馬氏文通

出自維基百科,自由嘅百科全書
Jump to navigation Jump to search

文通,之後多數人叫佢馬氏文通,係第一本中文文法書。係馬建忠1898年寫好嘅,亦都有人懷疑係其兄馬相伯相助。

馬建忠熟悉多隻外語,去過外國好多地方。佢見到清末國內受西方人侵略,亦都提倡改革。佢認為西方發逹係因為人哋外國有文法,有規矩,容易畀人讀。而當中文就無呢方面文法,難以畀人理解。所以佢就寫本中文文法書,等國人可以有捷徑可以快啲學好中文,汲取四千年文化,同西方人一較長短。

馬氏花咗十幾年,參考研究各國西文文法,將中文字睇佢性質分類,同埋點樣組成句。全書有十章。頭一章係解釋術語,二到九章就係各種字類,第十章就講

文通對之後中文文法好有影響,佢確定咗過去唔係清楚嘅實字虛字。後尾有唔少人批評文通,但係實質唔少中文文化書都受佢影響。