木棉花

出自維基百科,自由嘅百科全書
  呢篇文講嘅係植物。想搵主要出品兒童文學香港出版社,睇吓「木棉樹出版社」。
How to read a taxoboxWikipedia:點樣睇生物分類框
How to read a taxobox
木棉花
木棉樹喺春天開咗花嗰時嘅樣
木棉樹喺春天開咗花嗰時嘅樣
瀕危指標

最唔使理(Least Concern) (LC)
物種分類
植物界 Plantae
門(Divisio): 被子植物門 Magnoliophyta
雙子葉植物綱 Magnoliopsida
錦葵目 Malvales
木棉科 Bombacaceae
木棉屬 Bombax
木棉 B. ceiba
二元學名
Bombax ceiba
L.
別名

Bombax malabaricum DC.
Salmalia malabarica (DC.) Schott & Endl.

木棉花粵拼muk6 min4 faa1;學名:Bombax ceiba),第個名係英雄樹jing1 hung4 syu6)或紅棉樹hung4 min4 syu6)或攀枝花paan1 zi1 faa1)或吉樹gat1 syu6)或瓊枝king4 zi1);簡稱木棉muk6 min4)或紅棉hung4 min4),廣東廣州、廣西崇左、四川攀枝花同臺灣高雄市民,又嗌英雄樹jing1 hung4 syu6)或英雄木jing1 hung4 muk6),係木棉科木棉屬嘅落葉大喬木,喺熱帶亞熱帶地區先至搵到。

[編輯]

木棉,本名。棉字即係木棉咁解。廣韻仙韻有寫,「棉。木棉,樹名。吳録云,其實如酒杯,中有綿如蠶綿,可作布。又名曰緤,羅浮山記曰,正月花如芙蓉,結子方生,葉子内綿至蠶成即熟。廣州記云,枝似桐枝葉,如胡桃葉而稍大也。」以前會用佢嘅綿造

木棉開木錦花,落晒葉先開紅,有如烽火,份外顯眼,故此又嗌紅棉紅棉樹。近人起咗個花名英雄樹,以佢又高又紅,有如英雄

喺廣州,因為呢樖嘢係因為秦朝嗰時,南越國趙佗落嚟南海郡嗰陣,見到樖樹紅色好似個烽光噉,所以先至改咗噉嘅名。

「古貝」同「吉貝」就分別係梵文Karpassa」同南洋土語「Ceiba」嘅音譯。之所以唔揀「吉貝」嘅名係因為爪哇島嗰邊有樖嗌爪哇木棉Ceiba Pentandra」嘅樹,加上個樣差唔多噉,搞到好多人都搞錯嗮。

喺海南,「瓊枝」係因為海南島入面有呢樖嘢生而改成噉嘅名。

而「英雄樹」個名係因為喺森林入面,木棉樹嘅樹頂成日都超過其它樹,所以就係噉嚟。

形態[編輯]

呢樖嘢有10-25米咁高。樹幹直立,有明顯瘤刺;掌狀複葉互生,而且葉柄都好長,由5-7嚿長橢圓形嘅細葉組成;而樹上面一般都係先開花,之後再生樹葉。而開花時間一般都喺春初時期[1],嗰啲花簇都喺生喺樹枝嗰度。而花冠一般都係紅色橙紅色嘅範圍,直徑有差唔多12cm,有5嚿花瓣。而肉質就好似調轉嘅蛋或橢圓形噉。佢喺唔同季節入面有唔同形態:

  • :樹上面開花,冇樹葉。成樖嘢係一片橙紅色。
  • :樹上面出樹葉,之前開咗嗰啲花就跌嗮落嚟。成樖嘢係一片綠色。
  • :樹上面開始出現落葉。
  • :好似光棍樹咁光莌莌。

