香港殯儀

出自維基百科,自由嘅百科全書
Jump to navigation Jump to search
香港基督教儀式喪禮

香港殯儀嘅習俗同宗教儀式種類繁多,因為有來自唔同地方嘅宗族習慣、地區文化同宗教信仰。喺香港,喪禮通常會喺殯儀館舉行,或者可以喺長生店教堂舉行,亦有部份人士直接喺醫院殮房出殯,香港嘅各大醫院都設有特別房間用來進行遺體告別儀式。

一般程序[編輯]

香港嘅殯儀程序一般包括:

  1. 設靈:又叫守夜,響先人出殯前一晚進行,同時進行宗教儀式
  2. 入殮:將先人遺體安放入棺木
  3. 大殮:包括瞻仰遺容、封棺、辭靈等,同時進行宗教儀式
  4. 出殯:靈柩送去安葬嘅地方
  5. 安葬:通常係土葬火葬,同時進行宗教儀式

宗教儀式[編輯]

香港殯儀普遍使用以下宗教儀式:

道教[編輯]

儀式包括破地獄、擔幡買水等,亦會燒一啲紙紮用品,以求「陰安陽樂」。

佛教[編輯]

儀式包括上貢、誦經,目的係超渡先人,盡快輪迴。

天主教[編輯]

儀式包括神父講道、奉香、唱詩歌、祈禱等,目的係為咗紀念先人,祝福先人到咗天國,享有永生。

基督教[編輯]

儀式包括牧師講道、唱詩歌、祈禱等,目的係為咗紀念先人,祝福先人到咗天國,享有永生。

維新[編輯]

屬於無神論,純粹紀念先人,亦冇特別儀式同限制。

親友行禮[編輯]

當親友到達靈堂之後,需要向先人遺照同家屬行禮,堂倌會講:「有客到,來賓請上前」,之後來賓行到先人遺照前面,堂倌再講:「一鞠躬,再鞠躬,三鞠躬,家屬謝禮」。而基督教儀式會用默禱禮代替三鞠躬禮,堂倌會講:「請低頭默禱」,之後堂倌再講:「靜默禮成,家屬謝禮」。其他宗教儀式喪禮,親友可以因為宗教信仰原因,用默禱禮代替三鞠躬禮,亦可以要求唔裝香。

睇埋[編輯]

出面網頁[編輯]