靈堂
靈堂係一種堂，殯儀場所。人死後，出殯之前，畀人祭奠遺體同弔唁嘅地方。靈堂原指神佛有靈異嘅殿堂[1]，然大宋時太平廣記同太平御覽都提及為人死後祭禮地方。
靈堂通常為臨時設置，借為聚集死者親友，擺放遺體。如自家大宅、村中大堂 、教堂之類。但亦有專門為此而設嘅地方，如殯儀館咁，經年為唔同人設置靈堂。
靈堂擺設因時因地因信仰而有異。現今好多時會設壇拜祭，而壇中放張大相。唐人多左右擺挽聯以及花牌。傳統上會放香燭，但亦有啲只放鮮花。
古時有分戶內同戶外，戶內叫室，戶外叫堂，後尾內外都叫靈堂。通典成服後人加註咁寫，「凡正寢、戶內曰室、戶外曰堂、虞杖不入室、祔杖不升堂。以今言之、即靈堂戶之內外也。」
攷
[編輯]- ↑ 丁福保 (1922)。《佛學大辭典》。