= (help)
  6. . 聞-政策政情. 信報財經新聞. 2004-06-07. p. P05. {{cite news}}: |access-date= requires |url= (help)
  7. 300人聯署倡保衛心價值. . 成報. 2004-06-07. p. A07. {{cite news}}: |access-date= requires |url= (help)
  8. 人不信任中央 更甚於特區. . 東方日報. 2012-01-31. {{cite news}}: |access-date= requires |url= (help)
  9. 9.0 9.1 民主派團結度 香港民主發展關鍵 互聯網檔案館歸檔,歸檔日期2006年2月22號,.,自由時報,2004年7月1日
  10. . . 2004-06-16.
  11. . . 2004. 原著喺2020年4月20號歸檔. 喺2017年10月12號搵到.
  12. "Definition of Classical Liberalism". 原著喺2017年1月12號歸檔. 喺2017年10月13號搵到.

出面網頁[編輯]