粵字

出自維基百科,自由嘅百科全書
跳去: 定向搵嘢

粵字粵拼jyut6 zi6),即係粵語字,又叫做廣東字(粵拼gwong2 dung1 zi6)或香港字(粵拼hoeng1 gong2 zi6),係一種由漢字演變出嚟嘅字,專用嚟寫粵語入面一啲傳統漢字冇(或者係本來有但失傳咗)嘅字,例如「」、「」、「」、「」、「」、「」、「」、「」、「」、「」等等。佢哋喺用粵語溝通嘅地區畀人廣泛噉用,例如香港同澳門。

種類[編輯]

粵字有幾種:

造字[編輯]

根據粵語詞嘅發音同埋意思,遵守六書造出嚟。例如:粵語表示『升降機』嘅詞音 lip1,係音譯自英文「lift」。為咗寫出呢個音,就用形聲法造字,用「」字做部首,加個「立」字創造出個「𨋢」字,意思係上下直立行嘅車。又好似「冇」呢個字,係將「有」字嘅兩搣走,去表示有嘅相反。

古字[編輯]

又叫「本字」,係古漢字,喺而家書面語已經唔再用。例如:表示「疲倦」嘅「攰」字。

借音字[編輯]

借用喺粵語入面同音嘅漢字嚟寫某個發音。借用嘅字增加咗一個同原意唔同嘅解釋。例如:「響」,借音之後增加咗「在、喺」噉樣一個表示處所嘅解釋。又例如:聽日嘅「聽」字亦係借音字,「聽」原意係用耳仔去感受聲音,而新嘅意思係「遞時、之後」。

香港增補字[編輯]

粵字喺最初漢字電腦化嘅時候,冇加入編碼裏面。響 1999 年 9 月香港特別行政區政府將 4702 個香港通用嘅漢字造成《香港增補字符集》。Unicode 出 3.1 版嘅時候(2001年5月1號),《香港增補字符集》亦加埋入去。

參考[編輯]

睇埋[編輯]