花樣方面,大多數見到嘅都係公花。而蒴果都好大吓,好似個橢圓形噉,木質,一般係白色。一熟咗之後自己識裂開。而蒴果入面都裝嗮棉花響度,一般到春末夏初嗰時,如估由得佢嘅果喺樹道唔摘佢,佢嘅果啲「棉」同籽一齊,好似蒲公英嘅飛絮噉飛嗮出嚟。而花一般都喺春末夏初時期[2]結果嘅。

[編輯]

用途[編輯]

呢樖嘢可以用嚟整救生水泡嘅同時,亦可以用嚟做木材同紙。

藥用價值[編輯]

木棉花謝時,會跌落地。坊間會執咗來做[3]。其中,木棉嘅根、莖入面嘅嘢有收斂同鎮痛功效,佢啲汁可以醫痢疾;而根皮、莖皮同刺磨成粉之後就可以整成藥膏,用嚟醫粉刺。木棉花嘅花瓣重可以曬乾嚟浸茶、煲湯同入藥[4]。而木棉嘅樹皮,喺廣東嗰边都成日當成海桐皮[5]嚟入藥。佢味苦性平。主要功效係祛風濕,通經絡,殺蟲。醫風濕痹痛,痢疾,牙痛同門疥癬。

文化[編輯]

睇埋:粵文化

市花[編輯]

唔少城市攞咗木棉花做市花,好似廣東省廣州市潮州市四川省攀枝花市廣西壯族自治區崇左市,同埋臺灣高雄市噉。由於佢樖樹又高又大又粗,所以喺華南地區,有人當佢係英雄噉,話成係「英雄樹」或「英雄木」。另外,臺北市中正區嘅區花同埋金門縣嘅縣花都係佢。

香港[編輯]

以前香港有首嗌《紅棉》(羅文主唱嗰首)嘅歌就有用到木棉樹喇[6]

喺金鐘有條紅棉路,喺香港島結婚啲人成日都嚟嗰度註冊結婚登記嘅。

臺灣[編輯]

臺灣有首叫《木棉道》嘅民歌,唱嘅就係同木棉花有關嘅嘢。而歌詞第一句就講咗木棉花道開花嘅嘢。

喺高雄市金門縣入面成日用呢樖樹話成當地嘅民宗有好犀利嘅發展噉解。

航空標記[編輯]

中國南方航空標誌嘅撈稿,就係用咗紅色嘅木棉花嚟做撈稿。

如估去過機場附近都知,其中中國南方航空公司嘅撈稿就係一朵抽象化嘅大紅木棉花放喺寶石藍嘅飛機尾翼嗰邊[7]

廣州[編輯]

木棉花之所以做咗廣州市嘅市花,係因為木棉花係中國南方入面特有嘅花,而且喺1982年開始一直都係廣州市嘅市花,象徵坦誠同熱情。

出面網頁[編輯]

有關嘅書[編輯]

  • 《樹影花蹤-九龍公園樹木研習徑》,香港園藝學會 著,天地圖書 出版,2005年4月。36-39頁。ISBN 988211147-5
  • 《香港方物古今》,饒玖才 著,天地圖書 出版,1999年。41-44頁。ISBN 962-950-671-8
  • 《青草世界彩色圖鑑》,鍾錠全 著,鍾錠全出版,1997年12月。338-339頁。
  • 中国少年儿童百科全书 自然·环境 第457页 浙江教育出版社 ISBN 7-5338-1946-2/G·1942

[編輯]

  1. 北半球大多數喺每年嘅2月底到3月初,南半球大多數喺每年嘅8月底到9月初。
  2. 北半球一般係5月中旬到,南半球一般係11月中旬到。
  3. 木棉花 互聯網檔案館歸檔,歸檔日期2015年2月5號,. 中华康网
  4. 木棉花的功效与作用 中华康网
  5. 廣東嗰頭嗌「海桐皮」或「陳皮」
  6. 广. 原著喺2016年3月4號歸檔. 喺2015年1月7號搵到.
  7. "标记的意义 Archive.is歸檔,歸檔日期2012年7月10號," 南航官网. 于2010年1月14日查阅.