跳去內容

洋紫荊

出自維基百科,自由嘅百科全書
  提示:呢篇文講嘅唔係紫荊
How to read a taxoboxWikipedia:點樣睇生物分類框
How to read a taxobox
洋紫荊
喺開緊花嗰陣嘅洋紫荊
喺開緊花嗰陣嘅洋紫荊
物種分類
植物界 Plantae
被子植物門 Magnoliophyta
雙子葉植物綱 Magnoliopsida
豆目 Fabales
豆科Fabaceae
亞科 蘇木亞科 Cæsalpinioidese
羊蹄甲屬 Bauhinia
洋紫荊 B. × blakeana
二元學名
Bauhinia × blakeana
S. T. Dunn

洋紫荊粵拼joeng4 zi2 ging1;學名:Bauhinia × blakeana[1]),又叫香港蘭hoeng1 gong2 laan4英文Hong Kong orchid tree)或宮粉紫荊gung1 fan2 zi2 ging1),係蘇木亞科羊蹄甲屬常綠喬木。原產香港印度地區。呢種樹係鄉土樹種。

2005年,香港大學研究[2]證實洋紫荊唔係獨立物種,而係紅花羊蹄甲Bauhinia purpurea)同宮粉羊蹄甲Bauhinia variegata)嘅混種。

形態

[編輯]

樹枝長而向外伸,上面有向下沊嘅椏。葉8~15cm長,一塊兩瓣,似或圓形,頂端似羊蹄。洋紫,似荊花,有5嚿花瓣同5支公芯,樣大而明顯,有香味。每年2~4月開花,而且多花少葉。洋紫荊嘅果係扁長豆莢形嘅,但佢一般都唔會結果,即使結果,果莢裡面嘅種子都冇辦法發芽生長,或者直情係冇種子。喺大埔區曾經有人發現過結果嘅洋紫荊[3]

由於一般唔會搵到洋紫荊嘅種子,現時係以扦插法或者嫁接法去繁殖,大多數嘅洋紫荊樹幹上面都可以清楚見到接合位。

佢對地形嘅適應性比較犀利,可以抵抗大氣污染。

用途

[編輯]
  • 觀賞植物:洋紫荊嘅花色鮮艷,通常係紫色或者粉紅色,適合用於公園、花園同街道綠化。
  • 風景樹:因為佢獨特嘅樹形同美麗嘅花朵,洋紫荊經常被用作庭院同景觀設計中嘅特色樹種。
  • 藥用價值:喺某啲傳統醫學中,洋紫荊嘅葉同花被認為有一定嘅藥用價值,用來治療感冒、消化不良等問題。
  • 生態保護:洋紫荊嘅根系能有效防止水土流失,適合用於山坡或者易受侵蝕嘅地區進行植被恢復。
  • 文化象徵:喺某啲地方,洋紫荊被視為地方嘅象徵,例如香港嘅市花,代表住美麗同繁榮。

文化

[編輯]
香港嘅行政區旗(上)同香港市政局旗(下),呢兩隻旗都係用咗洋紫荊嘅撈稿。
  1. 香港嘅市花:洋紫荊係香港嘅市花,象徵住香港獨特嘅身份同文化。每年春天,洋紫荊盛開,成為城市嘅靚麗景觀,吸引咗好多遊客。
  2. 象徵美麗與繁榮:洋紫荊嘅花朵好靚,經常被視為美麗同繁榮嘅象徵,寓意住希望同新嘅開始。
  3. 文化活動:有啲地方會舉行同洋紫荊相關嘅文化活動,例如花展、節慶慶典等,進一步弘揚地方文化同社區凝聚力。
  4. 藝術表現:洋紫荊經常出現在繪畫、攝影等藝術作品中,成為藝術家表達情感同美嘅主題之一。
  5. 文學象徵:喺詩歌同文學作品中,洋紫荊都經常被用作意象,寓意住愛情、友情同生命嘅美好。
睇埋:香港文化

香港特別行政區花

[編輯]

洋紫荊係香港一個神父1880年響薄扶林行山,去到一間廢屋附近發現。1965年成為香港市花。1997年後香港特別行政區用洋紫荊做香港特別行政區區徽香港特別行政區區旗嘅圖案。但係《香港基本法》中文版將洋紫荊叫做紫荊花[4],英文版依然叫bauhinia[5]。其實咁係錯嘅,因為紫荊花(學名 Cercis chinensis)係另一種植物,屬於紫荊屬,而洋紫荊係羊蹄甲屬,佢哋嘅外形亦完全唔相似。

圖集

[編輯]

睇埋

[編輯]

參考

[編輯]
  1. 由於洋紫荊喺2005年初確定係雜交種,所以佢嘅學名 Bauhinia × blakeana 種加詞前加上乘號用嚟表示天然雜交種。舊有嘅學名 Bauhinia blakeana 將全面被新嘅種名取代。
  2. Lau, Carol P. Y.; Ramsden, Lawrence; Saunders, Richard M. K. (2005-03-01). "Hybrid origin of "Bauhinia blakeana" (Leguminosae: Caesalpinioideae), inferred using morphological, reproductive, and molecular data". American Journal of Botany. doi:10.3732/ajb.92.3.525. 原著喺2008年3月15號歸檔. - Carol P. Y. Lau, Lawrence Ramsden 及 Richard M. K. Saunders 發表喺美國植物學會植物學術期刊嘅文章
  3. Lau, Ken。記: 誰說洋紫荊不結果原著喺2020年8月6號歸檔。
  4. 《香港基本法》(中文版)第十條 互聯網檔案館歸檔,歸檔日期2010年10月28號,.。
  5. 《香港基本法》(英文版)第十條 互聯網檔案館歸檔,歸檔日期2012年2月14號,.