英華分韻撮要

英華分韻撮要（A Tonic Dictionary of the Chinese Language in the Canton Dialect）係本英文解釋嘅廣東話字典，係美國人衞三畏所寫，一八五六年喺廣東省城出版。本書係按韻部來排，方便西人學唐字同廣東話。

佢以《江湖尺牘分韻撮要合集》收嘅《分韻撮要》爲底本，按英文字典體例同順序編排，除咗粵音之外，亦喺唐字底標上官話讀音。

英華分韻定廣東話平上去入，二分陰陽，共八調。同家下分九調十調唔同。同《分韻撮要》唔同，佢分得仔細啲，按調而分，《分韻》得卅三韻，佢五十四韻。