分韻撮要

《分韻撮要》（粵拼：fan1 wan5 cyut3 jiu3），簡稱《分韻》，係清朝嘅廣州音韻書，估計喺清初時期成書。作者不詳，喺目前已知嘅版本中，經由武溪溫儀鳳（岐山）、溫繼聖（端石）二人編訂。

佢嘅聲韻系統，同現時最流行嘅廣東話有啲唔同。學界相信佢反映舊時嘅讀音。

書中唔收廣東話口語字，有音無字亦冇收。

版本

《分韻撮要》自清朝乾嘉以來，翻刻甚劇。現存最早嘅版本是由廣州雙門底壁魚堂梓行嘅單行本，由武溪溫岐山校輯，目前收藏喺德國拜仁州立圖書館。呢個版本冇寫明刊刻年份，亦冇前言後記，但係封面上寫明「梓行」，說明唔係根據他人版本而重鐫翻刻，至少可以證明佢係經由溫岐山編訂嘅第一版本。

另一單行本係收藏喺荷蘭萊頓大學圖書館嘅《元亨字彙分韻撮要》，冇寫明年份，冇前言後記，連邊個刊刻都冇記低。書坊依照正文，將編者補足做「武溪溫岐山溫端石」二人，可見呢個版本乃係根據上述壁魚堂版本翻刻。藏館根據原藏書人魯瓦耶（Jean Theodore Royer）身處嘅年代，估計刊刻年代大約喺十八世紀。岑堯昊考證魯瓦耶最遲喺1773年識得中文，佢呢本《分韻》可能係早年購得，或者由佢嘅中國朋友若瑟、亞彩送嘅，相信呢個元亨本刊刻於十八世紀中後葉。^[1]

後來傳世嘅《分韻》多數係合刻本，即係喺一頁分欄刊印超過一本書。合刻本依單行本翻刻，錯訛多過單行本^[1]。當中最著名嘅有1782年^[2]的《江湖尺牘分韻撮要合集》^[3]。1856年，美國人衛三畏根據呢個版本嘅《江湖尺牘分韻撮要合集》刻本出版咗《英華分韵撮要》。馬禮遜自編書目嘅手稿，亦都有《江湖分韻酬世全書》、《江湖尺牘分韻撮要合集》兩部合刻本。如果計算唔同書坊翻刻嘅《江湖尺牘分韻撮要合集》或《尺牘輯要分韻撮要合集》，年代由1788年（乾隆五十三年）至1904年（光緒三十年），跨越百載。^[1]香港陳湘記書局出版嘅《新輯寫信必讀分韻撮要合璧》，則係翻刻時間最遲嘅版本，錯訛亦多過前述版本。

硏究

近代對《分韻撮要》嘅論述，最早係黃錫凌喺《粵音韻彙》收錄嘅〈廣州標準音之研究〉一文，但係佢對《分韻》評價不高，認爲《分韻》同當時粵語讀音嘅差異，只係由於《分韻》依據編者地方口音（黃錫凌認爲係南海順德嘅方音）而唔係標準粵語讀音。

最先為《分韻撮要》擬定具體國際音標音值嘅是彭小川（1990）。彭小川認為《粵音韻彙》嘅差異反映咗粵語隨住時間嘅變化，而唔係地方口音差異。劉鎮發、張群顯（2003）根據來華傳教士的語音描述提出《分韻》修另一套擬音方案。^[4]羅言發（2020）根據上述兩文，又提出第三套擬音方案，並用以佐證澳門話喺清末民初嘅音變。^[5]

韻部

《分韻撮要》分韻部三十三個，第一到卅一韻，用陰調字做名，第卅二、卅三韻，用陽調字做名。

每部韻部內小韻按陰平、陽平、陰上、陽上、陰去、陽去、陰入、陽入排列，即係陰調行先，陽調在後。

字有字義，絕大多數無反切。

**分韻撮要韻部**
次第	平	上	去	入	平上去（英華^[6]）	入（英華^[6]）	平上去（粵拼）	入（粵拼）
一	先	蘚	線	屑	ín	ít	in	it
二	威	偉	畏		ai		ai
三	幾	紀	記		í		i
四	諸	主	著		ü		yu
五	修	叟	秀		au		au
六	東	董	凍	篤	ung	uk	ung	uk
七	英	影	應	益	ing	ik	ing	ik
八	賓	禀	嬪	畢	an	at	an	at
九	張	掌	帳	着	éung	éuk	oeng	oek
十	剛	講	降	角	ong	ok	ong	ok
十一	朝	沼	照		iú		iu
十二	孤	古	故		ú		u
（無*）	無	母	務		ò		ou
十三	鴛	婉	怨	乙	ün	üt	yun	yut
十四	皆	解	介		ái		aai
十五	登	等	凳	德	ang	ak	ang	ak
十六	師	史	四		z'
十七	金	錦	禁	急	am	ap	am	ap
十八	交	絞	教		áu		aau
十九	栽	宰	載		oi		oi
二十	兼	檢	劍	劫	ím	íp	im	ip
二十一	津	贐	進	卒	un	ut	eon	eot
二十二	雖	髓	歲		ui		eoi
二十三	科	火	貨		o		o
二十四	緘	减	鑒	甲	ám	áp	aam	aap
二十五	翻	反	泛	發	án	át	aan	aat
二十六	家	賈	嫁		á		aa
二十七	官	管	貫	括	ún	út	un	ut
二十八	魁	賄	誨		úi		ui
二十九	遮	者	蔗		é		e
三十	干	趕	幹	割	on	ot	on	ot
三十一	甘	敢	紺	蛤	òm	òp
三十二	彭	棒	硬	額	áng	ák	aang	aak
三十三	吾	五	悟		ng		ng
（無*）	（靴）				ù		oe

*《分韻》原本無嘅，《英華》記有，語音衍變之故。^[6]

聲母

《分韻》冇直接標聲母，但每隻韻部逢親聲母、聲調有差就列新小韻；按照唔同韻部小韻嘅排佈同埋根據現代粵語嘅推導，可以列出以下聲母同擬音（羅馬字出自粵拼同《英華》，粗體嘅係粵拼。兩者有啲唔同。代表漢字參照「韻典網」，唔係《分韻》本身有嘅）：

		脣音	齒齦音	齦齶音	軟齶音	脣軟齶音	聲門音
塞音	全清	幫　[p] b　p	端　[t] d　t		見　[k] g　k	古　[kʷ] gw　kw	亞　[ʔ]
塞音	次清	滂　[pʰ] p　p'	透　[tʰ] t　t'		溪　[kʰ] k　k'	困　[kʷʰ] kw　kw'
鼻音		明　[m] m	泥　[n] n	日　[ȵ]^{[註 1]}	我　[ŋ] ng
塞擦音	全清		精　[t͡s] z　ts	照　[t͡ɕ～t͡ʃ] ch
塞擦音	次清		清　[t͡sʰ] c　ts'	穿　[t͡ɕʰ～t͡ʃʰ] ch'
擦音		非　[f] f	心　[s] s	審　[ɕ～ʃ] sh			曉　[h] h
近音				以　[j] j　y^{[註 2]}		云　[w] w^{[註 3]}
邊音			來　[l] l

↑ 《英華》已歸入以母類
↑ 《英華》「i」（i）、「ü」（yu）前唔另標「y」
↑ 《英華》「u」（u）前唔另標「w」

參攷

↑ ^1.0 ^1.1 ^1.2 岑堯昊：〈《分韻撮要》版本與音系新論〉，《中國語文通訊》第99卷第1期，香港：香港中文大學吳多泰中國語文研究中心，2020年1月，頁37-72。
↑ 目前喺廣東省立中山圖書館收藏嘅《江湖尺牘分韻撮要合集》爲翰寶樓刊刻嘅殘本，書嘅上欄是吳郡虞世英（學圃）所輯嘅《江湖尺牘》，下欄是《分韻》，全書其實冇寫明刊刻年份，1782年乃係書序〈花港主人序〉中嘅乾隆「壬寅年」。
↑ 彭小川 (1992)。〈粵語韻書《分韻撮要》及其韻母系統〉。《暨南學報(哲學社會科學)》 (4)。
↑ 劉鎮發、張群顯 (2003)。〈清初的粵語音系——《分韻撮要》的聲韻系統〉. 出自詹伯慧、伍巍、甘于恩 (編)。《第八屆國際粵方言研討會論文集》。中國社會科學出版社。頁 206–223。原著喺2023-05-21歸檔。喺2023-05-21搵到。 {{cite book}}: Unknown parameter |dead-url= ignored (|url-status= suggested) (help)
↑ 羅言發 (2020)。《澳門話近兩百年來的音變 ——兼論廣州話、中山話的歷史音變》 (PDF)。北京：清華大學出版社。頁 110–126。原著 (PDF)喺2023-03-30歸檔。喺2023-05-21搵到。 {{cite book}}: Unknown parameter |dead-url= ignored (|url-status= suggested) (help)
↑ ^6.0 ^6.1 ^6.2 《英華分韻撮要》,1856

出面網頁

韻典網

[7] 《英華》已歸入以母類

[8] 《英華》「i」（i）、「ü」（yu）前唔另標「y」

[9] 《英華》「u」（u）前唔另標「w」

[sham-1] 1.0 ^1.1 ^1.2 岑堯昊：〈《分韻撮要》版本與音系新論〉，《中國語文通訊》第99卷第1期，香港：香港中文大學吳多泰中國語文研究中心，2020年1月，頁37-72。

[2] 目前喺廣東省立中山圖書館收藏嘅《江湖尺牘分韻撮要合集》爲翰寶樓刊刻嘅殘本，書嘅上欄是吳郡虞世英（學圃）所輯嘅《江湖尺牘》，下欄是《分韻》，全書其實冇寫明刊刻年份，1782年乃係書序〈花港主人序〉中嘅乾隆「壬寅年」。

[3] 彭小川 (1992)。〈粵語韻書《分韻撮要》及其韻母系統〉。《暨南學報(哲學社會科學)》 (4)。

[4] 劉鎮發、張群顯 (2003)。〈清初的粵語音系——《分韻撮要》的聲韻系統〉. 出自詹伯慧、伍巍、甘于恩 (編)。《第八屆國際粵方言研討會論文集》。中國社會科學出版社。頁 206–223。原著喺2023-05-21歸檔。喺2023-05-21搵到。 {{cite book}}: Unknown parameter |dead-url= ignored (|url-status= suggested) (help)

[5] 羅言發 (2020)。《澳門話近兩百年來的音變 ——兼論廣州話、中山話的歷史音變》 (PDF)。北京：清華大學出版社。頁 110–126。原著 (PDF)喺2023-03-30歸檔。喺2023-05-21搵到。 {{cite book}}: Unknown parameter |dead-url= ignored (|url-status= suggested) (help)

[JW-6] 6.0 ^6.1 ^6.2 《英華分韻撮要》,1856

[1]

[2]

[3]

[4]

[5]

[6]

[註 1]

[註 2]

[註 3]