嘅

嘅，虛字之一，見於廣東話。馬建忠寫文通，就歸入介字一類，介於實字中間。有說以英文文法為借喻，似英文屈折，話佢如英字屈折後綴，改變字性。之不過廣東話為獨立語，而非屈折語，文法類型唔同，純屬借喻。

以前唔少借「既」來寫。「既」本義都算幾常用，為咗唔撞，旁加口部寫成「嘅」。之不過，無論「既」定「嘅」，皆為借字。嘅本身讀慨，皆因「嘅」為「慨」異字。嘅並非廣東話獨有，廣東、廣西、福建、江西等地嘅話都有類似，之不過寫法各異。甚至文言之中藏有類似。「嘅」個來源，為學者所研究。當中一說為「個」字轉音，皆因換做「個」字，大多數意思都通。

佢用法似文言個之，官話個的，吳語個个字。然而用法有別。「嘅」個用法，無文言「之」用途咁多。無官話「的」出現得咁頻繁。「嘅」喺廣東話並非必須，大多時實字直接駁埋。然時有時直駁有歧義，就借「嘅」釐清。然而依個功用，大多數量字代替。另一用用來強調歸屬。擺喺實字同句讀尾作結，當做助字。

字

「嘅」個寫法，可見於一八五六年，䘙三畏所寫本英華分韻撮要。書中寫喺一百四十五版，字編號一百七十八。

嘅有佢原本意思，同「慨」。詩有首中谷有蓷，「中谷有蓷、暵其乾矣。有女仳離、嘅其嘆矣。嘅其嘆矣、遇人之艱難矣。」嘅嘆就出自依首。說文亦都有寫，「嘅、嘆也。从口旣聲。詩曰、嘅其嘆矣。」

本字

本字假說，主要有二。一為「其」，二為「個」。「其」字說亦包古字「丌」同化字「忌」。

其

「其」字說可以見於康熙字典。由古籍之中考據。

• 其、〔古文〕丌亓。
• 又集韻韻會、居吏切。
• 正韻、吉器切，𠀤音寄。
• 韻會、語已辭。
• 詩檜風、彼其之子。通作記。
• 禮表記引詩彼記之子。又通己。
• 左傳襄二十七年引詩彼己之子。
• 又韻會或作忌。
• 詩鄭風叔善射忌。

亦即其字又會寫做記、己、忌。故此其字用法相合，本字或為「其」。

個

「個」，本為「个」，後寫「箇」，再俗寫成「個」，另外亦有寫「介」。个，可以講人數，一人曰一个，之後亦講物數。個為人與物數數用。

廣東話有用量字以連繫實字。亞福件衫，亞壽條褲，狗個藪，貓個兜。「個」「嘅」音近，「個」可能化成「嘅」，變成介字、助字。咁亦唔獨廣東話，華南普偏有咁現象。

同官話比較

官話「的」字，中古寫法有「底」。成日用來同廣東話「嘅」相比。然而廣東話「嘅」，無官話「的」用得咁頻。官話有以「的」相連實字，廣東話會直接相連，或者結構完全唔同。

例如，官話「很大的風」，廣東話會話「好大風」。官話「美麗的手」，廣東話「靚手」。官話「你的名字」，廣東話「你個名」。官話「他的狗」，廣東話「佢隻狗」。官話「我的最後的手段」，廣東話「我最尾手段」。官話「幸福的婚姻」，廣東話可以寫「幸福婚姻」，然而亦可成句「婚姻幸福」。故此「嘅」無官話「的」咁頻，皆因習慣上可以唔現形，或者有其他字代替。

順帶一題，廣東話「啲」亦有類似用處。「樹上啲葉」、「你啲衫」。

攷

維基辭典有佢嘅解釋：

嘅