馬建忠

出自維基百科,自由嘅百科全書
Jump to navigation Jump to search

馬建忠1845年2月9號1900年),字眉叔,係中國時洋務派重要官員,多次俾李鴻章派去做唔同任務。佢因為寫咗中文第一本文法書馬氏文通》而出名。佢係江蘇丹徒人,因為太平軍打到來,細個就成家搬去上海,同埋響嗰度讀書,所以佢就通曉希臘文拉丁文法文同埋英文,亦都識西方科學

家境同初學[編輯]

馬家響時已經信奉天主敎。馬建忠係細仔,佢大哥同三哥都早死。二哥馬建勛響早年曾國荃拔擢過佢,做淮軍糧台。而四哥馬相伯就係震旦大學復旦大學嘅創辦人。1853年3月,大平軍定都南京。佢哋成家就搬去上海避難,而佢亦都跟埋四哥讀天主教耶穌會依納爵公學,即係後來嘅徐匯公學。佢細個就學曉中國傳統經史,五歲就諗考科舉。不過,1854年到1860年佢見到第二次鴉片戰爭。佢覺得朝建官員唔掂,淨係自保。就決定改學西洋。佢先入耶穌會初學院做修士,學拉丁文、法文、英文和希臘文等。1869年同1870年,佢見到洋人修士蝦國人修士,就決定唔再讀大修院,亦都唔向洋人低聲下氣。

事業[編輯]

佢二哥介紹佢畀大臣李鴻章。因為佢熟西洋文化,又識洋文,李鴻章就好賞識佢。佢之後一直幫李鴻章做嘢。不過呢個係個悲劇,因為做洋務一方面要面對守舊官員相迫,又要對住洋人列強苛求。佢派去好多涉外事,遇過好多難事,成日畀人毀謗,兩面受敵,如果唔係李鴻章保住,都好難全身而退。

1876年,因為佢係郎中,所以李鴻章就派佢去法國留學,跟手做埋中國駐法公使郭嵩燾翻譯。1877年,佢參加咗巴黎考試院文科理科考試,全部及格。之後再考咗律師、政治、外交等等唔同科目,一樣及格。之後佢就返返大清,係屬於洋務派。

1881年佢就要去當時係英國人管治嘅印度,同印度總督傾加鴉片入口稅,同專賣鴉片嘅事。1882年,即係光緒八年,李鴻章又派佢去朝鮮王講同英美德簽商約。無幾耐響六月九日朝鮮發生壬午之亂大院君李是應唔滿意閔妃同親日派金玉均,就帶改革派入朝專政,殺咗興宣君李最應同埋幾個日本人。閔妃向大清國頒救兵。就係咁,馬建忠同丁汝昌畀李鴻章同張樹聲派咗去捉大院君李是應。呢件事令到朝鮮慢慢脫離中國,跌入日本手裏面,又畀人鬧到飛起。同一年,即係十月十八日,李鴻章派馬建忠同法國公使寶海天津傾好越事草案三條,即係中國撤兵、通商、中法分巡紅河南北。

佢後做過輪船招商局會辦同埋上海織佈局總辦。1890年就開始寫書。1894年,發生甲午戰爭,佢就建議開翻譯書院,敎洋文,希望多啲人可以翻譯人文,科學知識。

1895年,因為大清響甲午戰爭打輸咗,要去傾條約。佢就做咗李鴻章參贊,一齊去日本,同日本首相伊藤博文簽咗馬關條約。因為又係割地賠款,全國即時,佢又畀人攻擊。康有為亦同埋1300個入京考試嘅舉人上書。李鴻章要自保,就嫁禍馬建忠係東洋奸細。

1900年8月,義和團之亂後,八國聯軍攻入北京,兩廣總督李鴻章就去上海馬建忠屋企,搵佢幫手,傾點樣阻止洋軍南下。馬建忠即刻應承,做咗上海行轅襄理機要。佢發緊燒都唔停咁翻譯外電。4號,佢因病而死,嗰年佢只係得55歲。

思想[編輯]

馬建忠係主張改革,發展民營工商業,因為國要強,一定要國有錢,而要國有錢,就要國人有錢,而國人要有錢,就有多啲民營工商業。所以佢致力推行洋務,起鐵路,關稅保護工商業。佢亦都提倡國人多學洋文,汲取外國科學文化知識。

著作[編輯]

佢有唔少著作: